சேமிப்பு: உங்களது தேவை போக, தனியாக சேமித்து வைக்கப்பட்ட பணம். இது அப்படியே இருக்கும். இது வளராது. உதாரணமாக, வீட்டில் தனியாக, பணப் பெட்டியிலோ,அஞ்சரைப் பெட்டியிலோ சேமிக்கப்பட்ட பணம்..முதலீடு: உங்களது தேவை போக, சேமிக்கப்பட்ட பணம்… வேறு ஒரு இடத்தில் சேமிக்கப்படுகிறது. அந்த வேறு ஒரு இடத்தில் சேமிக்கப்பட்ட பணம் அப்படியே இருப்பதில்லை. வளருகிறது. அந்த வேறு ஒரு இடத்திற்கு பல்வேறு உதாரணங்கள் உள்ளன; வங்கி சேமிப்பு கணக்கு (Bank Savings Account), வங்கி வைப்பு நிதி (Bank Fixed Deposit), ஊழியர் சேமநல நிதி (Employee Provident Fund), பொது சேமநல நிதி (Public Provident Fund), அஞ்சலக சேமிப்பு திட்டங்கள் (Post office Saving schemes) போன்றவற்றில் பணத்தை சேமிக்கலாம். இவை மட்டுமன்றி தொன்மையான ஓவியம், தொன்மையான நாணயம், பட்டா நிலம், கட்டிய வீடு, பரஸ்பர நிதி திட்டங்கள், பங்கு சந்தை பங்குகள் போன்றவற்றை சேமித்த பணத்தைக் கொண்டு வாங்கி , பின்னர், அவற்றின் மதிப்பு உயரும்போது, மீண்டும் பணமாக மாற்றிக் கொள்ளலாம்..முதலீடு செய்வதற்கு பல முகாந்திரங்கள் இருந்தாலும், முதலீடு என்பதற்கு அடிப்படையில் மூன்று குணாதிசயங்கள் உள்ளன..பணத்தை இழக்கும் அபாயத்தின் அளவு (Risk) : சில முதலீடுகளில் பணத்தை இழக்கக்கூடும். உதாரணமாக, நீங்கள் வாங்கிய பங்கின் நிறுவனம், திடீரென்று திவாலாகலாம். சில முதலீடுகளில் பணத்தை இழக்கும் வாய்ப்பு கிடையாது. உதாரணமாக, அஞ்சலக சேமிப்புத் திட்டத்தில் நீங்கள் சேமிக்கும் பணத்திற்கு இத்தகைய பணத்தை இழக்கும் அபாயம் கிடையாது.பணத்தின் நீர்ப்புத் தன்மை (Liquidity) ; சில முதலீடுகளை எளிதாக பணமாக மறுபடி மாற்ற முடியும். உதாரணமாக, சேமிப்பு கணக்கில் உள்ள பணத்தை எப்போது வேண்டுமானாலும்,எளிதாக எடுத்துக் கொள்ளலாம். சில முதலீடுகளை பணமாக மாற்றுவது கடினம். உதாரணமாக, நீங்கள் வாங்கிய வீடு, அல்லது நிலத்தினை நீங்கள் உடனே பணமாக மாற்ற இயலாது. சரியான நபர் கிடைத்து, பின் விற்றால் மட்டுமே, பணமாக மாற்ற முடியும். அதற்கு சில காலம் ஆகும்.பணம் வளரும் விகிதம் (Rate of return): சில முதலீடுகளில் அதிக வட்டி விகிதம் கிடைக்கும். உதாரணமாக, சில துறை சார்ந்த பரஸ்பர நிதிகளில் (Sector Mutual Funds) பணம் 100% மேல் கூட, சில முறை வளர்ச்சியைத் தரும். சில முதலீடுகளில் பணம் வளரும் விகிதம் குறைவு. உதாரமணமாக, வங்கி வைப்பு நிதி போன்றவற்றில் வட்டி விகிதம் குறைவு..எந்த ஒரு முதலீட்டிலும் நிறை குறைகள் இருக்கும். மேலே குறிப்பிட்ட குணாதிசயங்கள் மூன்றில், இரண்டோ அல்லது ஒன்றோ மட்டுமே அதனால் நிறைவேற்ற முடியும். உதாரணமாக,.