ஜோக்ஸ்; 'தாலி வரம்கேட்டு வந்தேன் தாயம்மா'

- நடேஷ் கன்னா

"என்னடி உன் வீட்டுகாரர் குழந்தைகளுடன் ஒருவாரமா சிரிச்சு விளையாடிகிட்டு இருக்காரு?"

"அதை ஏன் கேட்கிற! ஒரு வாரமா அவர் ஃபோன் ரிப்பேர்!"

*********************************

"ஜோசியரே! என் வாழ்க்கையில் ஒளி ஏத்த டார்ச் லைட் மாதிரி ஒரு பொண்ணு வருவானு சொன்னீங்களே!?"

"ஆமா, அதுக்கு என்ன இப்போ?"

"என்னை 'டார்ச்சர்' பண்ற பொண்ணுதான் வந்து இருக்கா!"

*********************************

"என்னடா, தாடி வளர்க்குறே?

"லவ் ஃபெயிலியரா சக்ஸஸ்ஸானு தெரியல."

"அதுக்கு ஏண்டா கவலைப்படறே?" 

"ஃபெயிலியரா இருந்தா தாடி மட்டும் வளர்த்தாபோதும்; அதுவே சக்சஸ் ஆனா பொண்டாட்டி பிள்ளைகளை வளர்க்க வேண்டிவருமே!"

*********************************

"தலைவரே தேர்தல் வருது... நாம எப்படி சம்பாத்தியம் பண்றது?"

"ஆளும் கட்சி உடன் கூட்டணி என்று ஒரு சூட் கேஸ்; எதிர்கட்சி உடன் கூட்டணி என்று ஒரு சூட் கேஸ். அப்புறம் நம்ம தோட்டத்தில் வச்சு பிரிச்சிக்க வேண்டியதுதான்."

*********************************

"உங்க மனைவி உங்ககிட்ட பாசமா இருக்கானு எப்படி சொல்றீங்க?"

"நான் இரண்டு தும்மல்தான் போட்டேன். அதுக்கு சாமி படத்துக்கு முன்னாடி நின்னுகிட்டு 'தாலி வரம்கேட்டு வந்தேன் தாயம்மா' அப்படினு பாட்டு பாடுறா!"

*********************************

"உங்களுக்கு எப்படிபட்ட பொண்ணு வேணும்?"

"இப்ப இருக்கிற பொண்டாட்டி மாதிரி வேண்டாம் ஜோசியரே!"

*********************************

"என்னங்க, உங்களுக்கு ஹேப்பி நியூ இயர்..." 

"பிராமிசாதான் சொல்றியா?"

*********************************

"என்னடி, ஒரு செருப்பு செலக்ட் பண்ண இத்தனை கடை ஏறி இருங்குற?"

"செருப்பையாவது நல்லபடியா செலக்ட் பண்ணுவோமேன்னுதான்!"