ஜப்பானின் இரண்டு அப்டேட்டுகள்!

நடிகர் கார்த்தி நடித்துள்ள ஜப்பான் திரைப்படத்தின் இசை வெளியீட்டு விழா அக்டோபர் 28ஆம் தேதி சென்னையில் நடைபெறுகிறது. மேலும் படத்தை நவம்பர் 10ம் தேதி வெளியிடப்பட குழு முடிவுச் செய்துள்ளது.

ஜோக்கர், ஜிப்சி உள்ளிட்ட திரைப்படங்களை இயக்கிய தமிழ்நாட்டில் பிரபலம் அடைந்தவர் எழுத்தாளர் ராஜு முருகன். இவர் படங்கள் சமூக கருத்தை உள்ளடக்கியதாக இருக்கும். இந்த நிலையில் இயக்குனர் ராஜமுருகன் நடிகர் கார்த்தியை வைத்து ஜப்பான் படத்தை இயக்கத் தொடங்கினார். இப்படத்தினை தமிழின் முன்னணி தயாரிப்பாளர்களில் ஒருவரான எஸ்.ஆர்.பிரபு மற்றும் எஸ் ஆர் பிரகாஷ் பாபு இணைந்து 'ட்ரீம் வாரியர் பிக்சர்ஸ்' தயாரிப்பு நிறுவனத்தின் மூலம் தயாரிக்கின்றனர். மேலும் படத்திற்கு ஜி வி பிரகாஷ் குமார் இசையமைக்கிறார்.

ஜப்பான் படத்தில் நடிகர் கார்த்திக்கு ஜோடியாக அனு இமானுவேல் நடித்திருக்கிறார். மேலும் வாகை சந்திரசேகர் முக்கிய கதாபாத்திரத்தில் நடித்துள்ளார். இத்திரைப்படத்தின் டச்சிங் டச்சிங் என்ற பாடல் சமீபத்தில் வெளியாகி வரவேற்பை பெற்றுள்ளது. இந்த நிலையில் படத்தினுடைய இசை வெளியீட்டு விழாவை வரும் அக்டோபர் மாதம் 28ஆம் தேதி நேரு உள் விளையாட்டு அரங்கில் நடத்திட படக் குழுவினர் திட்டமிட்டு இருக்கின்றனர். இதற்காக பிரம்மாண்ட ஏற்பாடு தற்போது செய்யப்பட்டு வருகிறது.

ஜப்பான் திரைப்படத்தை தீபாவளிக்கு வெளியிடுவதற்காக ஆயத்தப் பணிகள் நடைபெற்றுக் கொண்டிருக்கின்றன. இவ்வாறு நவம்பர் 10ஆம் தேதி ஜப்பான் திரைப்படத்தை வெளியிடப் படக் குழுவினர் முடிவு செய்திருக்கின்றனர். ஜப்பான் திரைப்படம் நகை திருட்டை மையப்படுத்திய காமெடி கலந்த ஆக்சன் படமாக இருக்கும் என்று படக் குழுவினர் தரப்பில் தெரிவிக்கப்படுகிறது.