பேன்ட்டில் உள்ள எண்ணெய் கரையை நீக்கும் சில எளிய வழிகள்!

சமையல் செய்யும்போதோ, எண்ணெய் சார்ந்த பொருட்களைக் கையாளும்போதோ, சில சமயம் தெரியாமல் பேன்ட் மீது எண்ணெய் கரை பட்டுவிடும். இது பார்ப்பதற்கு அசிங்கமாக இருப்பதுடன், சாதாரணமாக துவைத்தாலும் எளிதில் நீங்காத ஒரு பிடிவாதமான கறையாகும். 

புதிய பேன்ட்டாக இருந்தாலும் சரி, பிடித்த பேன்ட்டாக இருந்தாலும் சரி, இந்த எண்ணெய் கரை ஒரு பெரிய தலைவலியாக மாறிவிடும். ஆனால் கவலை வேண்டாம், நம் வீட்டில் உள்ள சில எளிய பொருட்களைக் கொண்டே இந்த எண்ணெய் கரையை சுலபமாக நீக்கி, பேன்ட்டை மீண்டும் புதியது போல மாற்றலாம்.

இத்தகைய எண்ணெய் கறையை நீக்குவதற்கு முன் சில முக்கிய விஷயங்களை கவனத்தில் கொள்ள வேண்டும். எண்ணெய் கரை பட்ட உடனேயே சுத்தம் செய்ய முயற்சிப்பது நல்லது. கறை காய்வதற்கு முன் நீக்கினால், அது துணி இழைக்குள் ஆழமாகப் படியாமல் எளிதாக நீங்கும். மேலும், கறையை தேய்க்கக் கூடாது, ஏனெனில் அது கறையை மேலும் பரவச் செய்துவிடும்.

சோள மாவு அல்லது டேல்கம் பவுடரைப் பயன்படுத்துவது இந்த கரையை நீக்க முடியும். எண்ணெய் கரை பட்ட இடத்தில் உடனடியாக சோள மாவு அல்லது டேல்கம் பவுடரை தாராளமாகத் தூவி, மெதுவாகத் தட்டிவிடவும். இந்த மாவு எண்ணெய் பிசுக்கை உறிஞ்சி எடுக்கும். சுமார் 15-20 நிமிடங்கள் அப்படியே விட்டுவிடவும். 

பின்னர், ஒரு பழைய பிரஷ் அல்லது துணி வைத்து மாவை நீக்கிவிடவும். இப்போது, கறை படிந்த பகுதியில் சிறிதளவு பாத்திரம் டிஷ்வாஷ் லிக்விட் சேர்த்து, விரல்களால் மெதுவாகத் தேய்க்கவும். டிஷ்வாஷ் லிக்விட்டில் உள்ள எண்ணெய் நீக்கும் தன்மை, கறையை மேலும் திறம்பட நீக்கும்.

அடுத்து, அந்தப் பேன்ட்டை வெதுவெதுப்பான நீரில் அலசவும். நேரடியாக வாஷிங் மெஷினில் போடுவதற்கு முன், கறை நீங்கியுள்ளதா என்பதை உறுதிப்படுத்திக் கொள்ளவும். கறை முழுவதுமாக நீங்காவிட்டால், இந்த செயல்முறையை மீண்டும் ஒருமுறை செய்யலாம். கறையை நீக்குவதற்கு முன் பேன்ட்டை வெயிலில் காய வைப்பதைத் தவிர்க்கவும், ஏனெனில் அது கறையை துணிக்குள் மேலும் பதியச் செய்துவிடும்.

அடுத்ததாக, ஒரு கப் தண்ணீரில் அரை கப் வெள்ளை வினிகரை கலந்து, இந்த கரைசலை கறை படிந்த இடத்தில் தடவி 30 நிமிடங்கள் ஊறவிடவும். பின்னர், வழக்கம் போல துவைக்கலாம். வினிகரில் உள்ள அமிலம் எண்ணெய் பிசுக்கை உடைக்க உதவும்.