பங்கு சந்தை முதலீடு: நீர்ப்பு தன்மை அதிகம். பணத்தை இழக்கும் அபாயம் அதிகம். வளரும் விகிதம் அதிகம்..நிலத்தில் செய்யப்பட்ட முதலீடு: நீர்ப்புத்தன்மை மிக குறைவு. பணத்தை இழக்கும் அபாயம் நடுத்தரம். வளரும் விகிதம் நடுத்தரம்..வங்கி வைப்பு நிதி முதலீடு: நீர்ப்புத்தன்மை அதிகம். பணத்தை இழக்கும் அபாயம் குறைவு. வளரும் விகிதம் குறைவு..எனவே, எந்த ஒரு முதலீட்டினையும் அதன் நிறை குறைகளுக்கு ஏற்ப, நமது குறிக்கோளின் காலவரையறைக்கு ஏற்ப முதலீடு செய்ய வேண்டும்..முதலீட்டினைத் தொடங்குவதற்கு முன்பாக காப்பீட்டினைத் தொடங்குவது முக்கியமானது. முதலீடு என்பது சேமித்த பணத்தைப் பெருக்குவதற்காக செய்யப்படுகிறது. காப்பீடு என்பது இதுவரை சேமித்த பணத்தைக் காப்பதற்காக செய்யப்படுகிறது..முதலீட்டிற்கு புதியவர் எனில் பின்வருமாறு படிப்படியாகத் தொடங்கலாம்..காலவரையறையுள்ள ஆயுள் காப்பீடு எடுத்துக் கொள்ளுங்கள்; ஆயுள் காப்பீடு என்பது குடும்பத்தின் சம்பாதிக்கும் நபர் திடீரென இறந்துவிட்டால், குடும்பத்தின் நிதி நிலைமை பாதிக்காமல் வைத்திருக்க உதவும். குடும்பம் கடனில் மாட்டிக்கொள்ளாமல் தடுக்கும்.மருத்துவக் காப்பீடு எடுத்துக் கொள்ளுங்கள்; வீட்டில் திடீரென எதிர்பாராத பெரிய மருத்துவ செலவுகளுக்கு, கடன் வாங்குவதை மருத்துவக் காப்பீடு தடுக்கும்.அவசரகால நிதியினை தயார் செய்யுங்கள்; வாகன பழுது, வீட்டின் திடீர்மராமத்து வேலைகள் போன்ற எதிர்பாராத அவசரத் தேவைகளுக்கு கடன் வாங்குவதை தவிர்க்க இந்த அவசர கால நிதி உதவும். உங்களது மாதச் செலவினைப் போல், குறைந்தபட்சம் 3 முதல் 6 மடங்கு அவசர கால நிதியினை ஒதுக்கி, சேமிப்பு கணக்கில் வையுங்கள். இவற்றில் பணத்தை இழக்கும் அபாயம் குறைவு. பணம் பாதுகாப்பாக இருக்கும்.குறுகிய காலக் குறிக்கோள்களுக்கு, வங்கியின் வைப்பு நிதியில் முதலீடு செய்யுங்கள்; உதாரணமாக, உங்களுக்கு 2 வருடம் கழித்து, சிற்றுந்து வாங்கும் எண்ணமிருப்பின், அதற்கான குறுகிய கால முதலீட்டினை, வங்கியின் வைப்பு நிதி திட்டத்தில் (Fixed deposit) அல்லது தொடர் வைப்பு நிதி திட்டத்தில் (Recurring deposit) முதலீடு செய்யுங்கள். இவற்றில் பணத்தை இழக்கும் அபாயம் குறைவு. பணம் பாதுகாப்பாக இருக்கும்.ஓய்வு காலத்திற்கான குறிக்கோள்களுக்கு, அலுவலகம் சார்ந்த, அரசு சார்ந்த ஓய்வூதிய திட்டங்களில் முதலீடு செய்யுங்கள்; தொழிலாளர் சேமநல நிதி, பொது சேமநல நிதி போன்ற திட்டங்களில் முதலீடு செய்யுங்கள். இவற்றில், நல்ல வட்டி விகிதம் உண்டு. அரசாங்கத்தின் 80C வரி விலக்கும் உண்டு. எனவே, பணமானது கூட்டு வட்டியில் நன்கு வளரும். பணத்தை இழக்கும் அபாயம் குறைவு.