ஜோக்ஸ்!

 -சி. ஆர். ஹரிஹரன், ஆலுவா.

படங்கள்; பிள்ளை

"சபாவுல என்னோட கச்சேரிக்கு கூட்டம் வரணும்னா என்ன செய்யணும்யா?"

"சபா கேன்டீன்ல உங்க கச்சேரியை வச்சுக்குங்க பாகவதரே!"

—————————————————-

"தோசை என்னப்பா இவ்வளவு சின்னதா இருக்கு?"

"பொடி தோசை வேணும்னு நீங்க தானே சார் சொன்னீங்க!"

—————————————————-

"தலைவர் தினமும் ஜிம்முக்குப் போய் உடம்பைக் குறைத்துக்கொள்ள ஏன்  இவ்வளவு ஆர்வமா இருக்கார்?"

"குண்டர் சட்டத்துல போலீஸ் கைது செய்துடுவாங்களோன்னு பயந்துக் கிட்டுத்தான்!"

—————————————————-

"எதுக்கு தலைவரே கண் டாக்டரை பார்க்கப் போகணும்னு சொல்றீங்க?"

"என் பார்வையே சரியில்லைன்னு மகளிரணித் தலைவி  சொல்றாங்கய்யா!"

—————————————————-

"அடுத்த தேர்தல்ல நாமதான்யா ஜெயிப்போம்!"

"அதுவரை நம்ம கட்சி இருக்கணுமே தலைவரே!"

—————————————————-

" கட்சி மீட்டிங்குக்கு எப்படி இவ்வளவு கூட்டம் சேர்ந்தது?"

"தலைவர் பேச மாட்டார்னு சொல்லி அழைச்சுகிட்டு வந்தோம்!"

—————————————————-

"தலைவர் வீட்டுக்கு ரெய்டு நடத்த வந்த சிபிஐ அதிகாரிகள் ஏன் ரெய்டு நடத்தாம திரும்பிப் போயிட்டாங்க?"

"தலைவர் ஆளும்கட்சி கூட  கூட்டணில சேர்ந்துட்டார்னு தகவல் கிடைச்சுதாம்!"

—————————————————-

"நான் சுயசரிதை எழுதப்போறேன்யா!"

"வேண்டாம் தலைவரே,  சுயசரிதைக்கு விபரம் சேகரிக்க எத்தனை போலீஸ் ஸ்டேஷனுக்குத்தான் நீங்க போவீங்க?"

—————————————————-

"எல்லா ரவுடிங்களையும் போலீஸ் பிடிக்கப் போறாங்களாம்யா!"

"அதுக்கு நீங்க ஏன் இப்படி பயப்படுறீங்க தலைவரே?"

"நம்ம கட்சி ஆபீஸ்ல ரெய்டு நடத்துவாங்களே!"