ஷேவிங் செஞ்சா ஆண்களைப் போல முடி வளருமா? உண்மை இதுதான்! 6 முக்கிய டிப்ஸ்!

இப்போதெல்லாம் நிறைய பெண்கள் முகத்தில் உள்ள தேவையற்ற முடிகளை நீக்க ஃபேஷியல் ஷேவிங் அல்லது டெர்மாபிளேனிங் செய்ய ஆரம்பித்துவிட்டார்கள். இதைச் செய்யலாமா, கூடாதா என்று நிறைய பேருக்கு ஒரு சந்தேகம் இருக்கும். "ஐயோ, ஷேவ் பண்ணா ஆண்களைப் போல முடி தடிப்பா முளைச்சுடுமோ" என்ற பயம்தான் பலருக்கும். உண்மையைச் சொல்லப்போனால், அது ஒரு கட்டுக்கதை. முகத்தில் ஷேவ் செய்யும்போது என்னென்ன விஷயங்களை கவனத்தில் கொள்ள வேண்டும் என்று சிம்பிளாகப் பார்க்கலாம்.

1. ஷேவ் செய்வதற்கு முன், உங்கள் முகத்தை நன்றாகக் கழுவி சுத்தம் செய்வதுதான் முதல் படி. ஒரு நல்ல ஃபேஸ் வாஷ் பயன்படுத்தி, முகத்தில் உள்ள அழுக்கு, எண்ணெய் போன்றவற்றை நீக்கிவிடுங்கள். இதனால், ஷேவ் செய்யும்போது கிருமிகள் பரவாமல் தடுக்கலாம். வெதுவெதுப்பான நீரில் முகத்தைக் கழுவினால், சருமம் மென்மையாகி, ஷேவ் செய்வது இன்னும் எளிதாக இருக்கும்.

2. தயவுசெய்து ஆண்கள் பயன்படுத்தும் பாடி ரேஸரையோ அல்லது பழைய பிளேடயோ முகத்திற்கு பயன்படுத்த வேண்டாம். பெண்களின் முக சருமம் மிகவும் மென்மையானது. இதற்காகவே பிரத்யேகமாக விற்கப்படும் 'ஃபேஷியல் ரேஸர்' (Facial Razor) அல்லது 'ஐப்ரோ ரேஸரை' (Eyebrow Razor) பயன்படுத்துங்கள். இது காயங்கள் ஏற்படாமலும், சரும எரிச்சலைத் தவிர்க்கவும் உதவும்.

3. நேரடியாக வறண்ட முகத்தில் ரேஸரைப் போடுவது, சருமத்தை ரொம்பவே பாதிக்கும். ஷேவ் செய்வதற்கு முன், ஷேவிங் ஜெல், கற்றாழை ஜெல் அல்லது ஏதாவது ஒரு ஃபேஷியல் ஆயிலைத் தடவிக் கொள்ளுங்கள். இது ரேஸர் சுலபமாக வழுக்கிச் செல்ல உதவுவதோடு, சருமம் வறண்டு போகாமலும் பாதுகாக்கும். எதுவுமே இல்லையென்றால், முகத்தை ஈரமாக வைத்தாவது ஷேவ் செய்யுங்கள்.

4. உங்கள் முகத்தில் முடி எந்த திசையில் வளர்கிறதோ, அதே திசையில் ஷேவ் செய்யுங்கள். அதாவது, மேலிருந்து கீழ் நோக்கி. எதிர் திசையில் ஷேவ் செய்தால், முடி மீண்டும் வளரும்போது சருமத்திற்கு உள்ளேயே வளர வாய்ப்புள்ளது. மேலும், இது சருமத்தில் எரிச்சலையும், சின்ன சின்ன பருக்களையும் உண்டாக்கும்.

5. ரேஸரை வைத்து முகத்தில் அழுத்தம் கொடுக்கவே கூடாது. மிகவும் மென்மையாக, லேசான அழுத்தத்துடன் ஷேவ் செய்யுங்கள். உங்கள் கைகள் உங்கள் கட்டுப்பாட்டில் இருக்க வேண்டும். குறிப்பாக, உதடு, மூக்கு போன்ற வளைவான பகுதிகளில் கவனமாகச் செயல்படுங்கள். வேகமாகச் செய்வதை விட, நிதானமாகச் செய்வதே பாதுகாப்பானது.

6. ஷேவ் செய்து முடித்தவுடன், குளிர்ந்த நீரால் முகத்தைக் கழுவுங்கள். இது சருமத் துளைகளை மூட உதவும். பிறகு, ஒரு சுத்தமான டவலை வைத்து முகத்தை ஒற்றி எடுங்கள், தேய்க்க வேண்டாம். கடைசியாக, உங்கள் சருமத்திற்கு ஏற்ற ஒரு நல்ல மாய்ஸ்சரைசரைத் தவறாமல் அப்ளை செய்யுங்கள். இது ஷேவிங்கால் ஏற்பட்ட சிறு எரிச்சலைக் குறைத்து, சருமத்தை ஈரப்பதத்துடன் வைத்திருக்க உதவும்.

சரியான வழிமுறைகளைப் பின்பற்றினால் பெண்கள் முகத்தில் ஷேவ் செய்வது மிகவும் பாதுகாப்பானது. இனி, முடி தடிமனாக வளரும் என்ற பயம் தேவையில்லை. இந்த டிப்ஸ்களை மனதில் வைத்துக்கொண்டு முயற்சி செய்து பாருங்கள். உங்கள் சருமம் பார்லர் சென்றது போல பளபளப்பாகவும், மென்மையாகவும் மாறுவதை நீங்களே உணர்வீர்கள்.