பாதம் முதல் கூந்தல் வரை 6 - கறுத்த, வெடித்த உதடுகளும் மஞ்சள் பற்களும்!

* உங்களுடைய கண்ணும் மூக்கும் எவ்வளவு நேர்த்தியாக இருந்தாலும் கறுத்த உதடும், கோணல் மாணலான பற்களும் அமைந்துவிட்டால், முக லட்சணமே மாறிவிடுமே! சிறு வயது முதலே உதடு-வாய்-பற்களின் பராமரிப்பு மிக மிக அவசியம்.

* கறுத்த, வெடித்த உதடுகளுக்கு உடல் சூடும், உள் வறட்சியுமே முக்கியக் காரணம். அதனால் நிறைய தண்ணீர் குடிக்கணும். குளிர்ச்சியைத் தரக்கூடிய காய்கறி, கீரை, பழங்களைச் சாப்பிடணும். தினமும் சுத்தமான நெய்யை ஒரு துளி எடுத்து மூன்று-நான்கு தடவை உதடுகளில் தடவி வர, மென்மையான உதடுகள் அமையும்.

• நான்கைந்து உலர் திராட்சையை நசுக்கி உதடுகளில் தடவி வந்தால் உதடுகள் மினுமினுப்பாக வசீகரிக்கும்.

• பீட்ரூட் சாறை காட்டன் பட்ஸில் தோய்த்துப் பூசி வந்தாலும், உதடுகள் இயற்கையான சிவப்பழகு பெறும்.

• தினமும் படுக்கும்போது, ஒரு சொட்டு விளக்கெண்ணெயை உதடுகளில் தடவினால், காய்ந்து வெடிக்காதிருக்கும்.