முதல் முறையாக வாகனம் ஓட்டும் அல்லது ஓட்ட தயாராகும் இளைஞர்களின் கவனத்திற்கு!

இந்தியாவில், குறிப்பாக மக்கள் கூட்டமும் வாகன நெரிசலும் அதிகமாக காணப்படும் பகுதிகளில் வாகனம் ஓட்டுவது பெரிய சவால்! சாகசம் கூட என்றே சொல்லலாம். முதன்முறையாக சாலைகளில் பயணம் செய்யும் ஒரு நபருக்கு, நம்பிக்கையுடனும் சமநிலையுடனும் போக்குவரத்தை சமாளித்து வாகனத்தை இயக்க வழிமுறைகளை தெரிந்து கொள்வோம்.

கார் ஓட்டுதல்:

மன நம்பிக்கை: முதலில் ஸ்டேரிங்கை (steering) பிடித்தவுடன் ஒரு அமைதியான மற்றும் நம்பிக்கையான மனநிலையில் இருக்க பாருங்கள். நினைவில் வைத்து கொள்ளுங்கள், கார் ஓட்டுவது ஒன்றும் அச்சுறுத்தலான விஷயம் இல்லை. அது மற்றவர்களால் முடியும் என்றால், உங்களாலும் முடியும் அவ்வளவுதான்.

உங்கள் காரைப் புரிந்து கொள்ளுங்கள்: சாலையில் செல்வதற்கு முன், உங்கள் காரைப் பற்றி அறிந்து கொள்ளுங்கள். கிளட்ச், பிரேக், கியர் ஷிஃப்ட் மற்றும் ஆக்சிலரேட்டரை உபயோகித்து ஒரு ட்ரயல்  பார்த்துக்கொள்ளுங்கள். குறிப்பாக பிரேக் மற்றும் ஆக்ஸிலரேட்டர் பெடல்களுக்கு இடையே உள்ள வித்தியாசத்தை புரிந்து கொள்ளுங்கள்.

மென்மையான கியர் மாற்றங்கள் (Smooth gear shift): மென்மையான கியர் மாற்றங்களைப்  பற்றி தெரிந்து வைத்து கொள்ளுங்கள். எந்தெந்த வேகத்திற்கு எந்தெந்த கியர் மாற்ற வேண்டும் என்று.   

லேன் டிசிப்ளின் (Lane  Discipline): லேன் விதிகளை பின்பற்றவும். போக்குவரத்து விதியின் படி ஸ்டீயரிங், பிரேக்குகள் மற்றும் கியர்களை எவ்வாறு கையாள வேண்டும் என்பதை தெரிந்து வைத்துக் கொள்ளுங்கள். 

காரை ஸ்டார்ட் செய்தல்: காரை ஸ்டார்ட் செய்வதற்கு முன் சீட் பெல்ட் அணியுங்கள். கியர் நடுநிலையில்(Neutral) இருப்பதை உறுதி செய்யவும், அதன்பின் காரை ஸ்டார்ட் செய்யவும், கியரை மாற்றும் நேரங்களில் மட்டும் உங்கள் இடது கால் கிளட்ச் மீது வைக்க பாருங்கள்.

கவனிப்பு மற்றும் குறிகாட்டிகள்: பிரேக்கிங் அல்லது திருப்புவதற்கு முன் எப்போதும் ரியர் வியூ கண்ணாடிகளை சரிபார்க்கவும். மற்றும் குறிகாட்டிகளை(Indicators) முன்கூட்டியே பயன்படுத்தவும்.

போக்குவரத்து சிக்னல்கள் மற்றும் விதிகள்: போக்குவரத்து சிக்னல்களுக்குக் கீழ்ப்படிந்து, முன்னால் செல்லும் காரில் இருந்து பாதுகாப்பான தூரத்தைப் பராமரிக்கவும்.

முந்துதல் (Overtaking): பொறுமையாகவும் படிப்படியாகவும் முந்திச் செல்லுங்கள். எந்த நிலையிலும் அவசரப்பட வேண்டாம்.

வேகக் கட்டுப்பாடு: போக்குவரத்து நிலைமைகளுக்கு ஏற்ப உங்கள் வேகத்தை கட்டுப்படுத்துங்கள். தேவையான சூழ்நிலையில் மெதுவாக ஓட்டுவது உங்கள் மற்றும் பிறர் பாதுகாப்பை உறுதி செய்யும்  

காரை நிறுத்துதல்: நிறுத்தும் போது கியரை மெதுவாக 1வது, 2வது அல்லது neutral கியருக்கு மாற்றி கொள்ளுங்கள். நிறுத்தியவுடன் ‘பார்க்கிங்கில்’ இருக்கும் படி பார்த்துக்கொள்ளுங்கள்.

