0,00 INR

No products in the cart.

தமிழக டேபிள் டென்னிஸ் வீரர்: மேகாலயாவில் சாலை விபத்தில் மரணம்!

தமிழக டேபிள் டென்னிஸ் வீரர் விஸ்வா தீனதயாளன் மேகாலயாவில் நடந்த சாலை விபத்தில் இன்று அகால மரணமடைந்தார். அவரது மறைவுக்கு தமிழக முதல்வர் ஸ்டாலின், மேகாலயா முதல்வர் கான்ராட் சங்மா  ஆகியோர் இரங்கல் தெரிவித்துள்ளனர்.

தமிழகத்தைச் சேர்ந்த விஸ்வா தீனதயாளன் மாநில மற்றும் தேசிய அளவிலான டேபிள் டென்னிஸ் போட்டிகளில் பங்கேற்று பல்வேறு விருதுகளைப் பெற்றுள்ளார். இவர், சென்னையில் உள்ள லயோலா கல்லூரியில் பி.காம் படித்தவர்.

இந்நிலையில், மேகாலயா தலைநகர் ஷில்லாங்கில் இன்று தொடங்கும் 83-வது சீனியர் தேசிய சாம்பியன்ஷிப் போட்டியில் கலந்து கொள்வதற்காக விஸ்வா தீனதயாளன் அசாம் தலைநகர் குவஹாத்தியிலிருந்து மேகாலயா தலைநகர் ஷில்லாங் நோக்கி வாடகைக் காரில் சென்றார். அப்போது, ஷாங்பங்க்ளா என்ற இடத்தில் எதிரே வந்த  கன்டெய்னர் லாரி, ஓட்டுநரின் கட்டுப்பாட்டை இழந்து விஸ்வாவின் கார் மீது மோதியது. இதில் கார் ஓட்டுநர் சம்பவ இடத்திலேயே உயிரிழந்தார். விஸ்வா தீனதயாளன் நோங்போ சிவில் மருத்துவமனைக்கு அழைத்துச் செல்லப்பட்டார். ஆனால் அவர் ஏற்கெனவே உயிரிழந்துவிட்டதாக அவரைப் பரிசோதித்த மருத்துவர்கள் தெரிவித்தனர்.

விஸ்வா தீனதயாளன் மறைவுக்கு இந்திய டேபிள் டென்னிஸ் கூட்டமைப்பு தலைவர் துஷ்யந்த் சவுத்ரி இரங்கல் தெரிவித்துள்ளதோடு விஸ்வாவின்  ரூ.5 லட்சம் இழப்பீடு அறிவித்துள்ளார்.

தமிழக முதல்வர் ஸ்டாலின் தனது ட்விட்டர் பக்கத்தில் பதிவிட்டதாவது:

ஓர் இளம் வீரர், நம்பிக்கை நட்சத்திரத்தின் அகால மரணம் அதிர்ச்சியளிக்கிறது. அவரை இழந்து வாடும் குடும்பத்தினர், நட்பு வட்டாரம் மற்றும் விளையாட்டு சகாக்களுக்கும் இரங்கலைத் தெரிவித்துக் கொள்கிறேன்”

-இவ்வாறு பதிவிட்டுள்ளார்.

விஸ்வாவின் மறைவுக்கு மேகாலயா முதல்வர் கான்ராட் சங்மா இரங்கல் தெரிவித்ததாவது;

தமிழகத்தைச் சேர்ந்த வீரர் விஸ்வா தீனதயாளன் சாலை விபத்தில் இறந்தார் என்பது வருத்தமளிக்கிறது. எங்கள் மாநிலத்தில் நடக்கும் போட்டியில் பங்கேற்க வந்த அவருக்கு நேர்ந்த இந்த முடிவு வருத்தத்தை அளிக்கிறது.

-இவ்வாறு அவர்  கூறியுள்ளார். இதேபோல், ஹரியானா மாநில துணை முதல்வர் துஷ்யந்த் சவுதாலாவும் விஸ்வாவின் மரணத்துக்கு இரங்கல் தெரிவித்துள்ளதோடு அவரது குடும்பத்திற்கு ரூ.5 லட்சம் இழப்பீடு அறிவித்துள்ளார்.

Stay Connected

261,699FansLike
1,912FollowersFollow
7,330SubscribersSubscribe

Other Articles

12 மொழிகளில் வெளியாகிறது திருக்குறள்; மத்திய செம்மொழி தமிழாய்வு நிறுவனம் அறிவிப்பு!

0
இந்தி உட்பட 12 மொழிகளில் திருக்குறள் ஜூன் மாதத்தில் வெளியிடப்படும் என்று மத்திய செம்மொழி தமிழாய்வு நிறுவனம் தெரிவித்துள்ளது. -இதுகுறித்து மத்திய செம்மொழி தமிழாய்வு நிறுவன இயக்குனர் சந்திரசேகர் தெரிவித்ததாவது; திருக்குறளை இந்தி உட்பட 12...

கிருஷ்ண ஜென்ம பூமியிலுள்ள மசூதியில் அனுமதிக்க வேண்டும்; இந்து மகா சபா மனு தாக்கல்!

0
உத்தரபிரதேச மாநிலம் மதுராவில் உள்ள கிருஷ்ண ஜென்ம பூமியில் சுமார் இரண்டரை ஏக்கர் நிலப்பரப்பில் சாஹி இத்கா என்ற மசூதி உள்ளது. இந்த மசூதிக்குள் இந்துக்கள் சென்று வழிபாடு நடத்தவும் அபிஷேகம் செய்யவும்...

IPL கிரிக்கெட் போட்டி; கடைசி இடம் பிடித்தது மும்பை இந்தியன்ஸ் அணி! 

0
ஐபிஎல் கிரிக்கெட் போட்டிகள் வரலாற்றில் முதன்முறையானிந்த 15-வது சீசன் போட்டியில் மும்பை இந்தியன்ஸ் அணி கடைசி இடத்தை பிடித்துள்ளது. இதுகுறித்து இந்திய கிரிக்கெட் வாரியம் தெரிவித்ததாவது: ஐபிஎல் 15-வது சீசன் கிரிக்கெட் போட்டி அதன் இறுதிக்கட்டத்தை...

ஷூட்டிங்கில் விபத்து: ஆற்றில் விழுந்த காரில் சமந்தா!

0
நடிகர் விஜய் தேவரகொண்டா மற்றும் நடிகை  சமந்தா நடிக்கும் ‘குஷி’ தெலுங்குப் படத்தின் ஆக்ஷன் காட்சி ஒன்றை காஷ்மீரில் நேற்று முந்தினம் படமாக்கினர். அப்போது அவர்கள் சென்ற கார் எதிர்பாராத விதமாக ஆற்றில்...

குவாட் உச்சிமாநாடு: ஆஸ்திரேலியாவின் புதிய பிரதமருக்கு வரவேற்பு!

0
ஆஸ்திரேலியாவின் புதிய பிரதமராக பதவியேற்ற ஆன்டனி ஆல்பனேசி இன்று ஜப்பானில் நடைபெறும் குவாட் மாநாட்டில் பங்கேற்க வந்தபோது, அவருக்கு இந்திய பிரதமர் நரேந்திர மோடி உள்ளிட்ட உலகத் தலைவர்கள் சிறப்பான வரவேற்பு அளித்தனர். ஆஸ்திரேலியாவின்...