ஓய்வு காலத்திற்கான குறிக்கோள்களுக்கு, பங்கு சந்தை குறியீடு சார்ந்த பரஸ்பர நிதி போன்ற ஈடுபாடு அற்ற (passive) திட்டங்களில் முதலீடு செய்யுங்கள்; பரஸ்பர நிதி திட்டங்களில் பங்கு சந்தை சார்ந்த குறியீட்டுத் திட்டம் (Index Funds) போன்றவற்றில் முதலீடு செய்யுங்கள். இத்தகையத் திட்டங்களில் பணம் பரவலாக முதலீடு செய்யப்படுவதால், பணத்தை இழக்கும் அபாயம் குறைவு. இவற்றில் குறுகிய காலத்தில் ஏற்றத்தாழ்வுகளைக் கண்டாலும், நீண்ட நெடுங்காலத்தில் நல்லதொரு பணப்பெருக்கத்தினைக் கொடுக்கும்.உங்களுக்கு பரஸ்பர நிதிகள் சார்ந்த முதலீட்டில் நன்கு திறன் கூடினால், பரஸ்பர நிதி திட்டங்களில் உள்ள துறை சார்ந்த, பெரிய நிறுவனங்கள், நடுத்தர நிறுவனங்கள், சிறிய நிறுவனங்கள் சார்ந்த ஈடுபாடு சார்ந்த (active) திட்டங்களில் முதலீடு செய்யலாம்; இவற்றில் அவ்வப்போது பார்த்து, கபடி ஆட்டம் போல், எப்பொழுது வெளியே வரலாம் என்ற விழிப்புணர்வு முக்கியம். இவற்றில் வளரும் விகிதம் அதிகம்.ஆனால், பணத்தை இழக்கும் அபாயமும் அதிகம்.உங்களுக்கு பங்கு சந்தை சார்ந்த நேரடி பங்கு முதலீட்டில் நன்கு திறன் கூடினால், பங்கு சந்தை நிறுவனங்களை தேர்ந்தெடுத்து, முதலீடு(invest) செய்யலாம். பங்கு சந்தை நேரடி; முதலீடு என்பது நீண்ட நெடுங்காலத்திற்கானது. குறுகிய கால ஏற்றத்தாழ்வுகளைப் பற்றி கவலைப்படக்கூடாது. பங்கு சந்தை வாணிபத்தில் (trading) தேர்ந்த ஞானம் இருந்தால் மட்டுமே பங்கு சந்தை வாணிபத்தில் இறங்கலாம். இதுவும் கபடி ஆட்டம் போன்றது. இவற்றில் வளரும் விகிதம் அதிகம். ஆனால், பணத்தை இழக்கும் அபாயமும் அதிகம்.உங்களுக்கு வித்தியாசமான முதலீடுகளில் திறன் இருந்தால், அவற்றில் முதலீடு செய்யலாம்; பணம் பரிவர்த்தனை (forex) சார்ந்த முதலீடுகள், சரக்கு (commodities) சார்ந்த முதலீடுகள், தொன்மையான பொருட்கள் முதலீடு, நிலத்தில் முதலீடு போன்றவற்றில் திறன் இருந்தால் மட்டும் இறங்க வேண்டும். இவற்றில் வளரும் விகிதம் அதிகம். ஆனால், பணத்தை இழக்கும் அபாயம் மிக அதிகம்..நண்பர்களே! மேற்குறிப்பிட்ட ஆலோசனைகளில், முதல் மூன்றும் காப்பீடு போன்றவை. அடுத்த மூன்றும் எளிமையான முதலீடுகள். கடைசி மூன்றும் திறன் சார்ந்த முதலீடுகள். என்னைப் பொறுத்த வரை, எளிமையான முதலீடுகளே போதுமானவை. அவை உங்களுக்கு நல்ல சராசரியான ஒரு பணப் பெருக்கத்தினைக் கொடுக்கும். திறன் சார்ந்த முதலீடுகளில், அதைச் சார்ந்த திறன் உங்களுக்கு இருந்தால் மட்டும், இறங்க வேண்டும்..உங்களது முதலீடுகள் வெற்றியடைய வாழ்த்துகள்.
