சுராஜ் வெஞ்சாரமூடு நடிப்பில் வெளிவரவிருக்கும் மதனோல்சவத்தின் டீசர் புதன்கிழமை வெளியிடப்பட்டது. இந்தப் படத்தை ரதீஷ் பாலகிருஷ்ணன் பொடுவாளின் முன்னாள் அசோசியேட் சுதீஷ் கோபிநாத் இயக்குகிறார்.
பிந்தையவர் இ சந்தோஷ் குமாரின் சிறுகதையை அடிப்படையாகக் கொண்டு படத்திற்கு திரைக்கதை எழுதுகிறார். டீசரைப் பார்க்கும்போது, இது ஒரு ஜாலியான குடும்ப பொழுதுபோக்குப் படம் போல் தெரிகிறது. நீண்ட நாட்களுக்குப் பிறகு முழுநீள நகைச்சுவை வேடத்தில் சுராஜ் நடிப்பது புத்துணர்ச்சியாக இருக்கலாம்.
சுராஜ் தவிர, மதனோல்சவத்தில் பாபு ஆண்டனி, ராஜேஷ் மாதவன், சுதி கொப்பா, பாமா அருண் ஆகியோரும் நடித்துள்ளனர். ஷெஹ்னாத் ஜெலால் ஒளிப்பதிவு செய்ய, விவேக் ஹர்ஷன் படத்தொகுப்புப் பணிகளை மேற்கொண்டுள்ளார். கிறிஸ்டோ சேவியர் இசையமைத்துள்ளார். அஜீத் விநாயகா பிலிம்ஸ் தயாரிப்பில் உருவாகியுள்ள இப்படம் விஷூ ரிலீஸுக்குத் திட்டமிடப்பட்டுள்ளது.
முன்னதாக OTT ரிலீஸாக வெளிவந்து விமர்சன ரீதியாக கடும் விவாதங்களைக் கிளப்பிய ‘தி கிரேட் இந்தியன் கிச்சன்’ திரைப்படத்தின் மலையாள மூலத்தில் கணவர் கதாபாத்திரத்தை ஏற்று நடித்த சுராஜ் வெஞ்சாரமூடை தமிழ் ரசிகர்கள் மறந்திருக்க வாய்ப்பில்லை.
அப்படம் தற்போது ஐஸ்வர்யா ராஜேஷ் நடிப்பில் தமிழில் ரீமேக் ஆகியிருந்தாலும் கூட மூலத்தில் சுராஜ் வெஞ்சரமூடு, நிமிஷா சஜயனின் இயல்பான நடிப்புக்கு நல்ல வரவேற்பு இருந்தது.