வெறும் 10 ரூபாய் டிக்கெட்டில் கேரளாவுல இப்படி ஒரு சொர்க்கமா… இந்த சீக்ரெட் இடத்தை உடனே விசிட் பண்ணுங்க!

வார இறுதி விடுமுறை வந்தால் எங்காவது வெளியே செல்ல வேண்டும் என்ற ஆசை நிச்சயம் இருக்கும். ஆனால் கையில் இருக்கும் பட்ஜெட் நம்மைப் பல நேரங்களில் தடுத்து நிறுத்திவிடும். மிகவும் குறைவான செலவில், இயற்கையோடு ஒன்றிணைந்து ஒரு சூப்பரான ட்ரிப் அடிக்க வேண்டும் என்றால் கடவுளின் தேசமான கேரளாவில் ஒரு அட்டகாசமான இடம் உங்களுக்காகவே காத்துக்கொண்டிருக்கிறது. 

வெறும் பத்து ரூபாய் கட்டணத்தில் ஒரு சொர்க்கத்தையே கண்முன் காட்டும் தென்மலை (Thenmala) எக்கோ டூரிசம் எனப்படும் அந்த அழகிய சுற்றுலாத் தலத்தைப் பற்றி இப்போது பார்க்கலாம் வாங்க.

சினிமா லொகேஷன்!

கேரளாவின் இரண்டாவது மிகப்பெரிய பாசனத் திட்டமாக அறியப்படும் இந்த தென்மலை அணை 1961ஆம் ஆண்டு கல்லடா ஆற்றின் குறுக்கே கட்ட ஆரம்பிக்கப்பட்டது. மாநிலத்திலேயே மிக நீளமான இந்த நீர்த்தேக்கம், கழுத்துருட்டி, செந்துருணி மற்றும் குலத்துப்புழா ஆகிய மூன்று ஆறுகள் ஒன்று சேரும் இடத்தில் ரொம்பவே கம்பீரமாக அமைந்துள்ளது. 

இரண்டு பக்கமும் செந்துருணி வனவிலங்கு சரணாலயம் சூழ்ந்துள்ளதால், இது பார்ப்பதற்கு கண்கொள்ளாக் காட்சியாக இருக்கும். மின்சார உற்பத்திக்காகவும் பயன்படும் இயற்கையின் எழில் கொஞ்சும் இந்த இடத்தின் அழகைப் பார்த்து மயங்கிய பல இயக்குநர்கள், இங்கு ஏராளமான தமிழ் மற்றும் மலையாளத் திரைப்படங்களை சூப்பராகப் படமாக்கியுள்ளனர்.

குறைந்த கட்டணத்தில் ஏராளமான பொழுதுபோக்குகள்!

இந்த அழகிய அணைக்குச் செல்ல பெரியவர்களுக்கு வெறும் பத்து ரூபாயும், குழந்தைகளுக்கு ஐந்து ரூபாயும் மட்டுமே நுழைவுக் கட்டணமாக வசூலிக்கிறார்கள். உள்ளே சென்றால் கேரளா சுற்றுலாத் துறையின் சார்பாக பலவிதமான என்டர்டெயின்மென்ட் வசதிகள் காத்துக்கிடக்கின்றன.

வண்ணமயமான பட்டாம்பூச்சி பூங்கா, சின்னச் சின்ன குழந்தைகளுக்கான பிரத்யேக விளையாட்டு இடம் மற்றும் சாகசப் பிரியர்களுக்கான Adventure zone என ஒரு முழு நாளையும் ஜாலியாகக் கழிக்கலாம். மேலும் காட்டிற்குள் ட்ரெக்கிங் செல்வது, நீர்த்தேக்கத்தில் படகுச் சவாரி மற்றும் மாலையில் மனதை மயக்கும் இசை நீரூற்று என எல்லாமே இங்கு வேற லெவலில் இருக்கும்.

சரியான சீசன்!

இந்த தென்மலை சுற்றுலாத் தளம் கேரளாவில் இருந்தாலும் நமது தமிழ்நாட்டின் தென்காசியில் இருந்து மிக மிக அருகில் தான் உள்ளது. தென்காசியில் இருந்து சுமார் 35 முதல் 40 கிலோமீட்டர் தூரம் பயணித்தால் இந்த இடத்தை மிக எளிதாகச் சென்றடையலாம். குற்றாலம் அருவியில் குளிக்க வரும் சுற்றுலாப் பயணிகள், அங்கிருந்து வெறும் ஒன்றரை மணி நேரம் பயணம் செய்து இந்த இயற்கை சொர்க்கத்தை விசிட் செய்யலாம். டிசம்பர் மாதம் தொடங்கி பிப்ரவரி மாதம் வரை இங்கு நிலவும் இதமான கிளைமேட், உங்களின் பயணத்தை இன்னும் அழகாக்கும்.

கான்கிரீட் காடுகளுக்குள் அடைபட்டுக் கிடக்கும் நமக்கு இந்த தென்மலை ஒரு மிகச் சிறந்த ரிலாக்ஸேஷன் ஸ்பாட் ஆகும். குறைவான பட்ஜெட்டில், எந்த ஒரு அதிகப்படியான கூட்ட நெரிசலும் இல்லாமல் குடும்பத்தோடு சந்தோஷமாக நேரத்தைச் செலவிட இதைவிட ஒரு சிறந்த இடம் இருக்க முடியாது. 

அடுத்த முறை தென்காசி அல்லது குற்றாலம் பக்கம் டூர் பிளான் பண்ணினால், மறக்காமல் இந்த தென்மலை அணைக்கும் ஒரு விசிட் அடித்துவிட்டு வாருங்கள். இது இயற்கை விரும்பிகளுக்கு நிஜமாகவே ஒரு மாபெரும் சொர்க்கம் தான்.