அரிசி உணவு சமைக்கும்போது செய்யக்கூடாத 5 தவறுகள் தெரியுமா?

அரிசியை சரியாக சமைப்பது என்பது ஒரு கலையாகும். மேலும், இந்தப் பிரதான தானியத்தை சரியாக சமைக்காதது  உணவு மற்றும் உடல் ஆரோக்கியத்தை  கெடுக்கும். இந்த சூழ்நிலையில், வெள்ளை அரிசியை சரியான முறையில் எப்படி சமைக்க வேண்டும் என்பதைப் பற்றி இந்தப் பதிவில் காண்போம்.

1. சமைக்கும்போது அரிசியை சரியாகக் கழுவாமல்  நேரடியாகப் பயன்படுத்தக் கூடாது. சாதம் சமைக்கும்போது நீங்கள் செய்யக்கூடிய பொதுவான தவறுகளில் ஒன்று அரிசியை சரியாகக் கழுவாதது. அரிசியை சரியாகக் கழுவாதபோது, ​​அதிகப்படியான மேற்பரப்பு மாவுச்சத்தை தக்கவைத்து, அவை சமைக்கும்போது மிகவும் ஒட்டும் தன்மையை ஏற்படுத்தும். இதைத் தவிர்க்க, அரிசியை குளிர்ந்த நீரில் குறைந்தது 3 முதல் 4 முறை கழுவ வேண்டும். இது அரிசியை பஞ்சு போன்ற மற்றும் இலகுவான அமைப்பை ஏற்படுத்தும்.

2. அரிசியை நன்றாகக் கழுவியும் சாதம் நாம் நினைத்தவாறு வரவில்லை என்றால் அதற்குக் காரணம் நீர் - அரிசி விகிதத்தை சரியாக கணக்கிடாததே . அதிகத் தண்ணீர் சேர்த்தால் அரிசி நன்றாக வேகும் என்பது தவறான நம்பிக்கையாகும். ஒவ்வொரு வகை அரிசிக்கும் வெவ்வேறு அளவில் தண்ணீர் தேவை. உதாரணமாக, நீண்ட அரிசி, பஞ்சு போன்று வேக 2 : 1 தண்ணீருக்கு அரிசி விகிதம் தேவைப்படுகிறது, அதேசமயம் பொன்னி போன்ற சிறிய அரிசிக்கு அதிகத் தண்ணீர் தேவைப்படுகிறது. இந்த அளவை பின்பற்றாவிட்டால், சரியாக வேகாத அரிசியை மட்டுமே பெறுவீர்கள். எனவே, சரியாக சமைக்கப்பட்ட அரிசியை விரும்பினால், தண்ணீர் மற்றும் அரிசி விகிதத்தில் கவனமாக இருக்க வேண்டும். மேலும், பழைய அரிசிக்கு அதாவது நாள்பட்ட அரிசிக்கு கொஞ்சம் தண்ணீர் அதிகம்தான் தேவைப்படும்.

3. அரிசி சமைக்கும்போது  செய்யக்கூடிய மற்றொரு பொதுவான தவறு , வெள்ளை மற்றும் பழுப்பு அரிசியை ஒரே மாதிரியாக சமைப்பது. பிரவுன் ரைஸ், அதாவது முழு தானிய அரிசி, சாப்பிட முடியாத வெளிப்புற மேலோடு நீக்கப்பட்டது, வெள்ளை அரிசியை விட சமைக்க அதிக நேரம் தேவைப்படும். ஏனெனில், பழுப்பு அரிசி தானியங்களின் வெளிப்புற தவிடு அதன் மையத்தில் நீர் நுழைவதைக் குறைக்கிறது. பிரவுன் அரிசியை சமைக்கும்போது, ​​வெள்ளை அரிசியை விட கால் முதல் அரை பங்கு வரை தண்ணீர் அதிகம் பயன்படுத்த வேண்டும். வெள்ளை அரிசி சமைக்க 15 நிமிடங்கள் ஆகலாம். பழுப்பு அரிசி வேக 50 நிமிடங்கள் வரை தேவைப்படும்.

4. மற்ற உணவுகளைப் போலவே அரிசியும் சமைக்க குறிப்பிட்ட நேரம் தேவைப்படும். மேலும், அதை அதிக நெருப்பில் வேகவைப்பது செயல்முறையை விரைவுபடுத்தாது. அது உங்கள் உணவை கெடுத்துவிடும். அதிக தீயில் அரிசியை சமைப்பதால், அரிசி சமைக்கப்படுவதற்கு முன்பே தண்ணீர் ஆவியாகலாம். அரிசியை சமைக்க சிறந்த வழி, முதலில் தண்ணீரை கொதிக்க வைத்து, அடுப்பைக் குறைத்து, பின்னர் கழுவிய அரிசியைச் சேர்க்கவும். இது அரிசி சமமாக சமைக்கப்படுவதை உறுதி செய்யும்.

5. சாதம் வெந்ததும் உடனே ஒரு பாத்திரத்தில் எடுத்து விடக்கூடாது. அதற்கு பதிலாக, 5 முதல் 10 நிமிடங்கள் சமைத்த பாத்திரத்திலே வைக்க வேண்டும் .அரிசி சமைத்த பிறகு அதை செட்டிலாக விடாமல் இருப்பது தானியங்களின் இறுதி அமைப்பை கெடுக்கும் மற்றொரு தவறாகும். அதற்கு பதிலாக, பாத்திரத்தின் மூடியை மூடி, சமைத்த அரிசியை அசையாமல் உட்கார அனுமதிக்கவும். இது மீதமுள்ள நீராவி அரிசியை மெதுவாக செட்டாக அனுமதிக்கிறது. இது சாதத்திற்கு பஞ்சுபோன்ற தன்மையையும் இன்னும் மிருதுவான அமைப்பையும் கொடுக்கும்.