0,00 INR

No products in the cart.

விக்கிலீக்ஸ் நிறுவனர் ஜூலியன் அசாஞ்சே சிறையில் திருமணம்!

விக்கிலீக்ஸ் நிறுவனர் ஜூலியன் அசாஞ்சே தனது நீண்டகால காதலியான ஸ்டெல்லா மோரிஸை லண்டனில் உள்ள உயர் பாதுகாப்பு சிறையில் நேற்று திருமணம் செய்துகொண்டார்.

ஜூலியன் அசாஞ்சே தனது விக்கிலீக்ஸ் நிறுவனத்தின் மூலம் அமெரிக்க ராணுவம் மற்றும் அரசாங்க ரகசியங்களை ஹேக் செய்ததாகக் குற்றம் சுமத்தப்பட்டு லண்டன் பெல்மார்ஷ் சிறையில் உள்ளார். அமெரிக்க ராணுவ ரகசியங்கள்  வெளியிட்டது தொடர்பாக அவர் மீது அமெரிக்காவில் பல்வேறு வழக்குகள் பதிவாகியுள்ளன. இந்நிலையில் அசாஞ்சே, 2019- ம் ஆண்டுமுதல் லண்டன் பெல்மார்ஷ் சிறையில் இருந்து வருகிறார், அதற்கு முன்பு லண்டனில் உள்ள ஈக்வடார் தூதரகத்தில் ஏழு ஆண்டுகள் தஞ்சம் அடைந்திருந்தார்.

தற்போது 50 வயதான ஜூலியன் அசாஞ்சே, 10 ஆண்டுகளுக்கு மேலாக தனக்கு வழக்கறிஞராக உள்ள ஸ்டெல்லா மோரிசை காதலித்தார். ஈக்வடார் தூதரகத்தில் வசிக்கும் போது ஸ்டெல்லா மோரிஸுடன் இணைந்து வாழ்க்கை நடத்தி இரண்டு குழந்தைகளுக்குத் தந்தையானார் அசாஞ்சே.

இந்நிலையில் தன் நீண்ட கால காதலியான ஸ்டெல்லா மோரிஸை நேற்று பெல்மார்ஷ் சிறையில் ஜூலியன் அசாஞ்சே திருமண்ம் செய்துகொண்டார். சிறைக்குள் சிம்பிளாக நடந்த இந்த திருமணத்தில் இரண்டு சாட்சிகள் மற்றும் இரண்டு காவலர்கள் என நான்கு விருந்தினர்கள் பங்கேற்றனர். சிறையில் பார்வையாளர்கள் நேரத்தில் இத்திருமணம் நடைபெற்றது.

திருமணத்திற்கு பின் ஸ்டெல்லா மோரிஸ் தனது நண்பர்கள் மற்றும் உறவினர்களுடன் சேர்ந்து கேக் வெட்டி கொண்டாடும் வீடியோ ஒன்றை விக்கிலீக்ஸ் நிறுவனம் தனது டுவிட்டர் பக்கத்தில் பகிர்ந்துள்ளது.

Stay Connected

261,699FansLike
1,912FollowersFollow
7,330SubscribersSubscribe

Other Articles

பேரறிவாளன் விடுதலை: கண்டனம் தெரிவித்து தமிழக காங்கிரஸார் போராட்டம்!

0
நாட்டின் முன்னாள் பிரதமர் ராஜீவ் காந்தி படுகொலை தொடர்பாக கைது செய்யப்பட்டு சிறையில் அடைக்கப்பட்ட 7 பேரில் ஒருவரான பேரறிவாளனை நேற்று உச்ச நீதிமன்றம் விடுதலை செய்தது. இதர்கு கண்டனம் தெரிவித்து தமிழக...

ஆன்லைன் கேம்ஸுக்கான ஜிஎஸ்டி வரி; அதிகரிக்க மத்திய அரசு திட்டம்!

0
மத்திய அரசு ஆன்லைன் விளையாட்டுகள், கேசினோ, குதிரைப் பந்தயம் உள்ளிட்டவை மீதான ஜிஎஸ்டி வரியை 18%ல் இருந்து 28% ஆக உயர்த்த திட்டமிட்டுள்ளதாகத் தெரிவிக்கப் பட்டுள்ளது. இதுகுறித்து மத்திய அமைச்சர்கள் குழுவின்  பரிந்துரையில் தெரிவிக்கப்...

சிதம்பரம் கோயில் கனகசபை: பக்தர்கள் ஏறி வழிபட அரசு அனுமதி! 

0
சிதம்பரம் நடராஜர் கோயிலில் கனகசபை மீது ஏறி பக்தர்கள் வழிபடலாம் என்று தமிழக அரசு அரசாணை வெளியிட்டுள்ளது.  சிதம்பரம் நடராஜர் கோயிலில் கனகசபை மீது சென்று சுவாமி தரிசனம் செய்வதற்கு முக்கிய பிரமுகர்கள் தவிர...

நாடாளுமன்ற மக்களவைத் தேர்தல்; அதிமுக வேட்பாளர்கள் இன்று தேர்வு!

0
நாடாளுமன்றத்தில் தமிழகம் சார்பாக காலியாக உள்ள 6 மாநிலங்களவை உறுப்பினர்களுக்கான பதவிக்கு போட்டியிட அதிமுக-வுக்கான வேட்பாளர்களை தேர்வு செய்ய அக்கட்சியின் உயர்நிலைக் குழுக் கூட்டம் இன்று மாலை நடைபெறவுள்ளதாக தெரிவிக்கப் பட்டுள்ளது. நாடாளுமன்றத்தில் மாநிலங்களவை...

1 கிலோ தக்காளி ரூ.100: சென்னை கோயம்பேடு நிலவரம்!

0
தமிழகத்தில் தக்காளி விலை தொடர்ந்து அதிகரித்து வரும் நிலையில் சென்னை கோயம்பேடு காய்கறி சந்தையில் ஒரு கிலோ தக்காளியின் விலை 100 ரூபாயை தொட்டிருக்கிறது. இதுகுறித்து கோயம்பேடு மார்க்கெட் வியாபாரிகள் தெரிவித்ததாவது; இம்மாதத் தொடக்கத்திலிருந்தே தக்காளி விலை...