இரவில் சரியாகத் தூங்காத குழந்தைகளைத் தூங்க வைக்கும் உணவுகள்!

சின்ன குழந்தைகள் எப்போதும் உற்சாகமாகவே இருப்பார்கள். ஓடுவது, ஆடுவது, பொம்மைகளுடன் விளையாடுவது என்று எப்போதும் ஏதாவது ஒரு செயலில் ஈடுபட்டுக் கொண்டே இருப்பார்கள். இரவாக இருந்தாலும், பகலாக இருந்தாலும் குழந்தைகளின் விளையாட்டு நேரம் என்று தனியாக சொல்லிவிட முடியாது. குறிப்பாக சில குழந்தைகள் இரவில் சரியாக தூங்க மாட்டார்கள். என்னதான் பெற்றோர்கள் அவர்களை தூங்க வைக்க முயற்சித்தாலும் குழந்தைகள் தூங்காமல் அடம் பிடிப்பது ஒரு பொதுவான நிகழ்வுதான்.

குழந்தைகளின் தூக்கத்தை எப்படி மேம்படுத்துவது?

குழந்தைகளுக்கு நல்ல தூக்கம் கிடைக்க வேண்டும் என்பது ஒவ்வொரு பெற்றோரின் ஆசைதான். இதற்கு பல காரணிகள் பங்களிக்கின்றன. அதில் முக்கியமான ஒன்றுதான் உணவு. குழந்தைகளுக்கு சரியான நேரத்தில், சரியான உணவை கொடுப்பது மிகவும் முக்கியம். குறிப்பாக இரவு உணவு.

சில குறிப்பிட்ட உணவுகள் குழந்தைகளுக்கு நல்ல தூக்கத்தைத் தூண்டும். இவற்றை இரவு உணவில் சேர்த்து கொடுப்பதன் மூலம் குழந்தைகளை எளிதாக தூங்க வைக்கலாம்.

• பாலில் டிரிப்டோபன், கால்சியம், வைட்டமின் டி போன்ற சத்துகள் நிறைந்துள்ளன. இவை குழந்தைகளின் உடலை இளைப்பாறச் செய்து, தூக்கத்தைத் தூண்டும். 

• பாதாமில் மெலட்டோனின், செல்லோனின், மெக்னீசியம் போன்ற சத்துக்கள் நிறைந்துள்ளன. இவை உடலில் மெலட்டோனின் ஹார்மோன் சுரப்பை அதிகரித்து, தூக்கத்தைத் தூண்டும். பாலில் பாதாம் பொடி அல்லது பாதாம் பால் சேர்த்து கொடுக்கலாம்.

• செர்ரி பழங்களில் மெலட்டோனின் அதிகமாக உள்ளது. இது இயற்கையான தூக்க மாத்திரை போல செயல்பட்டு, குழந்தைகளை எளிதாக தூங்க வைக்கும். செர்ரி ஜூஸ் அல்லது செர்ரி கஞ்சி கொடுக்கலாம்.

• வாழைப்பழத்தில் அயோடின், பொட்டாசியம், நார்ச்சத்து, வைட்டமின், டிரிப்டோபைன் போன்ற சத்துக்கள் இருப்பதால் இது குழந்தைகளுக்கு இரவு உணவாக தரும்போது நல்ல தூக்கத்தை ஏற்படுத்துகிறது. எனவே, வாழைப்பழத்தை மசித்து பாலில் கலந்து கொடுக்கலாம் அல்லது வாழைப்பழ துண்டுகளை கொடுக்கலாம்.

குழந்தைகளுக்கு இரவு உணவு கொடுக்கும் போது கவனிக்க வேண்டியவை:

இனிப்பு மற்றும் காரமான உணவுகள் குழந்தைகளின் செரிமானத்தை பாதித்து, தூக்கத்தை குறைக்கும். கொழுப்பு நிறைந்த உணவுகள் செரிமானத்தை மெதுவாக்கி, குழந்தைகள் இரவில் பசியால் எழுந்து விட வாய்ப்புள்ளது. எனவே, இவற்றை தவிர்ப்பது நல்லது. நார்ச்சத்து நிறைந்த உணவுகள் செரிமானத்தை சீராக வைத்து, குழந்தைகளுக்கு நல்ல தூக்கத்தைத் தரும். குழந்தைகளை உணவை கட்டாயப்படுத்தி கொடுக்க வேண்டாம். அவர்களுக்கு பிடித்த உணவுகளை தயாரித்து கொடுங்கள். இரவு உணவை தூங்குவதற்கு 1-2 மணி நேரத்திற்கு முன் கொடுப்பது நல்லது. இதனால், உணவு செரிமானமாகி, குழந்தைகளுக்கு நல்ல தூக்கம் வரும்.