இளம்பெண்களுக்கு ஏற்ற லேட்டஸ்ட் புடைவை வகைகள்!

சுடிதார், ஜீன்ஸ், லெஹங்கா, குர்தி என ஸ்டைலாக உடை அணிந்தாலும் புடைவையும் இளம்பெண்களின் மனம் கவர்ந்த உடைதான். இந்த பதிவில் இளம்பெண்களுக்கு ஏற்ற லேட்டஸ்ட் புடைவை வகைகள் சிலவற்றைப் பற்றி பார்ப்போம்.

இவை ஸ்டைலான மற்றும் நாகரீகமான தோற்றத்தை அளிப்பவை‌. இவற்றை அணியும் இளம்பெண்களுக்கு புதுவித அழகையும் நுட்பத்தையும் சேர்க்கின்றன. நெட்  புடைவைகள் எடை குறைவானவை. அணிவதற்கு மிகவும் வசதியானவை. பராமரிக்கவும் எளிதானவை.  எல்லா சந்தர்ப்பங்களுக்கும் ஏற்ற வகையிலான நெட் புடைவைகள் உள்ளன.

திருமண விசேஷங்களுக்கு அணிய ஏற்றவாறு கனமான வசீகரமான நெட்டட் எம்ராய்டரி புடவைகள் உள்ளன. பார்ட்டிகள், கெட் டு கெதர் போன்ற நிகழ்வுகளுக்கு அணிவதற்கு ஏற்ற வகையிலும் உள்ளன. கோடை காலத்தில் அணிவதற்கு ஏற்ற எத்னிக் உடைகளும் உள்ளன. இவை பலவித  வண்ணங்களில் கிடைக்கிறது.திரைப் பிரபலங்களின் விருப்பமான தேர்வாக இருக்கிறது.

லைக்ரா புடைவைகள் லைக்ரா மற்றும் பிற செயற்கை இழைகளின் துணிக்கலவையிலிருந்து தயாரிக்கப்படும் ஒருவகை சேலையாகும். லைக்ரா என்பது ஒருவகை ஸ்பான்டெக்ஸ் துணியாகும். இது இலகுவாக வியர்வையை உறிஞ்சும். மென்மையான நேர்த்தியான மற்றும் மிகவும் லைட் வெயிட்டாக இருக்கும். இதை அணிந்து கொள்வதற்கும் துவைத்து உலர்த்தவும் பராமரிக்கவும் எளிதானது. இந்தப் புடைவையை பல்வேறு வகையான பிளவுஸ்களுடன் அணியலாம் சாதாரண பிளவுஸ்கள் முதல் கிராண்டான பிளவுஸ்கள் வரை இதற்கு பொருத்தமாக இருக்கும்.

சந்தேரி புடைவைகள் இந்தியாவின் மத்தியப் பிரதேசத்தில் உள்ள சந்தேரி நகரத்திலிருந்து உருவாகும் பாரம்பரிய புடைவையாகும். இவை நேர்த்தியான கைவினைத்திறன், சிக்கலான வடிவமைப்புகள் மற்றும் ஆடம்பரமான அமைப்புக்காக குறிப்பிடத்தக்கவை.

சந்தேரி சேலைகள் பட்டு மற்றும் பருத்தி கலவையிலிருந்து தயாரிக்கப்படுகிறது. பாரம்பரிய நெசவு நுட்பங்களை பயன்படுத்தி உருவாக்கப்படுபவை. இவை இக்காட் அல்லது பந்தேஜ் எனப்படும் பாரம்பரிய நுட்பத்தை பயன்படுத்தி நெய்யப்படுகின்றன.  மலர் வடிவங்கள் மயில்கள் போன்ற அழகான உருவங்களை வைத்து நெய்யப்படுகிறது. பெரும்பாலும் பிரகாசமான வண்ணளில் கிடைக்கும்.  திருமணத்திற்கும், பார்ட்டிகள், கெட் டு கெதர் போன்ற நிகழ்வுகளுக்கும் அணிந்து கொள்ளலாம்

பனாரசி புடைவைகள் இந்தியாவின் உத்தரப் பிரதேசத்தில் உள்ள வாரணாசி நகரத்திலிருந்து உருவாகும் புடைவைகள். இவையும் நேர்த்தியான கைவினைத்திறன், சிக்கலான வடிவமைப்புகளுக்கு பெயர் பெற்றவை. இவை தூய பட்டு மற்றும் பிற இழைகளின் கலவையில் இருந்து தயாரிக்கப்படுகிறது. மென்மையான அதே சமயம் சற்று கடினமான அமைப்பையும் கொண்டுள்ளன. ஜம்தானி அல்லது முகா எனப்படும் பாரம்பரிய நெசவு நுட்பங்களை பயன்படுத்தி, மயில்கள் பூக்கள் மற்றும் பிற வடிவங்களை கொண்டு உருவாக்கப்படும். பெரும்பாலும் சிவப்பு, கோல்டன்  போன்ற வண்ணங்களில் கிடைக்கின்றன.

லெஹங்கா புடைவை என்பது இரண்டு பாரம்பரிய இந்திய ஆடைகளின் கலவையாகும். மேலும் இது நவீன பெண்களுக்கு பிரபலமான தேர்வாக மாறியுள்ளது. லெஹங்கா புடைவை பொதுவாக பாரம்பரிய புடைவையை விட குறுகியதாக இருக்கும். முழங்காலுக்கு சற்று மேலே பாவாடையுடன்  கூடிய சேலையைக் கொண்டிருக்கும்.

பாவாடை பொதுவாக சிக்கலான எம்பிராய்டரி, சீக்வின்ஸ் அல்லது மற்ற வகை அலங்காரங்களால் அலங்கரிக்கப் படுகிறது. இது அணிவதற்கு வசதியாகவும்,  எளிதாகவும் வடிவமைக்கப்பட்டுள்ளது. பல்வேறு பிளவுஸ்கள் மற்றும் ஆக்சஸரீஸ்களுடன் அணிந்து பல வகையான தோற்றத்தை உருவாக்கலாம்.

துப்பட்டா புடைவை என்பது பெண்கள் தங்கள் அலங்காரத்தில் கூடுதல் நேர்த்தியை சேர்க்க விரும்பும் ஒரு பிரபலமான தேர்வாகும். துப்பட்டா புடைவை பொதுவாக தோள்பட்டை அல்லது இடுப்பில் இணைக்கப்பட்ட நீண்ட தாவணியுடன் கூடிய சேலையைக் கொண்டுள்ளது. துப்பட்டா  சிஃப்பான், ஜார்ஜெட் அல்லது பட்டு போன்ற இலகுரக துணியிலிருந்து தயாரிக்கப்படுகிறது. மாறுபட்ட தோற்றத்திற்கு எளிய ரவிக்கை அல்லது தடிமனான ஸ்டேட்மென்ட் பிளவுஸுடன் இணைக்கலாம். வித்தியாசமான தோற்றத்தை உருவாக்க துப்பட்டாவை வெவ்வேறு வழிகளில் அணியலாம்.