0,00 INR

No products in the cart.

கவிதைத் தூறல்!

ஆசை
உன்னை ஒரு நாளாவது
பிரிந்திருக்க வேண்டும்;
‘எப்படி இருக்கீங்க’
என்று நீ
நலம் விசாரிப்பதற்கு!

——————

காலம்
சிலையை வணங்குகிறார்கள்
கவனிப்பாரின்றி
கிடக்கிறது உளி!
– பி.சி.ரகு,
விழுப்புரம்

——————

பூட்டு
பூட்டைத் திறக்க முடியாமல்
திருடன் கதவை உடைக்கிறான்;
‘களவு போனதற்கு
நான் பொறுப்பல்ல’
மீசையை முறுக்குகிறது
பூட்டு!

——————

இடி
வாராக்கடன்
தள்ளுபடி
யார் தலையிலோ
விழுகிறது
இடி!
– எஸ்.பவானி,
திருச்சி

——————

எப்படிச் சொல்வேனடி?
இலைக் கூந்தல்
நெளியும்
பூச்செடிகள்
நிறைந்த
உன் வீட்டு
மேல் தளத்தை
எப்படிச் சொல்வேன்
மொட்டை மாடியென்று?!

——————

பார்க்காதே
பூனை குறுக்கே போனதற்கு
பயப்பட நீ எலியல்ல…
பல்லி சத்தமிட்டதற்கு
பதற்றப்பட
நீ பூச்சியல்ல…
சகுனங்கள் பார்ப்பவரால்
பயணங்கள்
தொடர முடியாது!
ஜாதகக் கட்டங்களுக்குள்
சிக்கிக் கொண்டவர்களால்
சாதிக்க முடியாது!

——————

நேரம்
இன்று
யாருமே
ஜோதிடம் பார்க்க
வரவில்லை;
தனக்கு நேரம் (ராசி)
எப்படி இருக்கிறது?
தனது கிளியிடமே
சீட்டெடுக்கச்
சொல்கிறான்
கிளி ஜோதிடக்காரன்!
– நிலா, திருச்சி

1 COMMENT

  1. கவிதைகள் அத்தனையும் நன்றாக இருந்தது. அதிலும் ‘எப்படி சொல்வேனடி’ மிகவும் நன்றாக இருந்தது பாராட்டுக்கள்.

Stay Connected

261,335FansLike
1,909FollowersFollow
8,130SubscribersSubscribe

Other Articles

கவிதைத் தூறல்!

0
-எஸ்.பவானி, திருச்சி   அபத்தம் காலில் கட்டோடு வந்தவரிடம் காலில் அடியா என அபத்தமாய் கேட்டவருக்கு பதில் சொல்கிறார் தலையை மட்டும் ஆட்டி. ******************************* அவசரம் காலிங் பெல்லை அழுத்திவிட்டு காத்திருக்கிறான் கதவில் பூட்டு தொங்குவதை கவனிக்காத ஒரு அவசரக்காரன். ******************************* மணி ஓசை கோவில் மணி பக்தர்களுக்கு அருள்கிறது பள்ளியின் மணி படிப்பதற்கு அழைக்கிறது தலைவர்களுக்கோ ஆங்காங்கே ஒலிக்கிறது. தொண்டர்களின் ஜால்ரா மணி. ******************************* அநாவசியம் கணவர் நாத்திகம் மனைவி ஆன்மீகம் இது எப்படி சாத்தியம் மற்றவர் ஆராய்வது அநாவசியம்.

கவிதை!

1
வெ. மாரிச்செல்வி, முதுகலை இரண்டாம் ஆண்டு தமிழ் இலக்கியம் ஏ. பி. சி. மகாலட்சுமி மகளிர் கல்லூரி, தூத்துக்குடி-2 விழித்திடு பெண்ணே... சுதந்திரம் பெறுவதுமல்ல தருவதுமல்ல வாழ்வது பிள்ளையிலும் கொல்லையிலும் நம்மை தொலைத்தது போதும் உரிமை கதறலை ஓரங்கட்டி உத்வேக நடை...

கவிதை!

-என்.கே.பாலசுப்ரமணியன். எப்போ வருவாரோ? வாரப்பத்திரிகைகளில் வண்ணப்படங்களுடன் வகை,வகையாய் தொடர்கதைகள், வித விதமாய் சிறுகதைகள் வெளிவந்த காலங்களில் - அவைகளை வணிகப் பத்திரிகைகள் என மலினப்படுத்தி, அவர்களை வணிக எழுத்தாளர்களென வசைபாடி, நாங்கள் தான் இலக்கியம் படைக்கிறோமென மார் தட்டி மகிழ்ந்தனர் சிற்றிதழாளர்கள். கால ஓட்டத்தில் வாட்ஸ்அப் வருகையில் வாசிப்பின் மீதே நேசிப்பு குறைந்ததில் கழுதை தேய்ந்து கட்டெறும்பானது போல் தொடர் முற்றி, சிறுகதை வற்றி, ஒரு பக்கக்கதையென உருமாறி, அதுவும் அதிகம்...

கவிதைத் தூறல்!

- லிடியா இம்மானுவேல், மயிலாடுதுறை   அங்கெல்லாம் இல்லை! விலங்குகள் வாழும் காட்டில் இல்லை! பறவைகள் வாழும் கூட்டில் இல்லை! மனிதர்கள் வாழும் நாட்டில் இருக்கின்றது முதியோர் இல்லங்கள்! ************************************ மனமுறிவு! தடாக வாழ்வில் தாவிய தவளையால் நிலவிற்கும்! அந்த குளத்திற்கும் உறவில் விரிசல் உண்டானது! ************************************ பாதை மாறிய பயணங்கள் அமைதியான ஓடை நீர் கடலில் கலந்ததும் பிரளயமானது! தீப்பந்த நெருப்பு தீபத்தில் ஏற்றியதும் அமைதியானது! ************************************ காணவில்லை... திருவிழாவில், காணாமல் போன அந்த...

கவிதைத் தூறல்!

-எஸ்.பவானி, திருச்சி   உன்னதம் பாலின் உன்னதம் அருந்தும் கன்றுக்கு மட்டுமே தெரியும் கறக்கும் வியாபாரிக்கு தெரியாது! __________________________________ அர்த்தம்  வாடி என்று கணவர் செல்லமாய் அழைத்தால் கனிவு! உரத்துச் சொன்னால் கட்டளை! ஒரே சொல்லின் உச்சரிப்பு தருகிறது மாறுபட்ட அர்த்தம். __________________________________ குறட்டை அவர் அதை செலவழிக்கவில்லை பிறருக்கு கொடுக்கவும் மனமில்லை நாய் உருட்டும் தேங்காய் என பணம் பாதாளத்தில் குறட்டை விடுகிறது. __________________________________ அழுகையும் சிரிப்பும் உயிரிழந்த...