சேமிப்பு: உங்களது தேவை போக, தனியாக சேமித்து வைக்கப்பட்ட பணம். இது அப்படியே இருக்கும். இது வளராது. உதாரணமாக, வீட்டில் தனியாக, பணப் பெட்டியிலோ,அஞ்சரைப் பெட்டியிலோ சேமிக்கப்பட்ட பணம்..முதலீடு: உங்களது தேவை போக, சேமிக்கப்பட்ட பணம்… வேறு ஒரு இடத்தில் சேமிக்கப்படுகிறது. அந்த வேறு ஒரு இடத்தில் சேமிக்கப்பட்ட பணம் அப்படியே இருப்பதில்லை. வளருகிறது. அந்த வேறு ஒரு இடத்திற்கு பல்வேறு உதாரணங்கள் உள்ளன; வங்கி சேமிப்பு கணக்கு (Bank Savings Account), வங்கி வைப்பு நிதி (Bank Fixed Deposit), ஊழியர் சேமநல நிதி (Employee Provident Fund), பொது சேமநல நிதி (Public Provident Fund), அஞ்சலக சேமிப்பு திட்டங்கள் (Post office Saving schemes) போன்றவற்றில் பணத்தை சேமிக்கலாம். இவை மட்டுமன்றி தொன்மையான ஓவியம், தொன்மையான நாணயம், பட்டா நிலம், கட்டிய வீடு, பரஸ்பர நிதி திட்டங்கள், பங்கு சந்தை பங்குகள் போன்றவற்றை சேமித்த பணத்தைக் கொண்டு வாங்கி , பின்னர், அவற்றின் மதிப்பு உயரும்போது, மீண்டும் பணமாக மாற்றிக் கொள்ளலாம்..முதலீடு செய்வதற்கு பல முகாந்திரங்கள் இருந்தாலும், முதலீடு என்பதற்கு அடிப்படையில் மூன்று குணாதிசயங்கள் உள்ளன..பணத்தை இழக்கும் அபாயத்தின் அளவு (Risk) : சில முதலீடுகளில் பணத்தை இழக்கக்கூடும். உதாரணமாக, நீங்கள் வாங்கிய பங்கின் நிறுவனம், திடீரென்று திவாலாகலாம். சில முதலீடுகளில் பணத்தை இழக்கும் வாய்ப்பு கிடையாது. உதாரணமாக, அஞ்சலக சேமிப்புத் திட்டத்தில் நீங்கள் சேமிக்கும் பணத்திற்கு இத்தகைய பணத்தை இழக்கும் அபாயம் கிடையாது.பணத்தின் நீர்ப்புத் தன்மை (Liquidity) ; சில முதலீடுகளை எளிதாக பணமாக மறுபடி மாற்ற முடியும். உதாரணமாக, சேமிப்பு கணக்கில் உள்ள பணத்தை எப்போது வேண்டுமானாலும்,எளிதாக எடுத்துக் கொள்ளலாம். சில முதலீடுகளை பணமாக மாற்றுவது கடினம். உதாரணமாக, நீங்கள் வாங்கிய வீடு, அல்லது நிலத்தினை நீங்கள் உடனே பணமாக மாற்ற இயலாது. சரியான நபர் கிடைத்து, பின் விற்றால் மட்டுமே, பணமாக மாற்ற முடியும். அதற்கு சில காலம் ஆகும்.பணம் வளரும் விகிதம் (Rate of return): சில முதலீடுகளில் அதிக வட்டி விகிதம் கிடைக்கும். உதாரணமாக, சில துறை சார்ந்த பரஸ்பர நிதிகளில் (Sector Mutual Funds) பணம் 100% மேல் கூட, சில முறை வளர்ச்சியைத் தரும். சில முதலீடுகளில் பணம் வளரும் விகிதம் குறைவு. உதாரமணமாக, வங்கி வைப்பு நிதி போன்றவற்றில் வட்டி விகிதம் குறைவு..எந்த ஒரு முதலீட்டிலும் நிறை குறைகள் இருக்கும். மேலே குறிப்பிட்ட குணாதிசயங்கள் மூன்றில், இரண்டோ அல்லது ஒன்றோ மட்டுமே அதனால் நிறைவேற்ற முடியும். உதாரணமாக,.