டைனோசரையே முழுங்கிய ராட்சத தவளை… நம்பலனா இத படிங்க!

நாம் சிறுவயது முதல் பாட்டி கதைகளிலும், ஹாலிவுட் படங்களிலும் டிராகன்கள், ராட்சத விலங்குகள் மற்றும் விசித்திரமான உருவம் கொண்ட உயிரினங்களைப் பற்றி கேட்டிருப்போம். இவை அனைத்தும் வெறும் கற்பனை என்று நாம் கடந்து சென்றிருப்போம். 

ஆனால், ஒரு விஷயம் நிஜத்தில் இல்லாமல் அதைப் பற்றிய பேச்சு இத்தனை நூற்றாண்டுகளாகத் தொடராது. பல லட்சம் ஆண்டுகளுக்கு முன்பு இந்த பூமியில் வாழ்ந்து அழிந்துபோன சில உயிரினங்களுக்கும், நம் புராணங்களில் கூறப்பட்டுள்ள உயிரினங்களுக்கும் இடையே ஆச்சரியப்படத்தக்க ஒற்றுமைகள் உள்ளன. கிரேக்கம் முதல் நம் தமிழ் இலக்கியங்கள் வரை பேசப்படும் அந்த விசித்திரமான உயிரினங்களைப் பற்றியும், அவற்றின் அறிவியல் சாத்தியக்கூறுகளைப் பற்றியும் இந்தப் பதிவில் பார்க்கலாம்.

பண்டைய கிரேக்கப் புராணங்களில் சிந்து சமவெளி நாகரிகப் பகுதிகளில் வாழ்ந்ததாகக் கூறப்படும் ஒரு விசித்திரமான உயிரினம் தான் "1. இண்டஸ் வார்ம்" (Indus Worm). இது மண்ணுக்குள் புதைந்து வாழும் தன்மை கொண்டது. 

சுமார் 300 மில்லியன் ஆண்டுகளுக்கு முன்பு பூமியில் ஆக்சிஜன் அளவு அதிகமாக இருந்த காலத்தில், "2. ஆர்த்ரோப்ளூரா" (Arthropleura) என்ற ராட்சத மரவட்டை வாழ்ந்து வந்தது. இது கிரேக்க புராணங்களில் வரும் இண்டஸ் வார்முடன் உருவத்தில் ஒத்துப் போகிறது.

அதேபோல, ஸ்லாவிக் புராணங்களில் வரும் "3. வோடியனாய்" (Vodyanoy) என்ற மனிதத் தவளை பற்றிய குறிப்புகள் உள்ளன. இது கற்பனை என்று நினைத்தால், டைனோசர்களையே வேட்டையாடிச் சாப்பிட்ட "4. டெவில் ஃபிராக்" (Devil Frog) அல்லது பீல்செபுஃபோ (Beelzebuffo) என்ற ராட்சத தவளை இனம் 66 மில்லியன் ஆண்டுகளுக்கு முன் வாழ்ந்துள்ளது என்பது அதிர்ச்சியளிக்கும் உண்மை.

இந்து புராணமான ராமாயணத்தில் ஜடாயு பற்றியும், அரேபியக் கதைகளில் 5. ராக் (Roc) பறவை பற்றியும், அமெரிக்கப் பழங்குடியினரிடயே தண்டர்பேர்ட் (Thunderbird) பற்றியும் கதைகள் உண்டு. இவை அனைத்திற்கும் ஆதாரமாக, "6. அர்ஜென்டாவிஸ்" (Argentavis) என்ற ஒரு ராட்சத கழுகு இனம் வாழ்ந்ததற்கான படிமங்கள் கிடைத்துள்ளன. இதன் இறக்கைகள் ஒரு சிறிய விமானத்தின் அளவுக்குப் பெரிதாக இருந்ததாம்.

கடல் என்று வந்தால் நம் நினைவுக்கு வருவது "7. கிராக்கன்" (Kraken). பைரேட்ஸ் ஆஃப் தி கரீபியன் போன்ற படங்களில் நாம் பார்த்த இந்த ராட்சத கணவாய் (Squid) இனம், இன்றும் ஆழ்கடலில் வாழ வாய்ப்புள்ளது. காரணம், நாம் இதுவரை கடலில் 20 சதவீதத்தை மட்டுமே ஆராய்ந்துள்ளோம்.

கிரேக்கப் புராணங்களில் நரகத்தின் காவலனாக மூன்று தலை கொண்ட நாய் "8. செர்பரஸ்" (Cerberus) சித்தரிக்கப்படுகிறது. ஆனால், நம் தமிழ்நாட்டுக் கோவில்களில் நாம் அடிக்கடி காணும் "யாளி" (Yali) சிலைகள் வெறும் அலங்காரத்திற்காக வைக்கப்பட்டவை அல்ல. யானையை விட பலமடங்கு வலிமை கொண்ட, சிங்கத்தின் உடலும் யானையின் முகமும் கொண்ட இந்த யாளிகள் குமரிக்கண்டம் போன்ற அழிந்து போன நிலப்பரப்பில் வாழ்ந்திருக்கலாம் என்று நம்பப்படுகிறது.

இறுதியாக, அமெரிக்காவின் நியூ ஜெர்சி காடுகளில் இன்றும் நடமாடுவதாக நம்பப்படும் "9. ஜெர்சி டெவில்" (Jersey Devil) மற்றும் இமயமலையில் வாழ்வதாகக் கூறப்படும் பனி மனிதன் "10. எட்டி" (Yeti) போன்ற உயிரினங்கள், இன்றும் விடைதெரியாத புதிராகவே உள்ளன.

கிரேக்கத்தின் மெடுசா (Medusa) முதல், ஹெர்குலிஸ் எதிர்கொண்ட ராட்சத பன்றி வரை பல உயிரினங்கள் புராணக் கதைகளாக உலாவருகின்றன. அறிவியல் வளர்ச்சியால் டைனோசர்களை நாம் ஏற்றுக்கொண்டோம். ஆனால், இன்னும் கண்டுபிடிக்கப்படாத எத்தனையோ உயிரினங்களின் எலும்புக்கூடுகள் மண்ணுக்குள் புதைந்திருக்கலாம்.