ஜோக்ஸ்!

ஜோக்ஸ் : நிலா, திருச்சி

படங்கள்: பிரபுராம்

"உடல் பருமனைக் குறைக்க இளவரசி குதிரை பயிற்சி செய்தார்களே… என்ன ஆச்சு?"

"குதிரை இளைத்துவிட்டது!

……………………………………………………………………

 "மன்னர் மேல் மகாராணி கோபமாய் இருக்கிறாரே… ஏன்?"

"மகாராணியை அடமானம் வைத்து மன்னர் ஆன்லைனில் ரம்மி ஆடியிருக்கிறார்."

……………………………………………………………………

"சட்டமன்றத்துக்கு தலைவர் எழுதாத வெறும் பேப்பரைக் கொண்டு வராரே… எதுக்கு?"

"வெள்ளையறிக்கை வெளியிடனும்னு சொன்னதைத் தப்பா புரிஞ்சுக்கிட்டாரு…

……………………………………………………………………

"புலவரே மன்னரிடம் என்ன பாட்டுப் பாடி பரிசு பெற்றீர்?"

"பஞ்சப்பாட்டுதான்!

……………………………………………………………………

"மழையில் நனைவது பிடிக்கும் என்று சொல்லும் மகாராணி இப்போதெல்லாம் மழையில் நனைவதில்லையே ஏன்?"

"தலைக்கு அடித்திருக்கும் டை சீக்கிரம் கரைந்து விடுகிறதாம்!"

……………………………………………………………………

"உங்க அபார்ட்மெண்ட்ல சமையல் போட்டி வைக்கிறாங்களே. நடுவர் யாரு?"

"வேற யாரு எங்க ஏரியா ராப்பிச்சைதான்!"

……………………………………………………………………

"தலைவர் புதுசா இந்தி கத்துக்கிறாருன்னு எதை வச்சு சொல்ற?"

"மைக் முன்னாடி நின்று ஹலோ… மைக் டெஸ்டிங் ஏக்… தோ… தீன்னு… சொல்றாரே"