உன்வாழ்க்கை உன்கையில்... மறந்திடாது இருந்திடு!

ஒன்றிலிருந்து ஒன்பதுவரை எண்ணிக்கோ

ஒழுங்காய்த் தினமுமதைநீயும் செய்துக்கோ!

ஆரோக்கியத்தை இழந்திட்டால் உலகிலே

அத்தனையும் போயிடுமே தெரிஞ்சிக்கோ!

பணமும் புகழும் நிறையவேஇருந்தாலும்

உடல்நலத்தைப் பேணாது போனாலே

உள்ளதெதுவும் பயன்படாது புரிஞ்சிக்கோ!

ஒன்பதுக்ளாஸ் தண்ணீரைத் தினமுமே

ஒழுங்காய்நீயும் குடித்துவர வேண்டுமே!

நீர்ச்சத்து உடலினிலே குறைந்தாலே

நிம்மதியைக் குலைத்திடுமே நோய்களும்!

குருதிப்புனல் பாய்கின்ற வரையில்தான்

குதூகலங்கள் வாழ்வினிலே நிலைத்திடும்!

எட்டுமணி நேரம்என்றும் உறங்கிடு

எழுந்தபின்னால் சுறுசுறுப்பாய் உழைத்திடு!

உறக்கமொன்றே உடலுக்கு பாட்டரி

ஒவ்வொருநாளும் ஒழுங்காய்ரீசார்ஜ் செய்திடு!

ஏழுஸ்வரங்கள் கொண்ட நல்பாட்டினை

என்றைக்கும்கேட்டு நீயும் மகிழ்ந்திடு!

உறவுகள்தரும் இன்பத்துக்கும் மேலாக

ஊட்டிடுமே உற்சாகத்தை உயர்இசையே!

ஆறுடிஜிட்டில் உன்வருமானம் இருந்திட்டால்

அத்தனையும் இவ்வுலகில் வசமாகும்!

காசிருந்தாலே இங்குஎல்லாம் பாசிபிள்

கடினமாகும் அதுகுறைந்தால் வாழ்வுமே!

ஐந்துநாட்கள் கடினமாய் உழைத்திட்டால்

அடுத்திரண்டுநாட்கள் இங்கு சொர்க்கமே!

பார்த்துப்பார்த்து பக்குவமாய் வேலையை

பண்ணிடவே நீயுமிங்கு பழகிடு!

நாலுவீல் கார்ஒன்று வேண்டுமே

நானிலத்தில் அதுபெருமை சேர்க்குமே!

கூட்டத்தில் குடும்பத்தார் குலையாமல்

கொண்டுசேர்க்கும் அனைவரையும் அதுவுமே!

மூணுபெட்ரூம் நிறைந்திருக்கும் வீட்டினை

முழுதாய்நீயும் சொந்தமாக வாங்கிடு!

பிள்ளைகுட்டி குடும்பத்தார் உறவுகள்

பெருமையுடன் வாழஅது உதவிடும்!

ரெண்டுபிள்ளை கண்எனவே பெற்றிடு

ரெத்தினமாய் அவர்களையும் வளர்த்திடு!

குடியிருக்கும் வீட்டினையே கோயிலாய்

குதூகலமாய் மாற்றி அவரும்காட்டுவர்!

இதயதெய்வம் ஒன்றுமட்டும் இருக்கட்டும்

எழில்மனைவி அவளுடனே நீயுந்தான்

கலந்துபேசி உறவாடி மகிழ்ந்திடு

காலங்கள் உருண்டோடும் களிப்புடன்!

பதற்றமே இல்லாவாழ்வைப் பழகிடு

டென்ஷனுக்குக் குட்பையும் சொல்லிடு!

அதனைநீயும் ஜீரோவாக்கி அகற்றிடு

அல்லும்பகலும் அன்பினிலே திளைத்திடு!

அரிதரிது மானிடராய்ப் பிறப்பது

அதனைநன்கு நீயுமிங்கு உணர்ந்திடு!

உன்வாழ்க்கை உன்கையில் என்பதை

ஒருபோதும் மறந்திடாது இருந்திடு!