
விலங்குகள் வாழும்
காட்டில் இல்லை!
பறவைகள் வாழும்
கூட்டில் இல்லை!
மனிதர்கள் வாழும்
நாட்டில் இருக்கின்றது
முதியோர் இல்லங்கள்!
************************************
தடாக வாழ்வில்
தாவிய தவளையால்
நிலவிற்கும்!
அந்த குளத்திற்கும்
உறவில் விரிசல்
உண்டானது!
************************************
அமைதியான ஓடை நீர்
கடலில் கலந்ததும்
பிரளயமானது!
தீப்பந்த நெருப்பு
தீபத்தில் ஏற்றியதும்
அமைதியானது!
************************************
திருவிழாவில்,
காணாமல் போன
அந்த குந்தை
கிடைத்துவிட்டது!
குழந்தை
தேடிச் சென்ற
அந்த பொம்மை
கிடைக்கவில்லை!
************************************
அவதாரங்கள் பல எடுத்தார்கள்
அரியும், சிவனும் முன்பு
அசுரர்களை அழிக்கவென்று
சென்ற யுகங்களில்.
எடுக்க வேண்டும் ஒரு
அவதாரம், கலியுகத்தில்
கொரோனா அரக்கனை
வதம் செய்வதற்காக
வேண்டுவோம் இன்று!
************************************
சுகமான காற்று தருகிறது
விட்டத்தில் சுற்றும் விசிறி
காய், கனி, பால், தயிர்
கெடாமல் காக்கிறது
ஒரு பெட்டி,
துணி துவைக்கிறது இயந்திரம்
வீடெங்கும் வெளிச்சம்
வழங்கும் விளக்குகள்
நமக்காக நாள் முழுதும்
உழைக்கும் மின் சாதனங்கள்
ஓய்வெடுப்பதில்லை
நம்மைப் போல.