கொஞ்சம் சிரிங்க பாஸ்

வாசகர் ஜோக்ஸ்                                                         ஓவியம் : ரஜினி

"தேர்தல் வெற்றிக்காக  நான் பாடுபட்டதைப் பாராட்டி தலைவர்,  தான் போட்டிருந்த  செயினையே கழட்டி எனக்கு கொடுத்துட்டார்!"

"கழுத்துல போட்டிருந்த மைனர் செயினையா?"

"இல்ல… இடுப்புல கட்டியிருந்த சைக்கிள் செயினை!"

– வி. ரேவதி, தஞ்சை

"உங்க உடம்பு இளைக்கணும்னா இனிமே நீங்க மூணு வேளையும் கஞ்சிதான் குடிக்கணும்!"

"சாப்பாட்டுக்கு முன்னாலயா? சாப்பிட்டுக்குப் பின்னாலயா டாக்டர்?"

– சி.ஆர்.ஹரிஹரன்,  கேரளா

"என்னய்யா கட்சி ஆபிஸ் வெளியே கூட்டமா இருக்கு?"

"யாரோ, உங்க வீட்ல வருமான வரித்துறை ரெய்டு நடக்குது, மதியம் சாப்பாடு போடறதா வதந்தி பரப்பிவிட்டிருக்காங்க தலைவரே!"

– சி.கார்த்திகேயன், சாத்தூர்

"கஜானா காலி என்பதற்காக இப்படியா?"

"என்னாச்சு?"

"மன்னர், புலவரைப் புகழ்ந்து பாடுகிறாரே!"

– சி.ஆர்.ஹரிஹரன், கேரளா

"என்னயா… சண்டையில என்னோட வாள் ஒருத்தரையும் வெட்டவே மாட்டேங்குது?"

"வரும் வழியெல்லாம், வாளால் இளநீரை வெட்டிக் குடிக்காதீங்கன்னு சொன்னா கேட்டாதானே மன்னா!"

 – திருப்பூர் சாரதி

"தலைவருக்கு நகைக்கடை திறப்பு விழாவுக்குப் போறது பிடிக்காதா?"

"அது பிடிக்கும், அங்கே கண்காணிப்பு கேமரா வச்சிருக்கிறதுதான் பிடிக்காது!"

– சி.ஆர்.ஹரிஹரன், கேரளா