கறிவேப்பிலை சட்னி!

தேவையான பொருட்கள்:

கறிவேப்பிலை 1 கட்டு

சின்ன வெங்காயம் 15

தக்காளி 1

பச்சை மிளகாய் 2

கடலைப்பருப்பு அரை டீஸ்பூன்

உளுத்தம் பருப்பு அரை டீஸ்பூன்

புளி நெல்லிக்காய் அளவு

தேங்காய் துருவல் கால் கப்

பூண்டு பல் 4

இஞ்சி 1 டீஸ்பூன் (நறுக்கியது)

உப்பு தேவைக்கேற்ப

தாளிக்க

கடுகு - அரை டீஸ்பூன்

பெருங்காயம் - ஒரு சிட்டிகை

எண்ணெய் - தேவைக்கேற்ப

கறிவேப்பிலை - 1 கொத்து

செய்முறை:

முதலில் வாணலியில் சிறிது எண்ணெயை விட்டு கறிவேப்பிலையை நன்றாக வறுத்துக்கொள்ளவும்.

வாணலியில் சிறிது எண்ணெயைவிட்டு கடலைப்பருப்பையும், உளுத்தம் பருப்பையும் சிவக்க வறுத்துக் கொள்ளவும்.

பிறகு அதில் வெங்காயத்தைக் கொட்டி சிவக்க வதக்கவும். அதனுடன் தக்காளி, பச்சை மிளகாய், இஞ்சி, பூண்டு போட்டு பச்சை வாசனை போகும் வரை வதக்கவும். பிறகு அதில் புளியைச் சேர்க்கவும். பின்னர் இறக்கிவைத்து தேங்காய் துருவலைச் சேர்த்து ஆறியதும் கெட்டியாக அரைக்கவும்.

பின், தாளிக்கும் பொருள்களைக் கொண்டு தாளிக்கவும். இப்போது சுவையான கறிவேப்பிலை சட்னி தயார்.

இதனுடன் சாப்பிட உகந்த உணவுகள். இதனை இட்லி மற்றும் சாதத்துடன் சேர்த்து சாப்பிட மிகவும் சுவையாக இருக்கும்.