ஜோக்ஸ்; பணம் கொட்டலை… மனைவிதான் தினமும் கொட்டறா!

பேஷண்ட்: அடிக்கடி ஞாபக மறதியாக இருக்கு டாக்டர்.

டாக்டர்: பார்த்தாலே தெரியுது. லேடீஸ் ஹேண்ட் பாக் கை எடுத்துட்டு வந்து இருக்கீங்க!

*******************************

கல்யாணம் பண்ணா பணம் கொட்டும் னு ஜோசியர் சொன்னதை நம்பி ஏமாந்துட்டேன்.

ஏண்டா?

பணம் கொட்டலை… மனைவிதான் தினமும் கொட்டறா!

*******************************

அடிக்கடி ஊரை விட்டு ஓடற மாதிரி கனவு வருது டாக்டர்.

எல்லோர்கிட்டேயும் கடன் வாங்கினா இப்படித்தான் கனவு வரும். கடன் வாங்குறதை குறைங்க, சரியாயிடும்!

*******************************

ஏண்டி, உன் வீட்டுக்காரர் திரு திரு ன்னு பார்த்துட்டு இருக்கார்?

அது ஒண்ணுமில்லைடி, டாக்டர்கிட்ட போயிருக்கார். அவர் 3திரு வை கடைபிடிங்கனு சொன்னாராம். தனித்திரு, விழித்திரு, பசித்திருனு சொன்னதை இப்படி புரிஞ்சிக்கிட்டார்.

*******************************

உங்களுக்கு தனி நபர் கடன் வேணுமா? வீட்டுக்கடன் வேணுமா?,

வாராக் கடன் னு சொல்றாங்களே அதை கொடுங்க சார்.

*******************************

மனைவியும்,கடவுளும் ஒண்ணுடா.

ஏன் அப்படி சொல்ற?

நாம கேட்கறதை விட்டுட்டு கேட்காததை தருவாங்க. அதனால் தான்.

*******************************

ஏன் சோகமா இருக்க?

ஸ்கூலில் பிள்ளைக்கு சொல்லிக் கொடுக்க தெரியணும் னு பேரண்ட்ஸ்க்கும் ஹோம் ஒர்க் தராங்கடி!