சிறுகதை: தாத்தாவின் 'உலகமகா' ரீல்கள்!

பாஸ்கர், பாலுவிடம் சொன்னான்: "வர வர இந்த இணையத்தில் வரும் பொய்களுக்கு அளவே இல்லாமல் போய்க்கொண்டிருக்கிறதுடா... அப்படியே அருகில் இருந்து பார்த்தது போலவே சொல்கிறார்கள்!"

"நீ இன்னும் எங்க தாத்தாவிடம் பேசவில்லையே... ஒருமுறை பேசிப் பார்!" என்றான் பாலு.

"ஏன்? அப்படி என்ன விசேஷம்?"

"பேசிப் பாரேன்... அப்புறம் வந்து சொல்!"

ஒரு ஞாயிறு மாலை, பாஸ்கர் பாலுவின் தாத்தாவைப் பார்க்கச் சென்றான். "குட் ஈவினிங் தாத்தா!" என்றான்.

"ம்... வா, உட்கார்!" என்றார் தாத்தா. தாத்தா அருகில் ஒரு பத்திரிகை இருந்தது. அதில் ஒரு முன்னணி நடிகையின் (Lady Super Star) புகைப்படம் போட்ட செய்தி இடம்பெற்றிருந்தது.

"என்னடா பார்க்கிறாய்? இந்தப் பெண்ணுக்கு 'ஐயா' படத்தில் நான்தான் வாய்ப்பு வாங்கித் தந்தேன். இப்போது சொந்தமாக விமானமே வைத்திருக்கிறாள்!" என்றார் தாத்தா.

"நம்ப முடியவில்லையே தாத்தா!" என்றான் பாஸ்கர் திகைப்புடன்.

"அது இருக்கட்டும்... 'அபூர்வ ராகங்கள்' படத்தில் அந்த இன்ஸ்டிடியூட் பையனுக்கு ஒரு வாய்ப்புக் கொடு என்று நன்னிலத்துக்காரரிடம் (கே.பாலச்சந்தர்) சொன்னேன். அதான்... முதல் காட்சியில் கேட்டினைத் திறந்துகொண்டு வருவாரே, அவர்தான்! இன்னும் நடித்துக்கொண்டிருக்கிறார்."

"தாத்தா! அவ்வளவு செல்வாக்கா உங்களுக்கு?"

"எம்.ஜி.ஆர் என்னைக் கேட்காமல் சினிமாவில் எந்த முடிவும் எடுக்க மாட்டார். பெங்களூரிலிருந்து சரோஜாதேவியை அழைத்து வந்து, 'நாடோடி மன்னன்' படத்தில் போடும்படி நான்தான் சொன்னேன்; அவரும் செய்தார். இந்தச் சிவாஜியை 'பராசக்தி'யில் போடுங்கள் என்று பெருமாள் முதலியாரிடம் ரொம்பவும் கேட்டுக்கொண்டேன்... போட்டார். நடிகர் திலகம் இப்போது உயிரோடு இருந்தால் நான் சொன்னதை ஒப்புக்கொள்வார்!"

"தாத்தா... நிஜமாகவா?"

" 'அம்மாவும் நீயே... அப்பாவும் நீயே...' என்று பாடுவானே (கமல்ஹாசன்)... அவனை என் மடியில் தூக்கி வைத்திருப்பேன். 'பார்த்தால் பசி தீரும்' படத்தில் அப்போதே இரட்டை வேடம் செய்தான். நான்தான் பீம்சிங்கிடம் 'இவனைப் போடுங்கள்' என்று சொன்னேன்."

பாஸ்கர் அப்படியே துவண்டு போனான். தாத்தா தொடர்ந்தார்...

"இந்தப் பையனுக்கு (விஜய்) இப்படி கூட்டம் கூடுகிறதே... நான்தான் அவன் அப்பாவிடம் போய் 'கேப்டனைப் பார்' (சந்தானபாரதி அல்லது விஜயகாந்த் - சூழலைப் பொறுத்து) என்று சொன்னதே! போவதற்கு முன் நானே போன் பண்ணியும் சொன்னேன்."

"தாத்தா... நீங்கள் எவ்வளவு பெரிய ஆள்!" என்று முனகலாகச் சொன்னான் பாஸ்கர்.

"இந்தக் கார் ரேஸ் பையனுக்கு (அஜித்) யார் வாய்ப்பு வாங்கித் தந்தது என்று நினைக்கிறாய்? அப்புறம், மன்னார்குடி அருகில் துளசேந்திரபுரத்துப் பெண் தான் கமலா ஹாரிஸின் தாயார். நான்தான் அவர்களை அமெரிக்காவுக்கு அனுப்பி வைத்தேன். நேற்று கூட டிரம்ப் கிட்டே போய் 'இந்திய வர்த்தகம்' பற்றிப் பேசச் சொன்னேன். கமலாவும் 'பேசிவிட்டேன்' என்று எனக்கு மின்னஞ்சல் (Email) அனுப்பினாள். இந்த புதின் இருக்கிறாரே..."

தாத்தா மூச்சு விடாமல் பேசிக்கொண்டிருக்க (Grandpa Lies), பாஸ்கர் இடைமறித்தான்: "தாத்தா! எனக்குக் கொஞ்சம் வேலை இருக்கிறது, அடுத்த வாரம் வருகிறேன்!" என்று கூறிவிட்டுத் தப்பித்தால் போதும் என ஓடினான்.

அதன்பின் பாஸ்கர் பல மாதங்கள் பாலுவின் வீட்டுப் பக்கமே வரவில்லை!