பங்கு சந்தை முதலீடு: நீர்ப்பு தன்மை அதிகம். பணத்தை இழக்கும் அபாயம் அதிகம். வளரும் விகிதம் அதிகம்..நிலத்தில் செய்யப்பட்ட முதலீடு: நீர்ப்புத்தன்மை மிக குறைவு. பணத்தை இழக்கும் அபாயம் நடுத்தரம். வளரும் விகிதம் நடுத்தரம்..வங்கி வைப்பு நிதி முதலீடு: நீர்ப்புத்தன்மை அதிகம். பணத்தை இழக்கும் அபாயம் குறைவு. வளரும் விகிதம் குறைவு..எனவே, எந்த ஒரு முதலீட்டினையும் அதன் நிறை குறைகளுக்கு ஏற்ப, நமது குறிக்கோளின் காலவரையறைக்கு ஏற்ப முதலீடு செய்ய வேண்டும்..முதலீட்டினைத் தொடங்குவதற்கு முன்பாக காப்பீட்டினைத் தொடங்குவது முக்கியமானது. முதலீடு என்பது சேமித்த பணத்தைப் பெருக்குவதற்காக செய்யப்படுகிறது. காப்பீடு என்பது இதுவரை சேமித்த பணத்தைக் காப்பதற்காக செய்யப்படுகிறது..முதலீட்டிற்கு புதியவர் எனில் பின்வருமாறு படிப்படியாகத் தொடங்கலாம்..காலவரையறையுள்ள ஆயுள் காப்பீடு எடுத்துக் கொள்ளுங்கள்; ஆயுள் காப்பீடு என்பது குடும்பத்தின் சம்பாதிக்கும் நபர் திடீரென இறந்துவிட்டால், குடும்பத்தின் நிதி நிலைமை பாதிக்காமல் வைத்திருக்க உதவும். குடும்பம் கடனில் மாட்டிக்கொள்ளாமல் தடுக்கும்.மருத்துவக் காப்பீடு எடுத்துக் கொள்ளுங்கள்; வீட்டில் திடீரென எதிர்பாராத பெரிய மருத்துவ செலவுகளுக்கு, கடன் வாங்குவதை மருத்துவக் காப்பீடு தடுக்கும்.அவசரகால நிதியினை தயார் செய்யுங்கள்; வாகன பழுது, வீட்டின் திடீர்மராமத்து வேலைகள் போன்ற எதிர்பாராத அவசரத் தேவைகளுக்கு கடன் வாங்குவதை தவிர்க்க இந்த அவசர கால நிதி உதவும். உங்களது மாதச் செலவினைப் போல், குறைந்தபட்சம் 3 முதல் 6 மடங்கு அவசர கால நிதியினை ஒதுக்கி, சேமிப்பு கணக்கில் வையுங்கள். இவற்றில் பணத்தை இழக்கும் அபாயம் குறைவு. பணம் பாதுகாப்பாக இருக்கும்.குறுகிய காலக் குறிக்கோள்களுக்கு, வங்கியின் வைப்பு நிதியில் முதலீடு செய்யுங்கள்; உதாரணமாக, உங்களுக்கு 2 வருடம் கழித்து, சிற்றுந்து வாங்கும் எண்ணமிருப்பின், அதற்கான குறுகிய கால முதலீட்டினை, வங்கியின் வைப்பு நிதி திட்டத்தில் (Fixed deposit) அல்லது தொடர் வைப்பு நிதி திட்டத்தில் (Recurring deposit) முதலீடு செய்யுங்கள். இவற்றில் பணத்தை இழக்கும் அபாயம் குறைவு. பணம் பாதுகாப்பாக இருக்கும்.ஓய்வு காலத்திற்கான குறிக்கோள்களுக்கு, அலுவலகம் சார்ந்த, அரசு சார்ந்த ஓய்வூதிய திட்டங்களில் முதலீடு செய்யுங்கள்; தொழிலாளர் சேமநல நிதி, பொது சேமநல நிதி போன்ற திட்டங்களில் முதலீடு செய்யுங்கள். இவற்றில், நல்ல வட்டி விகிதம் உண்டு. அரசாங்கத்தின் 80C வரி விலக்கும் உண்டு. எனவே, பணமானது கூட்டு வட்டியில் நன்கு வளரும். பணத்தை இழக்கும் அபாயம் குறைவு.