அட! உங்க கேஸ் அடுப்பு துரு பிடிச்சிருக்கா? இந்த ஈஸி டிப்ஸ் போதும், புதுசு மாதிரி ஜொலிக்கும்!

நம்ம சமையலறையில தினமும் கேஸ் அடுப்பை பயன்படுத்துவோம். அதனால, சாப்பாடு சிந்துறது, எண்ணெய் பிசுபிசுப்புன்னு நிறைய அழுக்குகள் சேரும். சில சமயம் அந்த அழுக்கு, துருவா மாறிடும். ஒரு தடவை துரு பிடிச்சுட்டா, அதை சுத்தம் செய்றது ரொம்ப கஷ்டம்னு நினைப்போம். ஆனா, நம்ம வீட்டுல இருக்குற பொருட்களை வச்சே கேஸ் அடுப்புல இருக்குற துருவை சுலபமா சுத்தம் செய்யலாம். 

1. வினிகர் + பேக்கிங் சோடா கலவை: இது துருவை நீக்க ஒரு சிறந்த வழி. ஒரு கப்ல ஒரு ஸ்பூன் பேக்கிங் சோடா, அப்புறம் தேவையான அளவு வினிகர் சேர்த்து நல்லா கலக்குங்க. இந்த கலவையை துரு பிடிச்ச இடத்துல தேயுங்க. ஒரு 10-15 நிமிஷம் அப்படியே விடுங்க. அதுக்கப்புறம் ஒரு பழைய டூத் பிரஷ் இல்லனா ஸ்பாஞ்ச் வச்சு நல்லா தேய்ச்சு விடுங்க. துரு மெதுவா கலைய ஆரம்பிக்கும். அப்புறம் சுத்தமான துணியால தொடச்சு எடுத்தா போதும், அடுப்பு பளிச்சுன்னு இருக்கும்.

2. எலுமிச்சை + உப்பு: எலுமிச்சை சாறும், உப்பும் ஒரு சிறந்த சுத்தம் செய்யும் கலவை. ஒரு எலுமிச்சம்பழத்தை பாதியா வெட்டி, அதுல கொஞ்சம் உப்பை தூவி, துரு பிடிச்ச இடத்துல நல்லா தேயுங்க. எலுமிச்சையில இருக்கிற சிட்ரிக் அமிலம் துருவை நீக்கும். உப்பு ஒருவித ஸ்க்ரப்பர் மாதிரி செயல்படும். அப்புறம் சுத்தமான தண்ணியால கழுவி, தொடச்சு எடுத்தா போதும்.

3. உருளைக்கிழங்கு + உப்பு: இது ஒரு ஆச்சரியமான வழி! உருளைக்கிழங்கை பாதியா வெட்டி, அதுல கொஞ்சம் உப்பை தூவுங்க. அதை துரு பிடிச்ச இடத்துல தேயுங்க. உருளைக்கிழங்குல இருக்கிற ஆக்சாலிக் அமிலம் துருவை நீக்க உதவும். உப்பும் தேய்க்க உதவும். ஒரு 15 நிமிஷம் கழிச்சு, சுத்தமான தண்ணியால கழுவுங்க.

4. பெட்ரோலியம் ஜெல்லி: கேஸ் அடுப்புல துரு பிடிச்சிருந்தா, கொஞ்சம் பெட்ரோலியம் ஜெல்லியை துரு மேல பூசி, ஒருநாள் முழுக்க விடுங்க. மறுநாள் ஒரு பழைய டூத் பிரஷ் அல்லது ஸ்க்ரப்பர் வச்சு தேய்ச்சு எடுத்தா, துரு ஈஸியா வந்துடும்.

5. துரு நீக்கும் ஸ்ப்ரே: மார்க்கெட்ல பலவிதமான துரு நீக்கும் ஸ்ப்ரேக்கள் கிடைக்கும். அந்த ஸ்ப்ரேயை வாங்கி துரு மேல அடிச்சு, அதுல இருக்குற இன்ஸ்ட்ரக்ஷனை ஃபாலோ பண்ணுங்க. இதுவும் ஒரு நல்ல வழி.

இந்த வழிகளை பின்பற்றி உங்க கேஸ் அடுப்பை சுத்தம் செஞ்சா, அது துரு இல்லாம புதுசு மாதிரி ஜொலிக்கும். அப்புறம், அடுப்ப சுத்தம் செஞ்சதுக்கு அப்புறம் அதை நல்லா தொடச்சு, காய வச்சு வச்சீங்கன்னா, மறுபடியும் துரு பிடிக்காம பாத்துக்கலாம்.