சுவையான நாண் – பிஸ்ஸா வீட்டிலேயே செய்வோமா?

தேவையான பொருட்கள்:

மைதா - 500 கி, ட்ரை ஈஸ்ட் - 1 ஸ்பூன் (அ) 6 கிராம், உப்பு - 1 ஸ்பூன், சீனி - 2 ஸ்பூன், பால் ஆடை - 4 ஸ்பூன், வெண்ணெய் - 1 ஸ்பூன், பேக்கிங்பவுடர் - 1 ஸ்பூன்.

செய்முறை:

அரை தம்ளர் வெது வெதுப்பான வெந்நீரில் ஈஸ்ட்டைக் கரைத்து வைத்துக்கொள்ளவும். 150 கிராம் தண்ணீரில் சீனியையும், உப்பையும் கரைத்து இந்தக் கரைசல்களை 15 நிமிடம் வைத்திருக்கவும். பின் மைதாவுடன் வெண்ணெய், பேக்கிங் பவுடர், பால் ஆடை ஆகியவற்றைக் கலந்து அத்துடன் ஈஸ்ட் சீனி கரைசல்களை ஊற்றி கெட்டியாக மாவைப் பிசையும். நன்கு மிருதுவாக ஆகும் வரை பிசைந்து ஒரு ஈரத்துணியில் மாவை வைத்து அதை ஒரு பாத்திரத்தில் வைத்து அடுப்பினருகிலோ அல்லது வெதுவெதுப்பான இடத்திலோ மூன்று மணி நேரம் வைத்துவிடவும். மூன்று மணி நேரம் கழித்து மாவைப் பார்த்தால் பிசையும்போது இருந்ததைக் காட்டிலும் 2 மடங்கு அதிகமாக உப்பிப் போய் இருக்கும், பின்னர் அதைச் சிறு சிறு உருண்டைகளாக உருட்டி முக்கோண வடிவில் சப்பாத்தியாகப் போட்டு தோசைக் கல்லில் போட்டு சுட்டு எடுத்து நெய் தடவவும் இதுவே நாண். பன்போல் மிருதுவாகவும், பொம்மென்றும் உப்பியிருக்கும். சாப்பிட மிக ருசியாக இருக்கும்.