0,00 INR

No products in the cart.

பாராட்டுவோம்; நன்றி சொல்வோம்

தலையங்கம்

 

க்ரைன் மீதான ரஷ்யா தாக்குதல் உச்சக்கட்டத்தை  அடைந்து ’உலகப்போராகிவிடுமோ’ என்ற அச்சம் எழுந்த நேரத்தில் பதறிப்போன நாடுகளில் முக்கியமானது இந்தியா. காரணம், அங்கு கல்வி கற்கும் வெளிநாட்டு மாணவர்களில் அதிகமானோர் இந்தியர்கள். கிட்டத்தட்ட 20 ஆயிரம் பேர்.

பாதுகாப்புக்காக  மெட்ரோ தரையடி ரயில் நிலையத்திலும் பதுங்கு குழிகளிலும் தஞ்சம் புகுந்துள்ள மாணவர்கள் சமூக ஊடகங்களிலும்  தொலைக்காட்சி சானல்களிலும்  சொன்ன செய்திகள் பார்ப்போரை நெகிழச்செய்தது.

ஆனால், அரசாங்கம் மற்றும் தாங்கள் சார்ந்த பல்கலைக்கழகங்கள் சுட்டிக்காட்டிய இடங்களில் தஞ்சம் அடைந்துள்ள இந்திய மாணவர்களை மீட்பதில்  ஒன்றிய அரசு காட்டி வரும் முனைப்பும் செயலாற்றும் வேகமும் நிம்மதியளித்தது.

அந்த நாட்டின் வான் வழித்தடங்கள் மூடப்பட்ட நிலையில், போர் சூழலினால் ராணுவ விமானங்களை அனுப்ப இயலாத சூழலில் பாதுகாப்பாக இந்தியாவிற்கு அழைத்து வரும் அரும்பணியை போர்க்கால அடிப்படையில்  செய்த ஒன்றிய அரசைப் பாராட்டுவோம். ஊக்குவித்து வழிநடத்திய பிரதமருக்கு நன்றி சொல்வோம்.

மருத்துவ படிப்புகளுக்காக சென்றுள்ள தமிழகத்தைச் சேர்ந்த 5 ஆயிரம் மாணவர்களும் தாயகம் திரும்ப முடியாமல் தவிக்கின்றனர். ’மதுரை, திருநெல்வேலி, கோவை, ஈரோடு, திருப்பூர் உள்ளிட்ட பல்வேறு மாவட்டங்களைச் சேர்ந்த ஏராளமான மாணவர்கள் உக்ரைனில் உள்ள கீவ், உஸ்கரோத் பகுதிகளில் சிக்கியுள்ளனர்’ என்ற செய்தி அறிவிக்கப்பட்டவுடன் மாநில முதல்வர் அவர்களுக்கு உதவ  24 மணி நேரமும் இயங்கும் ஒரு உதவி மையத்தையும், அதற்கு ஒரு  தனி அதிகாரியையும் நியமித்தது அந்த மாணவர்களின் பெற்றோர்களுக்கு நம்பிக்கையையும் மாணவர்களுக்குத் தைரியமும் அளித்த செயல்.

இம்மாதிரி சூழ்நிலையில் வெளிநாட்டில் தவிக்கும் இந்தியர்களை மீட்டெடுப்பது ஒன்றிய அரசால்  மட்டுமே செய்யக்கூடிய பணி என்றாலும் மாநில அரசு  வெறும் வேண்டுகோளுடன் நிறுத்திக்கொள்ளாமல்,  ஒன்றிய அரசின் அந்தச் செயலுக்கு உதவிக்கரம் நீட்டியிருப்பது ஒரு நல்ல நிர்வாகத்தின் அடையாளம்.

