Shrugs – நவ நாகரீக தோள்பட்டை ஆடைகள்!

நாளுக்கு நாள் வளர்ந்து வரும் பேஷன் உலகில், சில உடைகள் காலத்தின் கட்டாயத்தால் மக்கள் மனதில் நீங்கா இடம் பிடித்து அவற்றின் தன்மையை நிரூபிக்கின்றன. அதன் வரிசையில் நாகரீக உணர்வுள்ள நபர்களின், இதயங்களைக் கவர்ந்த ஆடைகளில் ஒன்றுதான் ஷ்ரக் எனப்படும் ஆடை. அந்த உடையின் தன்மையும், வசதியும், அழகும் அதன் தனித்துவமான கலவையும், ஒவ்வொரு பெண்ணின் அலமாரிகளிலும் இந்த ஆடை கட்டாயம் இருக்க வேண்டும் என்ற நிலையை ஏற்படுத்தி உள்ளது. இந்த பதிவில் ஷ்ரக் எனப்படும் தோள்பட்டை ஆடைகள் உலகில் மூழ்கி அவற்றைப் பற்றி கொஞ்சம் ஆராய்வோம். 

ஷ்ரக் ஆடைகளின் வரலாறு: 

கவர்ச்சியான இந்த ஷ்ரக் ஆடைகளைப் பாராட்ட, அவற்றின் வரலாற்றை புரிந்துகொள்வது அவசியமாகும். இவற்றின் தோற்றம் 20ஆம் நூற்றாண்டின் முதல் பகுதியில் தொடங்கியதாகும். 1920கள் முற்றிலும் புதிய ஃபேஷன் போக்குகளுக்கு பெயர் பெற்றது. பெண்கள் மிகவும் தளர்வான ஆடை அணியும் மாற்றத்தை ஏற்றுக் கொண்டனர். பெண்களுக்கு ஏற்பட்ட இந்த மனநிலையின் மாற்றமே, ஷ்ரக் ஆடை உருவாக வழி வகுத்தது. அப்போது பெண்கள் அணிந்த உடையில் பொதுவாக முழங்கால் வரையில் நீண்டிருக்கும் விளிம்பு, சிறு ரவிக்கை மற்றும் தோள்களில் அணியக்கூடிய ஒரு தனித்துவமான தோள்பட்டை ஆகியவை இடம் பெற்றிருந்தன. இத்தகைய உடைக் கலாச்சாரம் பெண்கள் தங்களை சுதந்திரமாக வெளிப்படுத்த அனுமதித்தது. இருபதாம் நூற்றாண்டில் ஃபேஷன் தொடர்ந்து வளர்ச்சி அடைந்ததால், பல பெண்களின் பிரதான ஆடையாக ஷ்ரக் இருந்தது. அன்று முதல் இன்று வரை இந்த ஆடைகள் காலமற்ற நாகரீகத்தின் அடையாளமாகத் தொடர்கின்றன. 

ஷ்ரக் ஆடைகளின் வகைகள்: 

இந்த ஆடைகள் பல விதங்களில் வருகின்றன. ஒவ்வொன்றும் பெண்கள் வெவ்வேறு தருணங்களில் அணியும்படியும், அவர்களின் தனிப்பட்ட விருப்பங்களுக்கு ஏற்ற முறையிலும் இருக்கின்றன. இதில் மிகவும் பிரபலமான சில வகைகள்  என்னென்ன என்று பார்க்கும்போது,

1. கிளாசிக் ஷ்ரக் (Classic Shrug):

கிளாசிக் ஷ்ரக் உடைகள் உலகளாவிய அளவில் எல்லா தரப்பு பெண்களாலும் பயன்படுத்தப்படுவதாகும். இது பல்வேறு நிகழ்வுகளுக்கு ஏற்றதாக அமைகிறது. முழங்கால் வரை நீண்டிருக்கும் விளிம்பு கொண்ட இந்த உடையை, இடுப்பு வரை போடப்படும் ஜாக்கெட் மேல் அணியும்போது பார்ப்பதற்கு அட்டகாசமாக இருக்கும். 

2. மேக்ஸி ஷ்ரக் (Maxi Shrug):

தரையைத் தொடும் அளவுக்கு உடை அணிய விரும்புபவர்களுக்கு மேக்சி ஷ்ரக் சரியான தேர்வாகும். இந்த உடை சில முக்கிய நிகழ்வுகள், கோடை காலங்களுக்கு சிறந்ததாக அமைகிறது. 

