‘அவதார்’ படத்தின் 2-ம் பாகம்; டிசம்பர் 16-ல் வெளியீடு!

பிரபல ஹாலிவுட் இயக்குனர் ஜேம்ஸ் கேமரூன் இயக்கத்தில் கடந்த 2009-ம் ஆண்டு வெளியாகி, உலகெங்கும் பிரமாண்டமான வெற்றி பெற்ற படம்  'அவதார்'. இந்தப் படத்தின் 2-ம் பாகம் இந்த ஆண்டு டிசம்பர் 16-ம் தேதி உலகம் முழுக்க சுமார் 160 மொழிகளில் வெளியிட திட்டமிட்டுள்ளதாக இயக்குனர் ஜேம்ஸ் கேமரூன் தெரிவித்துள்ளார்.

இந்நிலையில் 'அவதார் 2'  படத்தின் டிரெய்லர் மே 6-ம் தேதி வெளியாகவுள்ளதாக தெரிவிக்கப்பட்டுள்ளது. மேலும் இப்படத்தின் டீசர் காட்சிகள் 'சினிமாகான் 2022′ நிகழ்ச்சியில் ஒளிபரப்பப் பட்டது. அந்த வகையில்  'அவதார்' 2-ம் பாகத்தின் பெயர் 'Avatar: The Way of Water என்று தெரிவிக்கப் பட்டுள்ளது.

அவதார் முதல் பாகத்தைப் போல இப்படமும் ஸ்பெஷல் எஃபக்டுகளுடன்  உலக சினிமா வரலாற்றில்  சிறந்த உருவாக்கத்திற்கான  சாதனையைப் படைக்கும்  என எதிர்பார்க்கப்படுகிறது.