மங்களூரு போறீங்களா? மங்களாதேவி தரிசனம் முடிச்சுட்டு அந்த 'கட்பட்' ஐஸ்கிரீமை சுவைக்க மறக்காதீங்க!

அரபிக்கடலின் ஓரத்தில் அமைந்துள்ள இந்த நகரம் கர்நாடகாவின் மிக முக்கியமான துறைமுக நகரமாகத் திகழ்கிறது. பலதரப்பட்ட கலாச்சாரம் மற்றும் உயர்தர கல்வி நிறுவனங்கள்  அமைந்திருப்பது இதன் சிறப்பாகும். மேலும் பனை மரங்கள் நிறைந்த கடற்கரைகள், சுவையான கடல் உணவுகள் மற்றும் பழமையான கோவில்கள் ஆகியவற்றிற்குப் பெயர் பெற்றதுடன், இது கர்நாடகாவின் பொருளாதார நுழைவாயிலாகத் திகழ்கிறது. கர்நாடகாவின் அழகான கடற்கரை நகரமான மங்களூரில் (மங்களூரு) சுற்றுலா பயணிகள் அவசியம் காண வேண்டிய 6 சிறந்த இடங்கள் இதோ:

இது மங்களூரின் மிகவும் பிரபலமான மற்றும் தூய்மையான கடற்கரையாகும்.
​சிறப்பு: இங்கு சூரிய அஸ்தமனத்தைப் பார்ப்பது மிகவும் அழகாக இருக்கும். பாராசெயிலிங், ஜெட் ஸ்கீயிங் போன்ற நீர் விளையாட்டுகளுக்கு இது புகழ்பெற்றது. நேரம்: பொதுவாக மாலை நேரங்களில் செல்வது சிறந்தது.

இந்த நகரத்தின் பெயரே இங்குள்ள மங்களதேவி அம்மனின் பெயரால் தான் உருவானது.

​சிறப்பு: இது 9-ம் நூற்றாண்டில் கேரள கட்டிடக்கலை பாணியில் கட்டப்பட்ட பழமையான கோவிலாகும். நவராத்திரி திருவிழாவின் போது இக்கோவில் மிகவும் விசேஷமாக இருக்கும்.
​நேரம்: காலை 6:00 மணி முதல் மதியம் 1:00 மணி வரை, பிறகு மாலை 4:00 மணி முதல் இரவு 8:30 மணி வரை.

இது ஐரோப்பாவின் சிஸ்டைன் சேப்பலை (Sistine Chapel) நினைவூட்டும் வகையில் அமைக்கப்பட்ட ஒரு தேவாலயம். 

சிறப்பு: இத்தாலிய ஓவியர் அந்தோணி மோஷினி என்பவரால் வரையப்பட்ட கண்கவர் சுவரோவியங்கள் இங்கு மிகவும் பிரபலம். தேவாலயத்தின் சுவர்கள் மற்றும் மேற்கூரையில் உள்ள ஓவியங்கள் சுற்றுலாப் பயணிகளை வெகுவாகக் கவரும்.
​நேரம்: காலை 9:30 மணி முதல் மாலை 5:00 மணி வரை (ஞாயிறு உட்பட).

நாராயண குரு அவர்களால் 1912-ல் கட்டப்பட்ட இந்த கோவில் நவீன வசதிகளுடன் கூடிய மிக அழகான கோவிலாகும்.

​சிறப்பு: தங்க முலாம் பூசப்பட்ட கோபுரங்கள் மற்றும் இரவு நேர மின்விளக்கு அலங்காரங்கள் இக்கோவிலுக்கு கூடுதல் அழகைத் தருகின்றன. இங்கு நடைபெறும் தசரா திருவிழா மிகவும் பிரம்மாண்டமானது.

​நேரம்: காலை 6:00 மணி முதல் மதியம் 2:00 மணி வரை, மாலை 4:30 மணி முதல் இரவு 9:00 மணி வரை.

இயற்கை ஆர்வலர்கள் மற்றும் குழந்தைகளுக்கு இது ஒரு சொர்க்கமாகும்.

​சிறப்பு: இங்கு உயிரியல் பூங்கா, தாவரவியல் பூங்கா, அறிவியல் மையம் மற்றும் படகு சவாரி செய்யக்கூடிய ஏரி என அனைத்தும் ஒரே இடத்தில் உள்ளன. குடும்பத்துடன் ஒரு நாள் முழுவதும் பொழுதைக் கழிக்க இது சிறந்த இடம்.

​நேரம்: காலை 9:30 மணி முதல் மாலை 5:00 மணி வரை (திங்கள் கிழமை விடுமுறை).

மங்களூரு நகரின் மையப்பகுதியிலிருந்து சுமார் 4 கி.மீ தொலைவில் கத்ரி மலையில் அமைந்துள்ளது கத்ரி மஞ்சுநாதர் கோவில். தென்னிந்தியாவில் உள்ள கோவில்களில் மிகவும் பழமையானதும் ,வரலாற்று சிறப்புமிக்கதுமானது  இக்கோயில். 
​நேரம்: காலை 6:00 மணி முதல் மதியம் 1:00 மணி வரை, பின்னர் மாலை 4:00 மணி முதல் இரவு 8:00 மணி வரை கோவில் நடை திறந்திருக்கும். 

​மங்களூருக்குச் சுற்றுலா செல்லத் திட்டமிட்டால், இதன் அமைதியான சூழலையும் வரலாற்று அழகையும் கொண்ட இந்தத் தலத்தை  தவறவிடாது காண்பது அவசியம். 

​இந்த இடங்கள் தவிர, மங்களூருக்குச் செல்லும்போது அங்குள்ள புகழ்பெற்ற "கட்பட்" (Gudbad) ஐஸ்கிரீமை சுவைக்க மறக்காதீர்கள்!     

பெங்களூரில் இருந்து மங்களூருக்கு ரயிலில் சென்றபொழுது அதன் வழி நெடுகிலும் பசுமை நிறைந்த மரங்களையும், இயற்கை காட்சிகளையும் கண்டு களித்தது மறக்க முடியாத நிகழ்வு. நீங்களும் அதன் வியூவை கண்டு களியுங்கள். பயணம் இனியதாக அமையும்.