திருப்பள்ளியெழுச்சி: 1 - திருப்பெருந்துறை ஆத்மநாதரே, அருள் செய்வீரே!

திருவெம்பாவை திருநோன்பு: 20 - நினைவெல்லாம் நீயே! எம் நாயகனே! போற்றி போற்றி!.போற்றியென் வாழ்முதலாகிய பொருளே புலர்ந்தது பூங்கழற்கு இணைதுணை மலர்கொண்டுஏற்றி நின் திருமுகத்து எமக்கருள் மலரும் எழில்நகை கொண்டு நின் திருவடி தொழுகோம்சேற்றிதழ் கமலங்கண் மலரும் தண்வயல் சூழ் திருப்பெருந்துறையுறை சிவபெருமானேஏற்றுயர் கொடியுடையாய் எனையுடையாய் எம்பெருமான் பள்ளி எழுந்தருளாயே.திருப்பெருந்துறை திருத்தலத்தில் ஆத்மநாதராகக் கோயில் கொண்டிருக்கும் எம் ஈசனே, அந்தத் தலம்தான் எத்தகைய சிறப்புடையது! சேறே ஆயினும், எம் இறைவன் அருளால், பெருமை கொள்ளத்தக்க வகையில் செந்தாமரை மலர்கள் பூக்க, அந்தச் சேறும் மகிழ்கிறதே! இந்தத் தலமே சுற்றிலும் குளிர்ந்த வயல்களால் சூழப்பட்டுள்ளதே. இந்தப் பசுமைச் சூழலில், வளம் கொழிக்கும் ஊரில், அருளாட்சி புரியும் எம் அரசே, நந்திக் கொடியுடைய நாயகனே! இதோ, பொழுது புலருமாறு ஆதவன் உதிக்கத் தொடங்கி விட்டான். உம்முடைய மலரனையத் திருவடிகளில் எம் இதய மலரோடு, இயற்கை மலர்களையும் தூவி வழிபட வந்துள்ளோம், ஐயனே. எங்கள் வாழ்நாளில் நீங்கள் அளித்த பல பேறுகளையும், இன்பங்களையும் நாங்கள் துய்க்கிறோம், அதாவது எங்கள் உடல் துய்க்கிறது; ஆனால் அவை எல்லாமும் தற்காலிக சுகம்தானே? சொந்த பந்தங்களால் உண்டாகும் மகிழ்ச்சியும் கால வரையறைக்கு உட்பட்டதுதானே! அதுவும் அப்போதைக்கான சந்தோஷம்தானே! அடுத்த நிகழ்ச்சி, இன்னொரு சந்தர்ப்பம் என்று வரும்போது முந்தைய இன்பம் மறைந்து, புதியதாக ஒன்று தோன்றுகிறதே. அந்தந்த நேர இன்பத்துக்குக் காலாவதி கெடு உள்ளதே! அவை எதுவுமே தொடர்வதும் இல்லையே, நிரந்தரமும் இல்லையே. இதெல்லாம் ஐம்புலன்கள் கொண்ட உடலுக்கும், அவற்றைத் தம் போக்குபோல இயக்கும் மனதுக்கும் மட்டும்தானே உரியவை? அதேசமயம், எங்களுக்குள் நாங்களே அறியா வண்ணம் உறைந்திருக்கும் எங்கள் ஆத்மாவுக்கு எதுதான் இன்பம்? திருப்பெருந்துறை வாழ் ஆத்மநாதரே உம்மைச் சரணடைந்தால் அன்றி, எங்கள் ஆத்மா சுகம் காணுமா? அதற்காகவே இப்போது உம்மை நாடி நாங்கள் வந்திருக்கிறோம். எங்கள் வழிபாட்டினை ஏற்று உம் அழகிய திருமுகப் புன்னகையால் எங்களை ஆட்கொண்டு அருள் செய்ய, துயில் எழுவீர்களாக, எம் இறைவனே..திருவெம்பாவை திருநோன்பு: 19 - உம் அடியாரே எம்மைக் கரம் பிடிக்க வேண்டும்!.திருவெம்பாவை திருநோன்பு (திருப்பள்ளியெழுச்சி): அனைத்து பகுதிகளையும் காண 'Click Here'.Click Here

திருப்பள்ளியெழுச்சி: 1 - திருப்பெருந்துறை ஆத்மநாதரே, அருள் செய்வீரே!

Other Articles