ஃப்ரிட்ஜில் இருக்கும் இந்த ரகசிய பட்டன் பற்றி உங்களுக்குத் தெரியுமா? 

ஃப்ரிட்ஜ் நம் அன்றாட வாழ்வில் இன்றியமையாத ஒரு உபகரணம். ஆனால், அதில் பலருக்குத் தெரியாத பல ரகசியங்கள் புதைந்து கிடைக்கின்றன. அப்படிப்பட்ட ஒரு ரகசியம்தான் ஃப்ரிட்ஜில் இருக்கும் Defrost பட்டன். பலரும் இந்த பட்டனை உங்கள் ஃப்ரிட்ஜில் பார்த்திருப்பீர்கள். ஆனால், அதன் பயன்பாடு பற்றி யாருக்கும் தெரியாது. இந்த பட்டனைப் பற்றிய தவறான புரிதல்கள் அதைப் பயன்படுத்துவதில் இருந்து நம்மைத் தடுக்கின்றன. 

Defrost பட்டன் என்றால் என்ன? 

Defrost என்ற ஆங்கிலச் சொல் தமிழில் ‘பனிக்கட்டி கரைக்கும்’ அல்லது ‘உரைபனி நீக்கும்’ என்ற அர்த்தத்தைக் குறிக்கிறது. பிரிட்ஜில் உள்ள டீஃப்ராஸ்ட் பட்டன் ஃப்ரிட்ஜின் உட்புறத்தில் உருவாகும் பனிக்கட்டைகளைக் கரைக்க உதவும் ஒரு வசதி.‌ ஃப்ரிட்ஜில் உணவுகளை நீண்ட நேரம் வைக்கும் போது உள்ளே ஈரப்பதம் கசிந்து பனிக்கட்டி உருவாகும். இந்த பனிக்கட்டி ஃப்ரிட்ஜின் செயல்திறனைக் குறைத்து, மின்சார செலவை அதிகரிக்கும். மேலும், பனிக்கட்டி உருவாகும் இடங்களில் பாக்டீரியாக்கள் பெருகி உணவு கெட்டுப்போகும் அபாயமும் உள்ளது. 

டீஃப்ராஸ்ட் பட்டனின் பயன்கள்

• டீஃப்ராஸ்ட் பட்டனை அழுத்தும் போது, ஃப்ரிட்ஜின் குளிர்ச்சி தற்காலிகமாக நிறுத்தப்பட்டு, உட்புறத்தில் உள்ள பனிக்கட்டி கரைக்கப்படும்.

• பனிக்கட்டி கரைந்ததால், ஃப்ரிட்ஜின் காற்று சுழற்சி சீராக இருக்கும். இதனால், ஃப்ரிட்ஜ் குளிர்ச்சியை சீராக பரப்பி, உணவுகளை நன்றாகப் பாதுகாக்கும்.

• பனிக்கட்டி உருவாகும் போது, ஃப்ரிட்ஜ் அதிகமாக வேலை செய்ய வேண்டியிருக்கும். இதனால், மின்சார செலவு அதிகரிக்கும். டீஃப்ராஸ்ட் செய்தால், மின்சார செலவைக் குறைக்கலாம்.

• பனிக்கட்டி உருவாகும் இடங்களில் பாக்டீரியாக்கள் பெருகும். டீஃப்ராஸ்ட் செய்தால், இந்த பாக்டீரியாக்கள் அழிக்கப்பட்டு, உணவு கெட்டுப்போகும் அபாயம் குறையும்.

டீஃப்ராஸ்ட் பட்டனை எப்படி பயன்படுத்துவது?

டீஃப்ராஸ்ட் செய்வதற்கு முன், ஃப்ரிட்ஜில் இருக்கும் அனைத்து உணவுகளையும் வெளியே எடுத்துவிடவும். பின்னர், ஃப்ரிட்ஜின் கட்டுப்பாட்டு பேனலில் உள்ள டீஃப்ராஸ்ட் பட்டனை அழுத்தவும். சில ஃப்ரிட்ஜ்களில், இந்த பட்டன் தானாகவே செயல்படும்.

பனிக்கட்டி முழுவதும் கரைவதற்கு சில மணி நேரங்கள் ஆகலாம். பனிக்கட்டி முழுவதும் கரைந்த பிறகு, ஃப்ரிட்ஜின் உட்புறத்தை நன்றாக சுத்தம் செய்துவிடவும். ஃப்ரிட்ஜை சுத்தம் செய்த பிறகு, டீஃப்ராஸ்ட் பட்டனை விடுவித்துவிட்டு, ஃப்ரிட்ஜை மீண்டும் இயக்கவும்.

ஃப்ரிட்ஜில் இருக்கும் டீஃப்ராஸ்ட் பட்டன் உங்கள் ஃப்ரிட்ஜை சரியாக பராமரிக்க உதவும் ஒரு முக்கியமான கருவி. இந்த பட்டனை அவ்வப்போது பயன்படுத்துவதால் ஃப்ரிட்ஜின் ஆயுல் அதிகரிக்கும் மற்றும் மின்சார செலவும் குறையும். இதனால், உணவு கெட்டுப்போகும் அபாயம் குறையும் என்பதால், உணவின் தரத்தைப் பாதுகாக்கலாம்.