மழை ஜோக்ஸ்!

படங்கள்: பிரபுராம்

ஏம்பா! இப்படி ஊருக்கு ஒதுக்குப்புறமா வீட்டை கட்டிட்டு பைக் மட்டும் வாங்கினா எப்படி? ஒரு படகையும் சேர்த்து வாங்கி போடுங்கனு சொன்னேனே கேட்டீங்களா இப்ப பாருங்க!

*********************************

டாக்டர் மனைவி: என்னங்க இன்னைக்கு ரொம்ப சந்தோஷமா இருக்கீங்க?

டாக்டர் : அடிக்கிற மழையை பார்த்தா நம்ம கிளினிக்குக்கு இன்னும் ஒரு வாரத்துக்கு நிறைய பேஷன்ட்ஸ் வருவாங்க போல இருக்கு அதான்!

*********************************

இந்த பாகவதர் பேச்சைக் கேட்டு கச்சேரிக்கு வந்தது தப்பா போச்சே

அப்படி என்ன சொன்னார்?

நான் அமிர்தவர்ஷினி பாடினா மழை வரும். புன்னாக வராளி பாடினா பாம்பு வரும். நீலாம்பரி பாடினா தூக்கம் வரும்னார். ஆனா இங்க கல்லுல பறந்து வருது!

*********************************

நேத்து ஒரே "அடை" மழை!

தொட்டுக் கொள்ள வெண்ணெயா? வெல்லமா?

-கே.எஸ். கிருஷ்ணவேனி, மைலாப்பூர்.

*********************************

"ஏன் சார்... !  குடையை விரிக்காம மழையில  நனைஞ்சுட்டு  ஆபீசுக்கு வர்றீங்க... ? "

"குளிச்சுட்டு தூங்கினா நல்லா தூக்கம் வருமாம்.! "

-என்.உஷாதேவி, மதுரை.

*********************************

"நாங்கள் ஆட்சிக்கு வந்தால், மழையால் பட்டாசுத் தொழில் பாதிக்கப் படாத வகையில், தீபாவளி பண்டிகை மே மாதத்திற்கு மாற்றம் செய்யப்படும் என்பதை..."

*********************************

"ஒரு மாநிலத்தில் கன மழை, மற்றொரு மாநிலத்தில் வறட்சி என்று இருப்பதைத் தவிர்க்க, விரைவில் ஒரே நாடு, ஒரே மழை திட்டம் கொண்டு வரப்படும் என்பதை இந்த மேடையிலே பெருமையுடன் கூறிக் கொள்கிறேன்.."

-ஆர். பிரசன்னா, திருச்சி.