பொலிவிழந்த முகத்தை பளிச்சென்று மாற்றும் ஃபேஸ் மாஸ்க்!

தெளிவான மற்றும் பளபளப்பான சருமத்தை அடைய இயற்கையான வழியை நீங்கள் தேடுகிறீர்கள் என்றால், ஏன் இந்த மாம்பழ ஃபேஸ் மாஸ்க்கை முயற்சிக்கக்கூடாது? மாம்பழம் சுவையானது மட்டுமல்ல உங்கள் சருமத்திற்கு பல நன்மைகளையும் வழங்குகிறது. மாம்பழ ஃபேஸ் மாஸ்க் பயன்படுத்துவதன் நன்மைகளைப் பற்றியும், அதை எவ்வாறு தயாரிப்பது என்பது பற்றியும் இப்ப பதிவில் பார்க்கலாம். 

Mango Face Mask நன்மைகள்: 

மாம்பழங்களில் வைட்டமின்கள் மற்றும் ஆக்ஸிஜனேற்றங்கள் நிரம்பியுள்ளன அவை உங்கள் சருமத்தை பிரகாசமாக்கவும், ஆரோக்கியமான பளபளப்பைக் கொடுக்கவும் உதவும். மாம்பழத்தில் இருக்கும் என்சைம்கள் இயற்கையான எக்ஸ்போலியன்ட்களாக வேலை செய்து, இறந்த சரும செல்களை அகற்றி அதிக பொலிவான நிறத்தை வெளிப்படுத்துகிறது. 

மாம்பழத்தில் ஈரப்பதம் நிறைந்துள்ளது மற்றும் வைட்டமின் ஏ & சி உள்ளது. இது சருமத்தை ஹைட்ரேட் செய்து ஊட்டமளிக்க உதவுகிறது. மாம்பழ ஃபேஸ் மாஸ்கை வழக்கமாக பயன்படுத்தி வந்தால், சருமத்தின் அமைப்பு முற்றிலுமாக மேம்பட்டு, மென்மையாகவும், மிருதுவாகவும் நல்ல நீரேற்றத்துடனும் காணப்படும். 

மாம்பழ ஃபேஸ் மாஸ்கை பயன்படுத்துவது முகத்தில் உள்ள சுருக்கங்கள், கோடுகள் மற்றும் கரும்புள்ளிகள் போன்றவற்றை குறைக்க உதவுகிறது. இதனால் அருமையான மற்றும் பொலிவான நிறத்தை நீங்கள் அடையலாம். 

மாம்பழ ஃபேஸ் மாஸ்க் செய்முறை: 

• 1 பழுத்த மாம்பழம் 

• 1 ஸ்பூன் தேன் 

• 1 ஸ்பூன் தயிர் 

செய்முறை: 

முதலில் மாம்பழத்தை உரித்து கொட்டையை நீக்கி அதன் சதையை மட்டும் தனியாக எடுத்துக் கொள்ளவும். பின்னர் அதை பேஸ்ட் போல அரைத்துக் கொள்ளுங்கள். 

இந்த மாம்பழ பேஸ்டில் தயிர் மற்றும் தேன் சேர்த்து நன்றாகக் கலக்கினால் மாம்பழ பேஸ் மாஸ்க் தயார். 

இதை உங்கள் முகத்தில் தடவுவதற்கு முன், முகத்தை நன்றாக சுத்தம் செய்யவும். பின்னர் ஃபேஸ் மாஸ்க்கை முகத்தில் தடவி, சுமார் 30 நிமிடங்களுக்கு அப்படியே விட்டுவிடுங்கள். இதனால் நன்மை பயக்கும் ஊட்டச்சத்துக்கள் உங்கள் சருமத்தில் ஊடுருவும். 

இறுதியில் ஃபேஸ் மாஸ்க்கை வெதுவெதுப்பான நீரில் கழுவினால், சருமம் பளபளவென மாறிவிடும். இதைப் பயன்படுத்திய பிறகு, மாய்ஸ்ரைசர் தடவினால், இயற்கையான முகப்பொலிவை நீங்கள் அப்படியே தக்க வைக்கலாம். 

இந்த மாம்பழ ஃபேஸ் மாஸ்க் சிகிச்சையை வாரத்திற்கு ஒன்று அல்லது இரண்டுமுறை செய்து தெளிவான மற்றும் ஆரோக்கியமான சருமத்தை பராமரிக்கவும். 

இந்த மாம்பழ ஃபேஸ் மாஸ்கை முகத்திற்கு பயன்படுத்துவதற்கு முன் ஏதேனும் ஒவ்வாமை எதிர்வினைகள் அல்லது சென்சிடிவ் பிரச்சனைகள் இருக்கிறதா என்பதை சரி பார்த்து முகத்திற்கு பயன்படுத்துவது நல்லது. ஏதேனும் பிரச்சனை என்றால் உடனடியாக ஸ்கின் டாக்டரை அணுகவும்.