பொலிடிகல் பிஸா.– எஸ். சந்திர மௌலி.குடும்பக் கட்சி.குடும்பக் கட்சி என்று வாரிசு அரசியல் செய்யும் காங்கிரஸ், தி.மு.க. உட்பட அனைத்து அரசியல் கட்சிகளையும் கடுமையாக விமர்சனம் செய்துவந்த மம்தா பானர்ஜி, கடந்த சில ஆண்டுகளாக அப்படி வசைபாடுவதை நிறுத்திக் கொண்டுவிட்டார். காரணம் என்னவென்று சொல்லவேண்டிய தேவையில்லை. இப்போது, அவரது கட்சியின் நெ. 2 ஆக இருப்பவர், அவரது உறவினரான அபிஷேக் பானர்ஜி. அண்மையில், நடந்த உள்ளாட்சித் தேர்தலில், 'கஜாரி பேனர்ஜி' என்ற பெண்மணிக்கு சீட் கொடுத்தார் மம்தா. கஜாரி, மம்தாவின் சகோதரரியின் மனைவி! இதன் பின்னணி என்ன தெரியுமா? மம்தாவின் சகோதரர் கார்த்திக், பா.ஜ.க.வில் சேர திரைமறைவில் பேச்சுவார்த்தை நடத்துவதாக கிசுகிசுக்கப்படுவதுதான்! அட அப்படி போகுதா விஷயம்!.அடி மேல் இடி.ஆந்திர சட்டமன்றத் தேர்தலில் ஆட்சியை இழந்த சந்திரபாபு நாயுடுவுக்கு சமீபத்திய உள்ளாட்சித் தேர்தலிலும் படுதோல்வி! அதிலும் குறிப்பாக அவரது சொந்தத் தொகுதியான குப்பம் தொகுதிக்குட்பட்ட ஏரியாக்களிலேயே, தெலுங்கு தேசம் கட்சி தோல்வியைத் தழுவியது நாயுடுவை மிகுந்த அப்செட் ஆக்கிவிட்டது என்கிறார்கள் அவரது கட்சியின் மூத்த தலைவர்கள். குப்பம் தொகுதியில் ஒரு வீடு கட்டி அங்கே அடிக்கடி விசிட் அடியுங்கள்! இல்லையென்றால், அடுத்த தேர்தலில் குப்பம் தொகுதியும் கை நழுவி விடும் என எச்சரிக்கிறார்கள் நாயுடுவுக்கு நெருக்கமானவர்கள்!.நீயா? நானா? பார்க்கலாம் ஒரு கை!.ராஜஸ்தானில் வானிலை சூழ்நிலைப்படி புயல் எல்லாம் வராது என்றாலும், ராஜஸ்தான் அரசியலில் என்றைக்குமே புயல் ஓயாது. கொஞ்ச காலமாக சற்று அடங்கி இருந்த அஷோக் கெலாட், சச்சின் பைலட் மோதல் மீண்டும் தலைதூக்கியுள்ளது. ஏதோ சூட்சுமம் செய்து, மீண்டும் ராகுலுக்கு நெருக்கமாகிவிட்டார் சச்சின் பைலட் என நொந்து போயிருக்கிறார் முதலமைச்சர் அஷோக் கெலாட். அண்மையில் ராஜஸ்தானில் நடந்த காங்கிரஸ் பேரணியைப் பார்வையிட முதல் வரிசையில் முக்கியத்துவமான சீட் பைலட்டுக்கு ஒதுக்கப்பட்டதாம். அது மட்டுமில்லை, சச்சின் பைலட்டோடு அனுசரணையாகப்போகும்படி கேலாட் அறிவுறுத்தப்பட்டிருக்கிறாராம்..கட்சி யார் கட்டுப்பாட்டில்?.வெகுநாட்களாக நியூசில் அடிபடாமல் இருந்த பீகாரின் லாலு பிரசாத் யாதவ், அண்மையில் தன் டுவிட்டரில் வெளியிட்ட ஒரு சின்ன வீடியோ சர்ச்சையைக் கிளப்பியுள்ளது. 