தமிழ்நாட்டைச் சார்ந்த 1000க்கும் மேற்பட்ட மாணவர்கள்  மற்றும் புலம்பெயர்ந்தோர் இம்மையங்கள் மூலமாகத் தமிழக அரசைத் தொடர்பு கொண்டுள்ளனர். இந்த சூழ்நிலையில், “தமிழ்நாட்டைச் சார்ந்த  மாணவர்கள் உக்ரைனிலிருந்து தாய்நாடு திரும்புவதற்கு ஏற்படும் பயண  செலவுகள் அனைத்தையும் தமிழக அரசே ஏற்கும்” என தமிழக முதல்வர் மு.க.ஸ்டாலின் அறிவித்துள்ளார். தொடர்ந்து ஒன்றிய அரசும் இத்தகைய அறிவிப்பைச் செய்திருக்கிறது.  இது  விமான கட்டணத்துக்குப் பணம் இல்லாமல் தவித்துக்கொண்டிருக்கும்  மாணவர்களுக்கு மிகப்பெரிய ஆறுதல்.

“பிரதமர் மோடியின் வேண்டுகோளுக்கு இணங்க, உக்ரைனில் உள்ள இந்திய மாணவர்களின் பாதுகாப்பை உறுதிசெய்யத் தேவையான அறிவுறுத்தல்கள் கொடுக்கப்பட்டுள்ளது” என்று ரஷ்ய அதிபர் விளாடிமிர் புதின் தெரிவித்துள்ளார். வான்வெளி போக்குவரத்து மூடப்பட்டுள்ளதால், உக்ரைனில் உள்ள இந்திய மாணவர்களை, அதன் அண்டை நாடான ருமேனியா ஹங்கேரி  வழியாக, தரைவழி மார்க்கமாக மீட்க ஒன்றிய அரசு திட்டமிட்டுள்ளது. மேலும், ஹங்கேரி, போலந்து நாடுகளிடமும் ஒன்றிய அரசு பேச்சுவார்த்தை நடத்தி வருகிறது. “இந்த நாடுகள் இந்தியா நமது நட்பு நாடு அதற்கு உதவவேண்டும்“ என்ற நல்லெண்ணத்தைக்  கொண்டிருப்பதற்கு மிக முக்கியக் காரணம், இந்த நாடுகளிடைய நல்லுறவை  உருவாக்கி அதை நீண்ட நாள் பேணி வந்த ஒன்றியத்திலிருந்த  முந்தைய அரசுகள் போர் நிறுத்தம் குறித்த பேச்சுவார்த்தைகள் தொடங்கியிருக்கிறது.  ஏதேனும் காரணங்களால் அது தோல்வியுற்று போர்  உச்சக்கட்டத்தை அடைந்து பேரழிவு ஏற்படுவதற்கு முன்பாக ’இந்திய மாணவர்கள்  மீட்கப் பட்டுவிடுவார்கள்’ என்ற நம்பிக்கையை   நாள் தோறும்  அதிகரிக்கும் மீட்பு விமானங்களின் எண்ணிக்கை விதைத்திருக்கிறது.

ஒன்றிய / மாநில அரசுகளைப் பாராட்டுவோம்: நன்றி சொல்வோம்.

3 COMMENTS

  1. பாராட்டுக்கள்! தமிழக அரசும் ஒரு குழுவை அனுப்பி வைக்க உள்ளது என்பதை கவனத்தில் கொண்டு அதற்கான அனுமதியை/வசதிகளையும் ஒன்றிய‌‌அரசு தாமதமின்றி உடனே செய்ய வேண்டும்..
    எல்லாவற்றிற்கும் மேலாக மருத்துவ படிப்பு உள் நாட்டிலேயே மாணவர்களுக்கு
    குறைந்த கட்டணத்தில் சிரமம் இல்லாமல் கிடைக்க வழிவகைகள்‌ செய்ய வேண்டும்
    திருவரங்க வெங்கடேசன் பெங்களூரு

  2. நல்லதை செய்தால் நிச்சயமாக பாராட்டியாக
    வேண்டும். உதவி கரம் நீட்டினால் கண்டிப்பாக நன்றி சொல்லியாக வேண்டும்.
    இதுதான் உண்மை.

