Subscribe
- முகப்பு
- கல்கி
- மங்கையர் மலர்
- தீபம்
- கோகுலம்/Gokulam
- முக்கிய பிரிவுகள்முக்கிய பிரிவுகள்
- தொகுப்புகள்தொகுப்புகள்
- PremiumPremium
"அந்த வானிலை ஆராய்ச்சி நிபுணருக்கு டாக்டர் பட்டம் கொடுக்கப் போறாங்களாம்."
"எதுக்காக?"
"மழை வருமா? புயல் வருமான்னு எப்ப கேட்டாலும் 24 மணி நேரம் போனாத்தான் சொல்ல முடியும்னு சொல்றாராம்."
– வி. ரேவதி, தஞ்சை
"பாயசம் ஒரு தரம்… பாயசம் இரண்டு தரம்… பாயசம் மூணு தரம்…"
"என்னடி கிச்சன்ல சத்தம்?"
"சமையல் புத்தகத்துல போட்டிருந்ததுங்க…பாயசம் கொதித்து முடித்தவுடன் 'ஏலம்' போட்டு இறக்கவும்னு."
– எம் அசோக்ராஜா, அரவக்குறிச்சிப்பட்டி
"என்ன பிராப்ளம் சார் ? கேஸ் டிரபிளா….?"
"சொல்லாமலே எப்படி டாக்டர் கண்டுபிடிச்சீங்க?"
"உங்க வயிறுதான் சிலிண்டர் மாதிரி இருக்கே."
– வி. ரேவதி, தஞ்சை
"உன் பொண்டாட்டி எதுக்கு சுத்தியலை உன் தலையில் போட்டாளாம்?"
"சுத்தி போட்டா திருஷ்டி போகும்னு யாரோ சொன்னாங்களாம்…"
– எம் அசோக்ராஜா, அரவக்குறிச்சிப்பட்டி
"படத்தின் கிளைமேக்ஸ் நம்பும்படி இல்லையே…"
"ஏன் என்னாச்சு?"
"கிளைமேக்ஸில் பேய் விஷம் குடிச்சு தற்கொலை பண்ணிக்குதுன்னு காட்டியிருக்காங்களே."
– ஆர். யோகமித்ரா,
செம்பாக்கம், சென்னை
"தலைவரே, நீங்க இந்தியில் பேசக் கத்துக்கணும்."
"ஏன்யா?''
"நம்ம மீட்டிங்குக்கு ஒடிசா, பீகார், உ.பி. ஆட்கள்தான் வர்றாங்க தலைவரே."
– அப்ரோஸ் பானு, சென்னை
