ஆரோகியமான முடி வளர்ச்சியை ஊக்குவிக்கும் 5 விதைகள்!

பல்வேறு காரணங்களால் நம்முடைய முடி உதிர்ந்து, வறண்டு போய், வளர்ச்சி குன்றிவிடுகிறது. இந்த பிரச்சினைகளுக்கு தீர்வாக நாம் பல வகையான தயாரிப்புகளை பயன்படுத்துகிறோம். ஆனால், இயற்கையான வழிகளில் முடியை பராமரிப்பது மிகவும் நல்லது. இதில் விதைகள் மிக முக்கிய பங்கு வகிக்கின்றன. பல்வேறு வகையான விதைகளில் நம்முடைய முடிக்கு தேவையான ஊட்டச்சத்துக்கள் நிறைந்துள்ளன. 

முடி என்பது உடலின் ஒரு பகுதி என்பதால், நம் உடலுக்கு நாம் கொடுக்கும் ஊட்டச்சத்துக்கள் முடிக்கும் கிடைக்க வேண்டும். நாம் சாப்பிடும் உணவில் போதுமான அளவு புரதம், வைட்டமின்கள், தாதுப்பொருட்கள் இருப்பது அவசியம். இந்த ஊட்டச்சத்துக்கள் முடி வேர்களை வலுப்படுத்தி, புதிய முடி வளர்ச்சியை ஊக்குவிக்கும்.

விதைகளில் ஏன் ஊட்டச்சத்துக்கள் அதிகம்?

விதைகள் என்பவை ஒரு செடியின் இனப்பெருக்க பாகமாகும். எனவே, ஒரு புதிய செடியை உருவாக்க தேவையான அனைத்து ஊட்டச்சத்துக்களும் விதைகளில் அடங்கியிருக்கும். இந்த ஊட்டச்சத்துக்கள் நமது உடலுக்கும் மிகவும் முக்கியமானவை.

ஆரோகியமான முடி வளர்ச்சியை ஊக்குவிக்கும் விதைகள்: 

1. ஆளி விதை: ஆளி விதையில் ஒமேகா-3 கொழுப்பு அமிலங்கள் நிறைந்துள்ளன. இது முடி உதிர்வை தடுத்து, முடி வளர்ச்சியை ஊக்குவிக்கிறது. மேலும், ஆளி விதையில் உள்ள நார்ச்சத்து செரிமானத்தை சீராக வைத்து, உடலில் உள்ள நச்சுக்களை வெளியேற்ற உதவுகிறது.

2. சியா விதை: சியா விதையில் புரதம், நார்ச்சத்து, ஒமேகா-3 கொழுப்பு அமிலங்கள் மற்றும் பல வகையான வைட்டமின்கள் நிறைந்துள்ளன. இது முடிக்கு தேவையான ஈரப்பதத்தை தருவதோடு, முடி உதிர்வையும் தடுக்கிறது.

3. பூசணி விதை: பூசணி விதையில் துத்தநாகம், இரும்பு, மெக்னீசியம் போன்ற தாதுப்பொருட்கள் நிறைந்துள்ளன. இது முடி வேர்களை வலுப்படுத்தி, முடி உதிர்வதை தடுக்கிறது. மேலும், பூசணி விதையில் உள்ள ஆன்டிஆக்ஸிடன்ட்கள் முடியை சேதத்திலிருந்து பாதுகாக்கின்றன.

4. எள்: எள்ளில் கால்சியம், இரும்பு, துத்தநாகம் போன்ற தாதுப்பொருட்கள் நிறைந்துள்ளன. இது முடிக்கு தேவையான புரதத்தை வழங்கி, முடி வளர்ச்சியை ஊக்குவிக்கிறது. மேலும், எள் முடியை மென்மையாகவும், பொலிவாகவும் வைக்க உதவுகிறது.

5. சூரியகாந்தி விதை: சூரியகாந்தி விதையில் வைட்டமின் E நிறைந்துள்ளது. இது முடியை சேதத்திலிருந்து பாதுகாத்து, முடி உதிர்வதை தடுக்கிறது. மேலும், சூரியகாந்தி விதையில் உள்ள செலினியம் முடி வேர்களை வலுப்படுத்தி, முடி வளர்ச்சியை ஊக்குவிக்கிறது.

விதைகள் என்பது நம்முடைய முடிக்கு தேவையான ஊட்டச்சத்துக்களின் வளம். மேற்கூறிய விதைகளை நம்முடைய அன்றாட உணவில் சேர்த்து கொள்வதன் மூலம் நம்முடைய முடியை ஆரோக்கியமாக வைத்துகொள்ளலாம்.