உங்க வீட்ல அடைச்சுப்போன வடிகட்டி இருக்கா? இத படிங்க புதுசு மாதிரி மாறும்!

நம்மில் பெரும்பாலானோருக்கு தேநீர் என்பது வெறும் பானம் அல்ல, அது ஒரு ஆழமான உணர்வு. இப்படி ரசித்து ருசித்து குடிக்கும் தேநீரைத் தயாரிக்கும் போது நாம் சந்திக்கும் ஒரு பெரிய சிக்கல், அடைத்துப்போன வடிகட்டியை சுத்தம் செய்வதுதான். இது தினமும் சமையலறையில் வேலை செய்யும் பல குடும்பத் தலைவிகளுக்கு ஒரு பெரிய தலைவலியாகவே இருந்து வருகிறது.

காசு கொடுத்து புதுசு வாங்காதீங்க! 

தொடர்ந்து பல மாதங்களாகப் பயன்படுத்தும் போது, தேயிலைத் தூள் அந்த வடிகட்டியின் சிறிய துளைகளில் சிக்கிக்கொண்டு முழுமையாக அடைத்துக்கொள்ளும். அவசரமாக வடிகட்ட நினைக்கும்போது தேநீர் கீழே வழியாமல் வெளியே சிந்தி வீணாகிவிடும்.

நாளடைவில் அந்த அடைப்பு ஒரு சிமெண்ட் கலவை போல மிகவும் கடினமாக மாறிவிடும். சாதாரண சோப்பு போட்டு எவ்வளவு தான் தேய்த்தாலும் அந்த கறை நீங்காததால் பலர் புதியதாக ஒன்றை வாங்குகிறார்கள்.

வீட்டில் இருக்கும் பொருட்களை போதும்! 

இந்தச் சிக்கலான பிரச்சனைக்குத் தீர்வு காண நீங்கள் பெரிதாக எங்கும் அலைய வேண்டியதில்லை. உங்கள் வீட்டுச் சமையலறையில் உள்ள வினிகர் மற்றும் பேக்கிங் சோடா ஆகிய இரண்டு பொருட்கள் மட்டுமே இதற்குப் போதுமானது. முதலில் ஒரு பாத்திரத்தில் சிறிது தண்ணீரை நன்றாகக் கொதிக்க வையுங்கள். அதில் ஒரு ஸ்பூன் பேக்கிங் சோடா, சிறிதளவு வினிகர் மற்றும் பாத்திரம் தேய்க்கும் லிக்விட் சில சொட்டுகள் சேர்க்கவும்.

இந்த கொதிக்கும் கலவையில் உங்கள் வீட்டில் பயன்படுத்தும் அந்தப் பழைய டீ வடிகட்டி ஒன்றை மெதுவாக உள்ளே போட்டு ஊற வைக்கவும். சுமார் பத்து முதல் பதினைந்து நிமிடங்கள் வரை அது அந்தச் சுடுநீரில் நன்றாக ஊற வேண்டும். அப்போது தான் வலையின் இண்டு இடுக்குகளில் பல மாதங்களாகச் சிக்கிப் பாறையாக உறைந்து போயிருக்கும் தேயிலைக் கசடுகள் மற்றும் அழுக்குகள் மெதுவாக இளகி வரத் தொடங்கும்.

பழைய பல் துலக்கும் பிரஷ்!

நன்றாக ஊறிய பிறகு அதனை வெளியே எடுத்து, வீட்டில் பயன்படுத்தாமல் தூக்கிப் போட வைத்திருக்கும் பழைய டூத் பிரஷ் ஒன்றைக் கையில் எடுத்துக்கொள்ளுங்கள். அந்த பிரஷ்ஷை வைத்து வலையின் உட்புறமும் வெளிப்புறமும் லேசாக அழுத்தித் தேய்க்க வேண்டும்.

இப்படிச் செய்யும் போது அந்தச் சிறிய துளைகளில் அடைத்துக்கொண்டிருந்த அழுக்குகள் அனைத்தும் எந்தவித சிரமமும் இல்லாமல் மிக எளிதாக வெளியேறி வலை முற்றிலும் சுத்தமாகிவிடும்.

எவர்சில்வர் வடிகட்டிகளுக்கான ஸ்பெஷல் ட்ரிக்!  

நீங்கள் பிளாஸ்டிக் அல்லாத எவர்சில்வர் வடிகட்டியை பயன்படுத்துபவராக இருந்தால், இந்த அழுக்குகளை நீக்க மற்றொரு பாரம்பரியமான வழியும் இருக்கிறது. உங்கள் கேஸ் ஸ்டவ்வை மிதமான தீயில் வைத்து அந்த வலையைச் சில நொடிகள் மட்டும் நேரடியாகக் காட்ட வேண்டும்.

அப்போது வலையில் ஒட்டியிருக்கும் கசடுகள் கருகிச் சாம்பலாகிவிடும். சூடு ஆறியதும் வழக்கம் போல சோப்பு போட்டுக் கழுவிக்கொண்டால் வலை புதியது போல மாறும்.

சமையலறையில் நாம் அன்றாடம் பயன்படுத்தும் பொருட்களை முறையாகப் பராமரிப்பது நமது ஆரோக்கியத்திற்கும் மிகவும் நல்லது. பழைய வடிகட்டிகளில் தங்கும் கிருமிகள் நமது வயிற்றுக்குச் செல்வதைத் தடுக்க இது ஒரு சிறந்த வழி. ஒவ்வொரு முறையும் அடைப்பு ஏற்படும் போது புதிய பொருட்களை வாங்குவதைத் தவிர்த்து, இதுபோன்ற எளிய வழிமுறைகளைப் பின்பற்றுங்கள். 

இனிமேல் உங்களின் பழைய டீ வடிகட்டி பளபளப்பாக மாறுவதோடு குடிப்பவர்களின் ஆரோக்கியமும் பாதுகாப்பாக இருக்கும்.