1977 மாடல் ஜீப் ஒன்றை லாலு ஓட்டுவது போன்ற வீடியோ அது. வீடியோ வெளியான கையோடு, "பிசியான ரோடில் ஜீப் ஓட்டும் அளவுக்கு நலமாக இருக்கிறார் என்றால், உடல் நிலையை பாதிப்பு என காரணம் காட்டி, கோர்ட் கேஸ்களில் ஆஜராவதிலிருந்து விலக்கு தரவேண்டும் என ஏன் கேட்டுக் கொண்டிருக்கிறார் லாலு பிரசாத்?" என கேள்வி எழுந்துள்ளது. அடுத்த கேள்வி, அவரிடம் டிரைவிங் லைசென்ஸ் இருக்கிறதா? ஆனால், சர்ச்சைகளுக்கு பதிலளிக்காமல் மெளனம் சாதிக்கிறார் லாலு. "கட்சி இன்னமும் தன் கட்டுப்பாடில்தான் உள்ளது என்பதை இந்த வீடியோ மூலமாக சொல்கிறார் லாலு என்கிறார்கள் அவரது ஆதரவாளர்கள்..களமிறங்கும் இன்னொரு வாரிசு.கோவாவில் விரைவில் சட்டமன்றத் தேர்தல் நடக்கப்போகிறது. அதில், மறைந்த மத்திய அமைச்சரும், கோவா முன்னாள் முதலமைச்சருமான மனோகர் பரிக்கரின் மகன் உட்பல் பரிக்கர் பா.ஜ.க.சார்பில் போட்டியிட விரும்புகிறார். ஆனால், பா.ஜ.க. மேலிடம் இன்னமும் அதற்கு பச்சைக் கொடி காட்டவில்லை. கடந்த தேர்தலிலேயே அவர் போட்டியிட விரும்பினார் என்றாலும், பா.ஜ.க. மேலிடம், முன்னாள் மஹாராஷ்டிர முதலமைச்சர் தேவேந்திர ஃபட்னாவிஸ் மூலமாக, அவரை சமாதானம் செய்துவிட்டது. இந்த முறை உட்பல் பரிக்கார் தேர்தலில் தனக்கு சீட் கொடுத்தே ஆகவேண்டும் என அடம் பிடிக்கிறாராம். பா.ஜ.க. இன்னமும் இறுதி முடிவு எடுக்கவில்லையாம்.
பொலிடிகல் பிஸா.– எஸ். சந்திர மௌலி.குடும்பக் கட்சி.குடும்பக் கட்சி என்று வாரிசு அரசியல் செய்யும் காங்கிரஸ், தி.மு.க. உட்பட அனைத்து அரசியல் கட்சிகளையும் கடுமையாக விமர்சனம் செய்துவந்த மம்தா பானர்ஜி, கடந்த சில ஆண்டுகளாக அப்படி வசைபாடுவதை நிறுத்திக் கொண்டுவிட்டார். காரணம் என்னவென்று சொல்லவேண்டிய தேவையில்லை. இப்போது, அவரது கட்சியின் நெ. 2 ஆக இருப்பவர், அவரது உறவினரான அபிஷேக் பானர்ஜி. அண்மையில், நடந்த உள்ளாட்சித் தேர்தலில், 'கஜாரி பேனர்ஜி' என்ற பெண்மணிக்கு சீட் கொடுத்தார் மம்தா. கஜாரி, மம்தாவின் சகோதரரியின் மனைவி! இதன் பின்னணி என்ன தெரியுமா? மம்தாவின் சகோதரர் கார்த்திக், பா.ஜ.க.வில் சேர திரைமறைவில் பேச்சுவார்த்தை நடத்துவதாக கிசுகிசுக்கப்படுவதுதான்! அட அப்படி போகுதா விஷயம்!.அடி மேல் இடி.ஆந்திர சட்டமன்றத் தேர்தலில் ஆட்சியை இழந்த சந்திரபாபு நாயுடுவுக்கு சமீபத்திய உள்ளாட்சித் தேர்தலிலும் படுதோல்வி! அதிலும் குறிப்பாக அவரது சொந்தத் தொகுதியான குப்பம் தொகுதிக்குட்பட்ட ஏரியாக்களிலேயே, தெலுங்கு தேசம் கட்சி தோல்வியைத் தழுவியது நாயுடுவை மிகுந்த அப்செட் ஆக்கிவிட்டது என்கிறார்கள் அவரது கட்சியின் மூத்த தலைவர்கள். குப்பம் தொகுதியில் ஒரு வீடு கட்டி அங்கே அடிக்கடி விசிட் அடியுங்கள்! இல்லையென்றால், அடுத்த தேர்தலில் குப்பம் தொகுதியும் கை நழுவி விடும் என எச்சரிக்கிறார்கள் நாயுடுவுக்கு நெருக்கமானவர்கள்!.