உலகத்தின் கூரைக்கு மேல் விமானம் பறப்பதில்லை. ஏன் தெரியுமா?

திபெத்திய பீடபூமியை "உலகின் கூரை" என்று அழைக்கின்றனர். இது மத்திய ஆசியாவில் உள்ள ஒரு பரந்த, உயரமான பகுதியாகும். இது தோராயமாக 2.5 மில்லியன் சதுர கிலோமீட்டர் பரப்பளவில், சராசரியாக 4,500 மீட்டர் உயரத்தில் உள்ளது. இந்த தனித்துவமான புவியியல் அம்சம் இதற்கு மேல் விமானங்கள் பறப்பதை கடினமாக்குகிறது. அதற்கான காரணிகள் குறித்து இப்பதிவில் காண்போம்

உயரம்

விமானங்கள் திபெத்திய பீட பூமியைத் தவிர்ப்பதற்கான முதன்மைக் காரணங்களில் ஒன்று அதன் மலைக்க வைக்கும் உயரம். அதிக உயரத்தில்  காற்று மிகவும் மெல்லியதாக இருப்பதால், விமான இயந்திரங்களின் செயல்திறன் பாதிக்கலாம். ஜெட் என்ஜின்கள் செயல்பட, குறிப்பிட்ட அடர்த்தியை நம்பியிருப்பதால் அத்தகைய உயரங்களில் ஆக்ஸிஜன் அளவு குறைவது இயந்திர செயல்திறன் குறைவதற்கு வழிவகுக்கும். இயந்திர செயலிழப்பு போன்ற அவசர நிலையின்போது இது அதிக சிக்கலை ஏற்படுத்தும், அங்கு விமானம் அதிக ஆக்ஸிஜனுடன் குறைந்த உயரத்திற்கு விரைவாக இறங்க வேண்டும்.

வானிலை மாற்றங்கள்

மற்றொரு குறிப்பிடத்தக்க காரணி வானிலை. திபெத்திய பீடபூமி அதன் கடுமையான மற்றும் கணிக்க முடியாத வானிலைக்கு பெயர் பெற்றது. பலத்த காற்று, கடுமையான கொந்தளிப்பு மற்றும் வானிலையில் ஏற்படும் திடீர் மாற்றங்கள் ஆகியவை விமானங்களுக்கு கடுமையான ஆபத்தை ஏற்படுத்தும். இந்த பகுதியில் கடுமையான இடியுடன் கூடிய மழை பெய்ய வாய்ப்புள்ளது, இந்த வானிலை நிலைமைகள் விமானிகளுக்கு பாதுகாப்பாக பயணிப்பதை கடினமாக்குகிறது, மேலும் விபத்துகளின் அபாயத்தை அதிகரிக்கிறது.

நிலப்பரப்பு சிக்கல்கள்

திபெத்திய பீடபூமியின் நிலப்பரப்பு  கரடுமுரடான மலைகளுக்கு புகழ் பெற்றது. இங்குள்ள சிகரங்கள் பெரும்பாலும் 7,000 மீட்டருக்கும் அதிகமாக உள்ளது. 8,848 மீட்டர் உயரமுள்ள உலகின் மிக உயரமான சிகரமான எவரெஸ்ட் சிகரம் திபெத்திய பீடபூமியின் எல்லையில் அமைந்துள்ளது. அத்தகைய உயரமான நிலப்பரப்பில் பறப்பது அவசர நிலையின்போது சில தவறுகள் ஏற்பட வழிவகுக்கிறது. திடீரென ஒரு விமானம் என்ஜின் கோளாறு அல்லது பிற சிக்கல்களை சந்தித்தால், பாதுகாப்பாக தரையிறங்குவதற்கு வரையறுக்கப்பட்டதகுதிகள் உள்ளன. இப்பகுதியில் பொருத்தமான அவசர தரையிறங்கும் தளங்கள் இல்லாதது ஆபத்தை அதிகரிக்கிறது.

அரசியல்ரீதியான சிக்கல்கள்

பிராந்தியத்தின் புவிசார் அரசியல் சூழ்நிலையும் ஒரு முக்கியக் காரணமாக இருக்கிறது. திபெத்திய பீடபூமி ஒரு அரசியல் ரீதியாக உணர்திறன் வாய்ந்த பகுதியில் அமைந்துள்ளது, சீனா, இந்தியா மற்றும் பல நாடுகளுக்குபிராந்திய தகராறுகள் உள்ளன. இது விமான திட்டமிடல் மற்றும் வழித்தடத்தை சிக்கலாக்கும்.

விபத்துக்களின் வரலாறு

வரலாற்று ரீதியாக, திபெத்திய பீடபூமியின் மீது பறப்பதால் ஏற்படும் ஆபத்துகளை எடுத்துக்காட்டும் பல சம்பவங்கள் உள்ளன. உதாரணமாக, 1992 ஆம் ஆண்டில், சீனா ஏர்லைன்ஸ் விமானம் 358, போயிங் 747, இப்பகுதியில் பறக்கும்போது கடுமையான கொந்தளிப்பை சந்தித்தது, இதன் விளைவாக பல பயணிகள் மற்றும் பணியாளர்கள் காயம் அடைந்தனர். 2002 ஆம் ஆண்டில், ரஷ்யாவில் தயாரிக்கப்பட்ட Mi-26 ஹெலிகாப்டர் இப்பகுதியில் விழுந்து 19 பேர் இறந்தனர். இந்த சம்பவங்கள் திபெத்திய பீடபூமியின் மீது பறப்பதால் ஏற்படும் அபாயங்களுக்கான முக்கிய உதாரணமாகும்.

இத்தகைய காரணங்களால்தான் உலகத்தின் கூரைக்கு மேல் விமானங்கள் பறப்பதற்கான வாய்ப்புகள் கடினமாக உள்ளதாக அறியப்படுகிறது.