0,00 INR

No products in the cart.

பெட்ரோல், சமையல் எரிவாயு விலையுயர்வு: நாடாளுமன்றத்தில் கடும் அமளி!

நாடாளுமன்றத்தின் 2-வது பட்ஜெட் கூட்டத் தொடர் இரு அவைகளிலும் நடந்து வரும் நிலையில், இன்று மக்களவையில் பெட்ரோல், டீசல் மற்றும் சமையல் சிலிண்டர் விலையுயர்வு குறித்து உடனடியாக விவாதம் நடத்த வலியுறுத்தி எதிர்க்கட்சிகள் கோரிக்கை விடுத்தனர். இதற்கு சபாநாயகர் ஓம் பிர்லா நிராகரித்த நிலையில் எதிர்கட்சிகள் வெளிநடப்பு செய்தனர். காங்கிரஸ், திமுக, திரிணாமுல் காங்கிரஸ், இடதுசாரி கட்சிகள் உள்ளிட்ட கட்சிகள் இந்த வெளி நடப்பில் பங்கேற்றனர்.

மாநிலங்களவையிலும் பெட்ரோல் டீசல் மற்றும் சமையல் எரிவாயு சிலிண்டர் விலை உயர்வு குறித்து விவாதம் நடத்த வேண்டும் என கோரிக்கை வைத்தனர். அவைத் தலைவர் வெங்கையா நாயுடு எதிர்க்கட்சிகளின் கோரிக்கையை நிராகரித்ததால், பல்வேறு எதிர்க்கட்சிகளை சேர்ந்த உறுப்பினர்கள் தொடர் முழக்கம் எழுப்பினர்.

அவைத்தலைவர் இருக்கையை முற்றுகையிட்டு கோஷம் எழுப்பிய எதிர்க்கட்சிகள் இந்த விலை உயர்வு குறித்து பின்னர் விவாதிக்கலாம் என்ற வெங்கையா நாயுடுவின் ஆலோசனையை ஏற்காத நிலையில், மாநிலங்களவை 12 மணி வரை ஒத்திவைக்கப்பட்டது. மீண்டும் அவை 12 மணிக்கு கூடிய போதும் எதிர்க்கட்சிகள் தொடர் முழக்கத்தில் ஈடுபட்டதால், அவை இரண்டாவது முறையாக ஒத்திவைக்கப்பட்டது.

 

சமையல் எரிவாயு உருளையின் விலை ஆயிரம் ரூபாயை தொடும் நிலையில் ஏழை மக்கள் கடுமையாக பாதிக்கப்படுவார்கள் என அவர்கள் வலியுறுத்தியுள்ளனர். டீசல் விலை உயர்வு பணவீக்கத்தை மேலும் அதிகப்படுத்தி விலைவாசி உயர்வை அதிகரிக்கும் என தெரிவித்துள்ளனர்.

இப்படி இரண்டு அவைகளிலும் எரிபொருள் விலை உயர்வு குறித்து கடும் அமளி நடைபெற்றது. நாட்டின் 5 மாநில சட்டசபை தேர்தல்கள் முடிந்த கையோடு, இந்த விலை உயர்வை மத்திய அரசு அமல்படுத்தி உள்ளதாக எதிர்க்கட்சிகள் குற்றம்சாட்டியுள்ளனர்.

Stay Connected

261,699FansLike
1,912FollowersFollow
7,330SubscribersSubscribe

Other Articles

பேரறிவாளன் விடுதலை; உச்சநீதி மன்றம் அதிரடி உத்தரவு!

0
இந்தியாவின் முன்னாள் பிரதமர் ராஜீவ் காந்தி படுகொலை செய்யப்பட்ட வழக்கில் கைதாகி சிறைதண்டனை பெற்ற 7 பேரில் ஒருவரான பேரறிவாளன் தன்னை முன்கூட்டியே விடுதலை செய்யக்கோர உச்ச நீதிமன்றத்தில் வழக்கு தொடர்ந்தார்.  இன்று அந்த...

5 பரீட்சை பிட் பேப்பர்கள்; நாமக்கல் ஜெராக்ஸ் கடைகளில் பறிமுதல்! 

0
தமிழகத்தில் 10-ம் வகுப்பு மற்றும் +2 வகுப்பு மாணவர்களுக்கு பொதுத்தேர்வுகள்  நடைபெற்று வரும் நிலையில் நாமக்கல் மாவட்டத்தில் 5 கிலோ அளவுக்கு பரீட்சை பிட் பேப்பர்கள் கன்டறியப் ப்பட்ட சம்பவம் பரபரப்பைக் கிளப்பியுள்ளது. தமிழகம்...

TNPSC – குரூப் 2 தேர்வு; காலை 9 மணிக்கு பின் வந்தால் அனுமதியில்லை!

0
டிஎன்பிஎஸ்சி. குரூப்  2-வுக்கான தேர்வுகள் ஏற்கனவே திட்டமிட்டபடி இம்மாதம் 21-ம் தேதி நடைபெறும் என்று டிஎன்பிஎஸ்சி தலைவர் பாலச்சந்திரன் தெரிவித்தார். இதுகுறித்து செய்தியாளர்கள் சந்திப்பில் அவர் தெரிவித்ததாவது: டிஎன்பிஎஸ்சி குரூப் 2 தேர்வுகள் திட்டமிட்டபடி இம்மாதம்...

சமையல் எண்ணெய் அதிரடி உயர்வு; பொதுமக்கள் அதிர்ச்சி!

0
தமிழகத்தில் சமையல் எரிவாயு சிலிண்டரை அடுத்து சமையல் எண்ணெய் விலை அதிகரித்துள்ளதால் பொதுமக்கள் பெரும் அதிர்ச்சியடைந்துள்ளனர். இதுகுறித்து சென்னை கோயம்பேடு மார்க்கெட் வியாபாரிகள் தெரிவித்ததாவது: சர்வதேச அளவில் பெட்ரோல், டீசலுக்கு அடுத்தபடியாக சமையல் எண்ணெய் விலை...

சர்வதேச துருக்கி குத்துச்சண்டை போட்டி: வெள்ளி வென்ற நிவேதாவுக்கு உற்சாக வரவேற்பு!

0
துருக்கியில் நடைபெற்ற சர்வதேச குத்துச்சண்டை போட்டியில் வெள்ளிப்பதக்கம் வென்ற தமிழக வீராங்கனை நிவேதா இன்று சென்னை திரும்பியபோது உற்சாக வரவேற்பு அளிக்கப் பட்டது. துருக்கியில் இஸ்தான்புல்லில் வாகோ 7-வது சர்வதேச துருக்கி ஓபன் குத்துசண்டை...