3. ராப் ஷ்ரக் (Wrap Shrug):

இது எல்லாவிதமான நிகழ்வுகளுக்கும் ஏற்றதாகும். இடுப்பை பிடித்தபடி இருக்கும். இந்த உடை அதிநவீன ஷ்ரக் உடையின் தொடக்கமாகக் கருதப்படுகிறது. இது சாதாரணமாக வெளியே செல்லும்போது போடுவதற்கு ஏற்றதாக அமைகிறது. 

4. கோல்டு சோல்டர் ஷ்ரக் (Cold Shoulder Shrug):

உங்கள் உடைக்கு கூடுதல் அழகை சேர்க்க வேண்டுமென்றால், இந்த ஷ்ரக் சரியானதாக இருக்கும். இந்த உடையின் சிறப்பம்சமே அதன் கட் அவுட் தோள்பட்டை விவரங்கள்தான். அதாவது இந்த உடையில் தோள்பட்டையில் சிறு கட் வைக்கப்பட்டிருக்கும். இது உங்களுடைய நேர்த்தியான தோற்றத்தை ‘சிக்’கென வெளிப்படுத்தும். 

5. லேஸ் ஷ்ரக் (Lace Shrug):

நீங்கள் உங்கள் பெண்மையை வெளிப்படுத்தும் மற்றும் கவர்ச்சியை வெளிப்படுத்தும் ஆடையை விரும்புபவராக இருந்தால், இது ஒரு மிகச்சிறப்பான தேர்வாகும். இந்த உடை ஒரு கவர்ச்சியான வசீகரிக்கும் தோற்றத்தை உருவாக்குகிறது. 

ஷ்ரக் உடையை எப்படி அணிவது?

இந்த உடையை அணிவதற்கு சில நேர்த்தியான விஷயங்களை நீங்கள் சேர்த்துக்கொள்வது அவசியமாகும். உங்கள் உடை பார்ப்பதற்கு அழகாக இருக்க அதற்கான நெக்லஸ் தேர்வு செய்வது அவசியமாகும். அத்துடன் கையில் அழகிய பிரேஸ்லெட் அணிவது உங்கள் தோற்றத்தை மேலும் அழகாகக் காட்டும். 

மேக்சி ஷ்ரக் அணியும்போது அதற்கான சரியான காலணிகள் தேர்வு செய்ய வேண்டும். இல்லையேல் அந்த உடை தரையில் பட்டு அழுக்காக வாய்ப்புள்ளது. தடுக்கவும் கூடும். இந்த உடைக்கு ஹீல்ஸ் சரியான தேர்வாக இருக்கும். 

ஷ்ரக் உடைகளுக்கு நீங்கள் சரியான லேயர் உடைகளைத் தேர்வு செய்ய வேண்டும். டெனிம் ஜாக்கெட், நார்மல் ஜாக்கெட் போன்றவை ஷ்ரக் உடைகளை மேலும் அழகாகக் காட்டும். மேலும் ராப் ஷ்ரக் (Wrap Shrug) அணியும்போது அதற்கான பெல்ட் தேர்வு செய்து அணிய வேண்டும். 

இறுதியாக உங்கள் சிகை அலங்காரம் மற்றும் மேக்கப்-ல் கவனம் செலுத்துங்கள். இவைதான் உங்கள் ஷ்ரக் ஆடை அலங்காரத்தை நிறைவு செய்கிறது. பகல் நேர நிகழ்வுகளுக்கு இந்த ஆடையை நீங்கள் அணியும் போது மேக்கப் மிகவும் நுட்பமாக இருக்கும்படி பார்த்துக் கொள்ளுங்கள். மாலை நேர நிகழ்வுகளுக்கு உங்கள் கண்கள் மற்றும் உதடுகளை அழகாகக் காட்டும் மேக்கப்கள் அவசியம்.  

இதுபோன்ற தோள்பட்டை ஆடைகள் காலம் கடந்தும் அழியாத கிளாசிக் உடைகள் என்பதை நிரூபித்துள்ளன. பெண்களின் சுய வெளிப்பாட்டின் சரியான தேர்வாக இவை பிரதிபலிக்கின்றன. சரியான உடைத் தேர்வு, காலணிகள் மற்றும் ஸ்டைலிங் மூலம் ஒரு ஷ்ரக் ஆடையை தனித்துவமான ஒன்றாக நீங்கள் மாற்றலாம். எங்கு சென்றாலும் உங்கள் அழகையும் தன்னம்பிக்கை யையும் வெளிப்படுத்தும் தோற்றத்தை உறுதி செய்யலாம்.