நீயா? நானா? பார்க்கலாம் ஒரு கை!.ராஜஸ்தானில் வானிலை சூழ்நிலைப்படி புயல் எல்லாம் வராது என்றாலும், ராஜஸ்தான் அரசியலில் என்றைக்குமே புயல் ஓயாது. கொஞ்ச காலமாக சற்று அடங்கி இருந்த அஷோக் கெலாட், சச்சின் பைலட் மோதல் மீண்டும் தலைதூக்கியுள்ளது. ஏதோ சூட்சுமம் செய்து, மீண்டும் ராகுலுக்கு நெருக்கமாகிவிட்டார் சச்சின் பைலட் என நொந்து போயிருக்கிறார் முதலமைச்சர் அஷோக் கெலாட். அண்மையில் ராஜஸ்தானில் நடந்த காங்கிரஸ் பேரணியைப் பார்வையிட முதல் வரிசையில் முக்கியத்துவமான சீட் பைலட்டுக்கு ஒதுக்கப்பட்டதாம். அது மட்டுமில்லை, சச்சின் பைலட்டோடு அனுசரணையாகப்போகும்படி கேலாட் அறிவுறுத்தப்பட்டிருக்கிறாராம்..கட்சி யார் கட்டுப்பாட்டில்?.வெகுநாட்களாக நியூசில் அடிபடாமல் இருந்த பீகாரின் லாலு பிரசாத் யாதவ், அண்மையில் தன் டுவிட்டரில் வெளியிட்ட ஒரு சின்ன வீடியோ சர்ச்சையைக் கிளப்பியுள்ளது. 1977 மாடல் ஜீப் ஒன்றை லாலு ஓட்டுவது போன்ற வீடியோ அது. வீடியோ வெளியான கையோடு, "பிசியான ரோடில் ஜீப் ஓட்டும் அளவுக்கு நலமாக இருக்கிறார் என்றால், உடல் நிலையை பாதிப்பு என காரணம் காட்டி, கோர்ட் கேஸ்களில் ஆஜராவதிலிருந்து விலக்கு தரவேண்டும் என ஏன் கேட்டுக் கொண்டிருக்கிறார் லாலு பிரசாத்?" என கேள்வி எழுந்துள்ளது. அடுத்த கேள்வி, அவரிடம் டிரைவிங் லைசென்ஸ் இருக்கிறதா? ஆனால், சர்ச்சைகளுக்கு பதிலளிக்காமல் மெளனம் சாதிக்கிறார் லாலு. "கட்சி இன்னமும் தன் கட்டுப்பாடில்தான் உள்ளது என்பதை இந்த வீடியோ மூலமாக சொல்கிறார் லாலு என்கிறார்கள் அவரது ஆதரவாளர்கள்..களமிறங்கும் இன்னொரு வாரிசு.கோவாவில் விரைவில் சட்டமன்றத் தேர்தல் நடக்கப்போகிறது. அதில், மறைந்த மத்திய அமைச்சரும், கோவா முன்னாள் முதலமைச்சருமான மனோகர் பரிக்கரின் மகன் உட்பல் பரிக்கர் பா.ஜ.க.சார்பில் போட்டியிட விரும்புகிறார். ஆனால், பா.ஜ.க. மேலிடம் இன்னமும் அதற்கு பச்சைக் கொடி காட்டவில்லை. கடந்த தேர்தலிலேயே அவர் போட்டியிட விரும்பினார் என்றாலும், பா.ஜ.க. மேலிடம், முன்னாள் மஹாராஷ்டிர முதலமைச்சர் தேவேந்திர ஃபட்னாவிஸ் மூலமாக, அவரை சமாதானம் செய்துவிட்டது. இந்த முறை உட்பல் பரிக்கார் தேர்தலில் தனக்கு சீட் கொடுத்தே ஆகவேண்டும் என அடம் பிடிக்கிறாராம். பா.ஜ.க. இன்னமும் இறுதி முடிவு எடுக்கவில்லையாம்.
