வெறும் 2 மணி நேரத்தில் 80% வெற்றியை அள்ள இதைச் செய்யுங்கள்! Pareto Principle ரகசியங்கள்!

Pareto Principle என்பது 80:20 விதி கொள்கையாகும். அதாவது நாம் ஒரு செயலில் 20 வீதம் உழைப்பைப் போட்டு 80 வீதம் அதன் பயனை பெறுவது.

நாம் ஒரு வேலையை முழு மூச்சாக முழு நேரமும் செய்தாலும், அதற்கான பலன் கிட்டாது. ஆனால் சிலர் சில மணி நேரம் வேலைப் பார்த்தாலே அதற்கான பலனை அடைந்துவிடுவர். இதற்கான காரணம் என்னவென்று தெரியுமா? பொதுவாக இதற்கு ‘கவனம் அதிகம் தேவை’ என்பார்கள். உண்மைதான்!

நமது வாழ்க்கையில், பணியில் மற்றும் வியாபாரத்தில் நாம் அளிக்கும் சிறு அளவிலான முயற்சி (20%) ஆனது, பெரும்பாலான விளைவுகளை (80%) ஏற்படுத்துகிறது என்ற முக்கிய உண்மையை இந்தக் கொள்கை கூறுகிறது.

வெற்றியை அடைய இந்தக் கொள்கை எப்படி உதவுகிறது என்பதையும், நமது முக்கியமான 20% முயற்சிகளில் எப்படி கவனம் செலுத்தி திறம்பட வேலை செய்யலாம் என்பதையும் இந்தக் கட்டுரையில் விரிவாகப் பார்ப்போம்.

பாரெட்டோ கொள்கையை (Pareto Principle) பொருளாதார நிபுணர் வில்ஃப்ரெடோ பாரெட்டோ கண்டறிந்த ஒரு சக்திவாய்ந்த கொள்கை ஆகும்.

நாம் செலவிடும் நேரத்தின் அல்லது முயற்சியின் 20% மட்டுமே நமக்குத் தேவையான பலன்களில் 80% ஐத் தருகிறது.  இந்த விதி, நாம் செய்யும் எல்லா வேலைகளுக்கும் சமமான முக்கியத்துவம் இல்லை, சில வேலைகள் மட்டுமே அதிக மதிப்பைத் தருகின்றன என்பதையும் உணர்த்துகிறது.

20% முக்கிய வேலைகளைக் கண்டறிவது எப்படி?

அதிகப் பலன் தரும் அந்த 20% வேலைகளை அடையாளம் காண்பது மிக அவசியம். இதற்கான வழிகள் சில:

• உங்கள் தினசரி அல்லது வார பணிகளைப் பட்டியலிடுங்கள். அவற்றில், மிகப் பெரிய விளைவுகளை ஏற்படுத்தக்கூடிய பணிகள் எவை என்று சிந்தியுங்கள்.

உதாரணம்: ஒரு வியாபாரத்தில், வாடிக்கையாளர் புகார்களுக்குப் பதிலளிப்பதை விட, அவர்களுக்கு பிடித்தமான தயாரிப்புகளை தயாரித்தால், அதிக வருமானத்தை ஈட்ட உதவும். எனவே, அதுவே உங்கள் 20% முக்கியப் பணியாகும்.

• ஒவ்வொரு பணியும் உங்களுக்கு எவ்வளவு வருமானம், வளர்ச்சி, அல்லது மன திருப்தி அளிக்கிறது என்பதை மதிப்பிடுங்கள்.

• கேள்வி கேளுங்கள், "நான் இந்தப் பணியை மட்டும் முடித்தால், எனது இலக்கை அடைய அது எந்த அளவுக்குப் பங்களிக்கும்?"

• அதிகப் பலன் தரும் பணிகளுக்கு 'A' என்றும், குறைந்த பலன் தரும் பணிகளுக்கு 'C' என்றும் குறிப்பிடுங்கள். 'A' பணிகளுக்கு அதிக நேரம் செலவிடுங்கள்.

• உங்கள் நேரத்தை 80% வீணடிக்கும் சிறிய, பலனற்ற வேலைகளைக் கண்டறியுங்கள்.

• உதாரணம்: அடிக்கடி சமூக ஊடகங்களைப் பார்ப்பது, முக்கியமில்லாத மின்னஞ்சல்களுக்குப் பதிலளிப்பது, அல்லது தேவையில்லாத கூட்டங்களில் கலந்துகொள்வது போன்றவற்றை முடிந்தவரை தவிர்த்து, அந்த நேரத்தை 20% முக்கியப் பணிகளுக்கு ஒதுக்குங்கள்.

20% முயற்சிகளில் கவனம் செலுத்தி திறம்பட வேலை செய்வதற்கான வழிகள்

• யாரும் தொந்தரவு செய்யாதவாறு தனி இடத்தை தேர்ந்தெடுத்துக்கொண்டு முழு கவனத்துடன் வேலை செய்யுங்கள். இந்த நேரத்தில், வேறு எந்த வேலைகளையும் பார்க்கக் கூடாது.

• குறைந்த பலன் தரும் 80% பணிகளை நீங்கள் செய்யத் தேவையில்லை. அவற்றை மற்ற ஊழியர்களிடம் ஒப்படைக்கலாம்.

• ஒரு சமயத்தில், மிக முக்கியமான இரண்டு பணிகளை மட்டுமே முதன்மை இலக்காகக் கொள்ளுங்கள். மற்ற பணிகளைப் பற்றி சிந்திக்க வேண்டாம்.

• சிறு சிறு பணிகளால் கவனம் சிதறுவதைத் தவிர்த்து, உங்கள் ஆற்றல் முழுவதையும் அதிகப் பலன் தரும் அந்த சில முக்கிய வேலைகளில் குவிக்க இது உதவும்.

உங்கள் எந்த 20% முயற்சிகள் உண்மையில் 80% பலன்களைத் தந்துள்ளன என்பதைக் கண்டறியுங்கள். அந்த முயற்சிகளை மேலும் அதிகப்படுத்துங்கள். பலன் தராத முயற்சிகளைக் கைவிடுங்கள் அல்லது மாற்றியமைக்கவும்.