  3. போர் இல்லாத , இராணுவ பட்ஜெட் இல்லாத உலகம் அமைவதே மனித குலத்திற்கு நிம்மதி. ரஷ்ய – உக்ரைன் போர் அதிர்ச்சியும், வேதனையும் அளிக்கிறது. மனித உயிர்களை துச்சமாக கருதுவது கொடுமை. ‘போரினால் சிக்கி தவிக்கும் தமிழ்நாட்டைச் சார்ந்த மாணவர்கள் உக்ரைனிலிருந்து தமிழகம் திரும்புவதற்கு ஏற்படும் பயண செலவுகள் அனைத்தையும் தமிழக அரசே ஏற்கும் ‘ என தமிழக முதல்வர் மு.க.ஸ்டாலின் அறிவித்துள்ளதும், ஒன்றிய அரசும் இத்தகைய அறிவிப்பைச் செய்திருப்பதும் சிறப்பு . விரைவில் போர் முடிவுக்கு வந்து, இயல்பு வாழ்க்கை மலர வேண்டும்.

    ஆ. மாடக்கண்ணு,
    பாப்பான்குளம்.

Stay Connected

261,699FansLike
1,912FollowersFollow
7,330SubscribersSubscribe

Other Articles

பாட்டில் தண்ணீர் கிடைக்காத தேசம்

கடைசிப் பக்கம்   சுஜாதா தேசிகன் சென்ற வாரம் கல்கி கடைசிப் பக்கம் எழுதிக் கொடுத்துவிட்டு இந்தியாவின் வடகிழக்கு மாநிலமான சிக்கிமிற்குச் சுற்றுலா சென்றேன். சுற்றிப் பார்த்த இடங்கள், குடித்த தேநீர், சாப்பிட்ட பதார்த்தங்கள், வாங்கிய வஸ்துக்கள்...

ஜப்பானின் அயராத சிரிப்பு அது

0
உலகக் குடிமகன் -  21 - நா.கண்ணன் நான் ‘மட்சுயாமா’ விமான நிலையத்தில் இறங்கியபோது இரவு நேரம் 7:30. இறங்கும் போது ஜன்னலிலிருந்து பார்த்தேன். நியோன் பல்புகள் ஒளிரும் இரவு. இரவுதானா? ஒசாகா விமான நிலையம்...

அதுபோலத்தான் இந்த இன்பமும்…துன்பமும்

உத்தவ கீதை - 21 - டி.வி. ராதாகிருஷ்ணன்   துக்கம்,ஆனந்தம்,பயம், கோபம்,பேராசை,காமம் மேலும் பிறப்பு, இறப்பு போன்றவை மனதனின் அகங்காரத்தால் ஏற்படுபவையே.ஆன்மாவிற்கல்ல.பிரம்மமே உண்மையானது(நினைவு நிலை),விழித்திருத்தல்,உறக்கம் ,கனவு என்ற மூன்று நிலைகளும் முக்குணங்களும் (சத்வ,ரஜஸ்,தமோ) காரண காரியத்தால்...

கொஞ்சம் சிரிங்க பாஸ்

1
“தலைவரை அவரோட  மனைவி திட்டறாங்களே, ஏன்?” “மகளிரணித் தலைவியின் பேரைச் சொல்லி மனைவியைக் கூப்பிட்டாராம்!” -  சி. ஆர். ஹரிஹரன், ஆலுவா, கேரளா “உங்களுக்கு முன்னாடியே உங்க பையன் சிகரெட்  பிடிக்கிறானாமே?” “யார் சொன்னது? அவன் பிறக்கறதுக்கு முன்னாடிலேர்ந்து நான் சிகரெட் பிடிக்கிறேனே.” - தீபிகா சாரதி, சென்னை “அந்தப் பேஷன்டுக்கு ஏதாவது முன்னேற்றம் தெரியுதா...

பாஸிட்டிவ் பார்வையில் பதில் தந்திருக்கலாமே?

0
கர்நாடக இசைக் கலைஞர் கலைமாமணி காயத்ரி கிரிஷ் அவர்களின் நேர்காணல் மிகவும் அருமை. அவரின் தேசபக்திப் பாடல்களைப் பற்றிப் படித்தவுடன் மகிழ்ச்சியாக இருந்தது. பத்து மொழிகளை தேர்வு செய்து பாடும் அவர் “அதற்காக...