சுவையான கல்யாண வீட்டு கேசரி - ஹைதராபாத் பன்னீர் 65 செய்யலாம் வாங்க!

கல்யாண வீடுகளில் செய்யப்படும் கேசரியின் பக்குவமும், சுவையும் வேற லெவலில் இருக்கும். இன்றைக்கு கல்யாண கேசரி மற்றும் ஹைதராபாத் பன்னீர் 65 எப்படி வீட்டிலேயே சுலபமாக செய்யலாம்னு பார்ப்போம்.

கல்யாண வீட்டு கேசரி செய்ய தேவையான பொருட்கள்.

தண்ணீர்-4 கப்.

எண்ணெய்-1/2 கப்.

திராட்சை-10

முந்திரி-10

ரவை-1கப்.

சர்க்கரை-1கப்.

ஏலக்காய் தூள்-1 தேக்கரண்டி.

கேசரி கலர்- சிறிதளவு.

நெய்-2 தேக்கரண்டி.

கல்யாண வீட்டு கேசரி செய்முறை விளக்கம்.

முதலில் அடுப்பில் 4 கப் தண்ணீர் எடுத்து பாத்திரத்தில் கொதிக்க வைத்து விடுங்கள். இப்போது அதே கப்பில் ½ கப் எண்ணெய் எடுத்துக்கொள்ளவும்.

அடுப்பில் கடாயை வைத்து 1/2கப் எண்ணெய் ஊற்றி அதில் 10 முந்திரி, 10 திராட்சையை பொன்னிறமாக பொரித்து எடுத்து வைத்துக்கொள்ளவும். இப்போது அதே எண்ணெய்யில் 1 கப் ரவையை நன்றாக வறுத்துக்கொள்ளவும்.

இப்போது அடுப்பில் கொதிக்க வைத்த தண்ணீரை ரவையில் சேர்த்துக் கிண்டவும். ரவை நன்றாக வெந்ததும் 1 கப் சர்க்கரையை சேர்க்கவும். சிறிது நிறத்திற்காக கேசரி கலர் சேர்த்துக்கிண்டவும். கடைசியாக ஏலக்காய் பொடி 1 தேக்கரண்டி, வறுத்து வைத்த முந்திரி 10, திராட்சை 10 சேர்த்து இத்துடன் 2 தேக்கரண்டி நெய்விட்டு அடுப்பை அணைத்துவிட்டு மூடிபோட்டு விட்டு 10 நிமிடம் கழித்து திறந்து பார்த்தால், டேஸ்டியான கல்யாண கேசரி ரெடி. நீங்களும் இந்த ரெசிபியை ட்ரை பண்ணிப் பார்த்துட்டு சொல்லுங்க.

ஹைதராபாத் பன்னீர் 65 செய்ய தேவையான பொருட்கள்.

பன்னீர்-2 கப்.

உப்பு-சிறிதளவு.

மிளகாய் தூள்-1 தேக்கரண்டி.

இஞ்சிபூண்டு பேஸ்ட்-1 தேக்கரண்டி.

சோளமாவு-1 தேக்கரண்டி.

மைதா-1 தேக்கரண்டி.

எண்ணெய்- தேவையான அளவு.

வதக்குவதற்கு,

பூண்டு-5

வெங்காயம்-1

பச்சை மிளகாய்-3

கருவேப்பிலை-சிறிதளவு.

வரமிளகாய்-4

மிளகாய் தூள்-1 தேக்கரண்டி.

சீரகத்தூள்-1 தேக்கரண்டி.

உப்பு- தேவையான அளவு.

கரம் மசாலா-1 தேக்கரண்டி.

தயிர்-1 கப்.

கொத்தமல்லி-சிறிதளவு.

ஹைதராபாத் பன்னீர் 65 செய்முறை விளக்கம்.

முதலில் பன்னீரை கட்டமாக வெட்டி 2 கப் அளவிற்கு எடுத்துக்கொள்ளவும். இத்துடன் கொஞ்சமாக உப்பு, மிளகாய் தூள் 1 தேக்கரண்டி, இஞ்சி பூண்டு பேஸ்ட் 1 தேக்கரண்டி, சோளமாவு 1 தேக்கரண்டி, மைதா 1 தேக்கரண்டி சேர்த்து இத்துடன் தண்ணீர் சிறிது ஊற்றி நன்றாக முறுவலாக எண்ணெய்யில் பொரித்து எடுத்துக்கொள்ளவும்.

இப்போது கடாயில் 2 தேக்கரண்டி எண்ணெய்விட்டு சிறிதாக நறுக்கி வைத்திருக்கும் பூண்டு 5, வெங்காயம் 1, பச்சை மிளகாய் 3, கருவேப்பிலை சிறிதளவு சேர்த்து வதக்கிவிட்டு வரமிளகாய் 4 சேர்த்துக்கொள்ளவும்.

இப்போது மிளகாய் தூள் 1 தேக்கரண்டி, சீரகத்தூள் 1 தேக்கரண்டி, உப்பு சிறிதளவு, கரம் மசாலா 1 தேக்கரண்டி, தயிர் 1 கப் சேர்த்து நன்றாக கிண்டவும். கடைசியாக பன்னீரை சேர்த்து கிண்டி சிறிது கொத்தமல்லி தூவி இறக்கவும். சுவையான ஹைதராபாத் பன்னீர் 65 தயார். நீங்களும் இந்த ரெசிபியை ட்ரை பண்ணிப் பார்த்துட்டு சொல்லுங்க.