கொஞ்சம் சிரிங்க பாஸ்

"தலைவருக்கு சுயநினைவு  இல்லைன்னு எப்படிச் சொல்றே?"

"தேர்தல் வாக்குறுதியை நிறைவேற்றப் போறதா சொல்றாரே"

– மாடக்கண்ணு, பாப்பான்குளம்

"குட் மார்னிங் சொன்னதுக்குப் போய்யா மேனேஜர் உங்களைத் திட்டினாரு?"

"ஆமாம்… தூங்கிட்டு இருந்தவரை எழுப்பிச் சொன்னேன்."

-தீபிகா சாரதி, சென்னை

"தலைவர் ஏன் சோகமா இருக்கிறார்?"

"அவரைப் பத்தி சோசியல் மீடியாவில் ஒரு மீம்சும் வரலையாம்? அவர் மவுஸ் குறைஞ்சிடுமோன்னு சோகமாயிட்டார்."

-சி. கார்த்திகேயன், சாத்தூர்

"எதிர்க்கட்சியில் சேர்ந்த நம்ம தலைவரை ஒரே நாள்ல நீக்கிட்டாங்களாமே, ஏன்?"

"பழக்க தோஷத்தில், சேர்ந்த கட்சியையே கன்னாபின்னான்னு தாக்கிப் பேசிட்டாராம்!"

– ப.சோமசுந்தரம், சென்னை

"அந்த எழுத்தாளர் தினமும் ஆற்றங்கரை பக்கமா போய் உட்கார்ந்திருக்கிறாரே, ஏன்?"

"அங்குதான் கற்பனை கரைபுரண்டு ஓடும்னு யாரோ அவர்கிட்ட சொன்னாங்களாம்!"

– மு. மதிவாணன், அரூர்,

"நம்ம தலைவருக்குத் தமிழ்ப்பற்று ரொம்ப அதிகம்னு இப்பத்தான் தெரிஞ்சுக்கிட்டேன்!"

"எதை வச்சு?"

"நாங்கள் ஆட்சிக்கு வந்தால் கிரிக்கெட் ஸ்டேடியத்துல முழுவதும் அன்னைத் தமிழில் கமென்ட்ரி கொடுக்கப்படும்னு அறிவிச்சிருக்காரே…"

– இரா. அருண்குமார், புதுச்சேரி