இரு சக்கர வாகனம் ஓட்டுதல்: 

பாதுகாப்பு கவசம்: சவாரி செய்யும் போது எப்போதும் ஹெல்மெட் (ஐஎஸ்ஐ முத்திரையுடன்) அணியுங்கள். அது தான் உங்கள் முதல் பாதுகாப்பு!

1. சமநிலை மற்றும் கட்டுப்பாடு(Balance and control):

சமநிலைச் சட்டம்: நீங்கள் இரு சக்கர வாகனத்தில் செல்லும் போது, ​​சமநிலை முக்கியமானது. பைக்கை நிலையாக இருக்கும் போது மற்றும் மெதுவான வேகத்தில் சமநிலைப்படுத்த பயிற்சி செய்யுங்கள். நிறுத்தும்போது உங்கள் கால்களை தரையில் படும்படி வைக்கவும்.

ஆக்சிலரேட்டரை (Throttle) கட்டுப்படுத்தவும்: நீங்கள் பிடித்துக் கொள்ளும் த்ரோட்டிலை படிப்படியாகத் திருப்பவும். திடீர் ஜெர்க் (Sudden acceleration) கட்டுப்பாட்டை இழக்க வழிவகுக்கும். நினைவில் கொள்ளுங்கள், மென்மையான இயக்கம்  முக்கியமானது.

2. சாலை விழிப்புணர்வு மற்றும் எதிர்பார்ப்பு:

சாலையை ஸ்கேன் செய்யவும்: முன்னால் உள்ள சாலையை தொடர்ந்து ஸ்கேன் செய்யவும். பள்ளங்கள், ஸ்பீட் பிரேக்கர்கள், பாதசாரிகள் மற்றும் பிற வாகனங்களை கவனிக்கவும்.

போக்குவரத்து இயக்கங்களை கணித்திடுங்கள்: மற்ற சாலை பயனர்கள் என்ன செய்யலாம் என்று கணிக்கவும். சந்திப்புகள், திருப்பங்கள் மற்றும் நெரிசலான பகுதிகளில் ஹார்ன் அடித்து கவனமாக செல்லுங்கள் .

3. பிரேக்கிங் நுட்பங்கள்:

முன் மற்றும் பின்புறம் பிரேக்குகள்: பயனுள்ள பிரேக்கிங்கிற்கு இரண்டு பிரேக்குகளையும் ஒன்றாகப் பயன்படுத்தவும். சறுக்குவதைத்(Skid) தவிர்க்க படிப்படியாக பிரேக்கை பயன்படுத்துங்கள் (விட்டு விட்டுப் பிடியுங்கள்).

எமர்ஜென்சி பிரேக்கிங்: அவசர காலங்களில், இரண்டு பிரேக்குகளையும்  உறுதியாக ஆனால் படிப்படியாக அழுத்தவும். சமநிலையை பராமரிக்க உங்கள் உடலை நிமிர்ந்து வைக்கவும்.

5. தற்காப்பு சவாரி:

காணக்கூடியவராக இருங்கள்(Stay Visible): பிரகாசமான நிற ஆடைகளை அணிந்து, உங்கள் ஹெல்மெட் மற்றும் பைக்கில் பிரதிபலிப்பு ஸ்டிக்கர்களை பயன்படுத்தவும். மற்ற ஓட்டுனர்களுக்கு உங்கள் இருப்பை காட்டிக்கொள்ளுங்கள்.

பார்வைக்கு எட்டாத பகுதிகள்(Watch Blind Spots): பெரிய வாகனங்களை ஒட்டி செல்லும் போது  கவனமாக இருங்கள். காரணம் அவர்களின் பார்வைக்கு எட்டாத பகுதிகளில் சில நேரங்களில் உங்களை கவனிக்க மாட்டார்கள்.

6. நம்பிக்கையை வளர்ப்பது:

பயிற்சி, பயிற்சி, பயிற்சி: நீங்கள் எவ்வளவு அதிகமாக சவாரி செய்கிறீர்களோ, அவ்வளவு நம்பிக்கையுடன் இருப்பீர்கள். குறைவான நெரிசலான பகுதிகளில் தொடங்கி, படிப்படியாக போக்குவரத்தில் ஈடுபடுங்கள்.

அனுபவம் வாய்ந்த ரைடர்களிடம் இருந்து கற்றுக்கொள்ளுங்கள்: அனுபவம் வாய்ந்த ரைடர்களிடம் ஆலோசனை பெறவும். அவர்கள் தரும் மதிப்புமிக்க குறிப்புகள் மற்றும் தந்திரங்கள் உங்களுக்கு உதவலாம்.