திருப்பள்ளியெழுச்சி: 5 - அறிதற்கு அரியோனே, ஆட்கொண்டருள்வீராக!

திருப்பள்ளியெழுச்சி: 4 - திருப்பெருந்துறை திருத்தலத்தில் எழுந்தருளியிருக்கும் எம்பெருமானே! திருப்பள்ளி எழுந்தருளாயே!.பூதங்கள் தோறும் நின்றாய் எனின் அல்லால் போக்கிலன் வரவிலன் என நினைப்புலவோர்கீதங்கள் பாடுதல் ஆடுதல் அல்லால் கேட்டறியோம் உனைக் கண்டறிவாரைசீதங்கொள் வயல் திருப்பெருந்துறை மன்னா சிந்தனைக்கும் அரியாய்! எங்கள் முன்வந்துஏதங்களறுத்து எமை யாண்டருள் புரியும் எம்பெருமான் பள்ளி எழுந்தருளாயே.இயற்கை எழில் சூழ, குளிர்ந்த வயல்கள் எங்கும் நிறைந்திருக்க, வனப்புடன் பொலியும் திருப்பெருந்துறை திருத்தலத்தில் கோயில் கொண்டருளும் எம் மன்னவனே! எல்லோருடைய சிந்தனைக்கும், கற்பனைக்கும் விஞ்சியவரல்லவா நீர்? உம்மை யாராலும் தனியே அடையாளம் கண்டுகொள்ள இயலுமா? ஏனென்றால் நீங்கள் எங்கும் பரந்து நிற்பவர். நீங்கள் இல்லாத இடமே இல்லை. வானம், பூமி, காற்று, நீர், நெருப்பு என்று உலக இயக்கத்துக்கு அடிப்படையான பஞ்ச பூதங்களிலும் நீக்கமற நிறைந்திருக்கிறீர்கள். நீங்கள் இல்லாததொன்றில்லை. நீங்களே ஆதியானவன், அந்தமும் ஆனவன். நீங்கள் எங்கும் போவதில்லை; எங்கிருந்தும் வருவதுமில்லை. அதாவது உமக்கு மரணமுமில்லை, ஜனனமும் இல்லை. அதனாலேயே நிரந்தரமானவர். இதுபோன்ற உம்முடைய சிறப்பியல்புகளைப் புலவர்கள் பாடி மகிழ்கிறார்கள். அந்த பாடல்கள் கீதங்களாக இசைக்கப்படும்போது நாங்கள் புத்துணர்வு பெறுகிறோம். உம்மை தரிசிக்கும் பக்தர்களோ, உம் பெருமைகளை, தாம் காண்போரிடத்தில் எல்லாம் சொல்லிச் சொல்லி மகிழ்கிறார்கள். இப்படி இசையோடு பாடுபவர்களோ, உம் கீர்த்தி பேசுபவர்களோ, யாருமே உம்மை நேரில் கண்ணாறக் கண்டதில்லை என்பதுதான் உண்மை. உங்கள் திருக்கோலம் எத்தகையது என்பது யாருமே அறிய முடியாத புதிராகத்தான் இருக்கிறது! அதற்கு முயற்சிப்பவர்களும், எத்தனை நூல்கள் படித்து ஆராய்ச்சி செய்தாலும், உம்மைக் கண்டு பிடிக்கவே முடியாத ஏமாற்றத்தைத்தான் அடைகிறார்கள். இத்தகைய மேன்மையுடைய நீங்கள் எங்கள் முன் வந்து எங்களை ஆட்கொண்டருள்வீராக. அரூபமாய் நீங்கள் வந்தாலும், எங்களுடைய நெகிழ்ந்த பக்தியால் நாங்கள் உம்மை உணர்ந்து கொள்கிறோம். எங்கள் பாபங்களையெல்லாம் தொலைத்து எங்களைப் பரிசுத்தவான்களாக மாற்றுவீராக. அந்த உம் அருளுக்காக நாங்கள் தவமாய் தவமிருக்கிறோம். ஆகவே உறக்கம் போதும், உறக்கம் போன்ற பாவனையும் போதும், எழுந்திருங்கள் எம் ஐயனே, எங்கள் கலி தீர்த்து பேரானந்தம் அருளுங்கள் எங்கள் தலைவனே..திருப்பள்ளியெழுச்சி: 3 - எம்பெருமானே... எங்களை ஆட்கொள்ள துயில் எழுவீர்களாக!.திருவெம்பாவை திருநோன்பு (திருப்பள்ளியெழுச்சி): அனைத்து பகுதிகளையும் காண 'Click Here'.Click Here

திருப்பள்ளியெழுச்சி: 5 - அறிதற்கு அரியோனே, ஆட்கொண்டருள்வீராக!

Other Articles