நீங்க இப்ப சாப்பிடறது கூட நேத்து பண்ண பொங்கல்தான்!

-ஓவியம்: ரஜினி

“எங்க ஓட்டல்ல சாப்பிடற ஐட்டத்தை எல்லாம்  வீணடிக்க மாட்டோம் சார்.”

“நிஜமாவா?”

“ஆமாம். நீங்க இப்ப சாப்பிடறதுகூட நேத்து பண்ண  பொங்கல்தான்.”

--------------------------------------------------

“தலைவரே, சி.பி.ஐ. நாலு கேள்வி கேட்டு உங்களுக்கு நோட்டீஸ் அனுப்பி  இருக்கு?”

“சாய்ஸ் கொடுத்திருக்காங்களாய்யா?”

--------------------------------------------------

“அந்தப் புது படத்துல நாலு இன்ட்ரோல் வருது?”

“என்னது நாலு இன்ட்ரோலா?”

“ஆமாம். படத்துல மூணு பாட்டு வருது .”

--------------------------------------------------

“கூட்டணிக்காக  எங்க கட்சிக் கதவுகள் எப்போதும் திறந்தே இருக்கும்.”

“தலைவரே,  நீங்க இப்ப இருப்பது ஜெயில்ல!”

--------------------------------------------------

“தலைவர் அரசியலை விட்டு ஒதுங்கப்போறார் போலிருக்கு!"

“எப்படிச் சொல்றீங்க?"

“மக்களுக்காக நான் மிகப்பெரிய தியாகத்தைச் செய்யப் போகிறேன்னு சொல்லியிருக்காரே...!"   

--------------------------------------------------

“நம் மன்னர் அடிக்கடி ஏன் மந்திரியாரிடம் மாதம் மும்மாரி பொழிகிறதான்னு கேட்கிறார்?”

“பின்ன... எப்ப பார்த்தாலும் அந்தப்புரத்துலயே  இருந்தா  எப்படித் தெரியும்?”

-தீபிகா, சென்னை