ஓய்வு காலத்திற்கான குறிக்கோள்களுக்கு, பங்கு சந்தை குறியீடு சார்ந்த பரஸ்பர நிதி போன்ற ஈடுபாடு அற்ற (passive) திட்டங்களில் முதலீடு செய்யுங்கள்; பரஸ்பர நிதி திட்டங்களில் பங்கு சந்தை சார்ந்த குறியீட்டுத் திட்டம் (Index Funds) போன்றவற்றில் முதலீடு செய்யுங்கள். இத்தகையத் திட்டங்களில் பணம் பரவலாக முதலீடு செய்யப்படுவதால், பணத்தை இழக்கும் அபாயம் குறைவு. இவற்றில் குறுகிய காலத்தில் ஏற்றத்தாழ்வுகளைக் கண்டாலும், நீண்ட நெடுங்காலத்தில் நல்லதொரு பணப்பெருக்கத்தினைக் கொடுக்கும்.உங்களுக்கு பரஸ்பர நிதிகள் சார்ந்த முதலீட்டில் நன்கு திறன் கூடினால், பரஸ்பர நிதி திட்டங்களில் உள்ள துறை சார்ந்த, பெரிய நிறுவனங்கள், நடுத்தர நிறுவனங்கள், சிறிய நிறுவனங்கள் சார்ந்த ஈடுபாடு சார்ந்த (active) திட்டங்களில் முதலீடு செய்யலாம்; இவற்றில் அவ்வப்போது பார்த்து, கபடி ஆட்டம் போல், எப்பொழுது வெளியே வரலாம் என்ற விழிப்புணர்வு முக்கியம். இவற்றில் வளரும் விகிதம் அதிகம்.ஆனால், பணத்தை இழக்கும் அபாயமும் அதிகம்.உங்களுக்கு பங்கு சந்தை சார்ந்த நேரடி பங்கு முதலீட்டில் நன்கு திறன் கூடினால், பங்கு சந்தை நிறுவனங்களை தேர்ந்தெடுத்து, முதலீடு(invest) செய்யலாம். பங்கு சந்தை நேரடி; முதலீடு என்பது நீண்ட நெடுங்காலத்திற்கானது. குறுகிய கால ஏற்றத்தாழ்வுகளைப் பற்றி கவலைப்படக்கூடாது. பங்கு சந்தை வாணிபத்தில் (trading) தேர்ந்த ஞானம் இருந்தால் மட்டுமே பங்கு சந்தை வாணிபத்தில் இறங்கலாம். இதுவும் கபடி ஆட்டம் போன்றது. இவற்றில் வளரும் விகிதம் அதிகம். ஆனால், பணத்தை இழக்கும் அபாயமும் அதிகம்.உங்களுக்கு வித்தியாசமான முதலீடுகளில் திறன் இருந்தால், அவற்றில் முதலீடு செய்யலாம்; பணம் பரிவர்த்தனை (forex) சார்ந்த முதலீடுகள், சரக்கு (commodities) சார்ந்த முதலீடுகள், தொன்மையான பொருட்கள் முதலீடு, நிலத்தில் முதலீடு போன்றவற்றில் திறன் இருந்தால் மட்டும் இறங்க வேண்டும். இவற்றில் வளரும் விகிதம் அதிகம். ஆனால், பணத்தை இழக்கும் அபாயம் மிக அதிகம்..நண்பர்களே! மேற்குறிப்பிட்ட ஆலோசனைகளில், முதல் மூன்றும் காப்பீடு போன்றவை. அடுத்த மூன்றும் எளிமையான முதலீடுகள். கடைசி மூன்றும் திறன் சார்ந்த முதலீடுகள். என்னைப் பொறுத்த வரை, எளிமையான முதலீடுகளே போதுமானவை. அவை உங்களுக்கு நல்ல சராசரியான ஒரு பணப் பெருக்கத்தினைக் கொடுக்கும். திறன் சார்ந்த முதலீடுகளில், அதைச் சார்ந்த திறன் உங்களுக்கு இருந்தால் மட்டும், இறங்க வேண்டும்..உங்களது முதலீடுகள் வெற்றியடைய வாழ்த்துகள்.
