ஜோக்ஸ்!

ஓவியம்: பிள்ளை

- எம். அசோக்ராஜா, அரவக்குறிச்சிப்பட்டி.

“டாக்டரை பெட்ல வச்சுத் தூக்கிட்டுப் போறாங்களே...?”

“ஆபரேஷன் பண்ணப்போன டாக்டரை, அந்த பேஷண்ட் "என்னையா கொல்லப் பார்க்கிறே"னு செம்மயாத் தாக்கிட்டு ஓடிட்டாராம்!”

**********************************

“பஸ் டிரைவரைச் சினிமா தியேட்டர்ல ஆபரேட்டராப் போட்டது தப்பாப் போச்சு...”

“என்னாச்சு?”

“ரசிகர்கள் யாராவது விசில் அடிச்சா, உடனே படத்தை நிறுத்திடறார்!"

**********************************

“ஏங்க... நம்மப் பையனுக்கு எட்டு தோசை சுட்டுப் போட்டேன். ஆனா, அவன் ஆறுதோசைன்னு சொல்றான்!"

“சரி, விடுடி... எவ்ளோதான் ‘சுட்டுப்போட்டாலும்’ அவனுக்குக் கணக்கு வராது!''

**********************************

“என்ன கமலா, வழக்கமா இட்லியில ஒரு ஓட்டைத்தான் போடுவே. இன்னைக்கு இவ்ளோ ஓட்டை இருக்கு?"

“கிண்டல் பண்ணாதீங்க... இது இடியாப்பம்!"

**********************************

“எதிர்க்கட்சித் தலைவர் எதையும் முறையாகத்தான் செய்வார்."

“அப்படியா?"

"ஆமா! இப்போ கூடப் பாருங்க... உருவ பொம்மையை எரிக்கிறதுக்கு உங்களை அளவு எடுக்க வர்றார்னா பார்த்துக்குங்களேன்!"