0,00 INR

No products in the cart.

‘கண்’ணெனப் பாதுகாப்போம்!

அழகோ அழகு – 2

அழகுக்கலை நிபுணர் Dr.வசுந்தரா

கண்களுக்கு மேலே கருமை, இரு புருவங்களுக்கிடையில் மற்றும் கண்களின் ஓரங்களில் கோடுகள் அல்லது சுருக்கங்கள் என கண்களைச் சுற்றி ஏற்படக்கூடிய பல பிரச்னைகளுக்கான காரணங்களையும் தீர்வுகளையும் பார்க்கலாமா?

அழகுக்கலை நிபுணர் Dr.வசுந்தரா

மிக முக்கியமான காரணம் மன அழுத்தம் மற்றும் தூக்கமின்மை. உணவில் உப்பு அதிகம் சேர்ப்பது, மது அருந்துதல், புகை பிடித்தல், சைனஸ் உபாதை, கண் மை அல்லது eyeliners உபயோகிப்பதால் ஏற்படும் எரிச்சல், அலர்ஜி போன்றவைகளா லும், கண்களைக் கொட்டாமல் கணினியில் வேலை செய்வதாலும், தொடர்ந்து தொலைக்காட்சி பார்ப்பதாலும் கண்ணீர் சுரப்பிகள் உலர்ந்து அரிப்பு, எரிச்சல் ஏற்பட்டு கண்களைச் சுற்றி கருமை படரும். இதனால் முகம் களை இழந்து காணப்படும்.

இந்தக் கருவளையம் மற்றும் கோடுகளை எவ்வாறு வராமல் தடுக்கலாம் அல்லது நீக்கலாம்? இதோ சில இயற்கை மூலிகைத் தீர்வுகள்…

பாதாம் எண்ணெய்யை விரலால் தொட்டு கண்களைச் சுற்றி மசாஜ் செய்து அரை மணி நேரம் ஊறிய பின் குளிர்ந்த நீரால் கண்களை சுத்தம் செய்ய வேண்டும். வாரத்தில் இரண்டு அல்லது மூன்று முறை இதை செய்து வந்தால் கண்களுக்கு ஊட்டச் சத்து பெருகி, நாளடைவில் கருமை மறைந்து விடும்.

தக்காளியை தோல் நீக்கி அதன் சாறு ஒரு டேபிள் ஸ்பூன் எடுத்து, ஒரு டேபிள் ஸ்பூன் குளிர்ந்த பால் கலந்து, அதில் பஞ்சை தோய்த்து கண்களின் அடிப்பகுதியில் பத்துப் பதினைந்து நிமிடங்கள் ஊற வைக்கலாம். இதேபோல், தூய ரோஸ் வாட்டரிலும் செய்யலாம்.

வெளியில் அதிகம் செல்வோர் புற ஊதாக் கதிர்கள் கண்களை பாதிக்காமல் காக்க, வேக வைக்காத உருளைக்கிழங்கை தோல் சீவி துருவி அல்லது சாறு எடுத்து கண்களைச் சுற்றியும் புருவங்களுக்கு மத்தியிலும் தடவி வந்தால் நல்ல பலன் கிட்டும்.

கரு வளையங்கள் என்றாலே வெள்ளரிக்காய் நினைவு வருகிறதல்லவா? எத்தனை சினிமாக்களில் பார்த்திருக்கிறோம்? கண்கள் மேல் பஞ்சு வைத்து அதன் மேல் வெள்ளரித் துண்டுகளை வைக்கலாம். அல்லது இரண்டு டீஸ்பூன் வெள்ளரி துருவல், கால் டீஸ்பூன் தேன், ஒரு சொட்டு லாவண்டர் எண்ணெய் கலந்து தடவினாலும் கண்களுக்குக் குளிர்ச்சியாக இருக்கும்.

திராட்சைக் கொட்டைகளிலிருந்து தயாரிக்கப்படும் எண்ணெய்; ரோஸ் வாட்டர், கேரட் சாறு, பால் மூன்றும் கலந்த கலவை கண்களின் அயர்ச்சியைப் போக்கி புத்துணர்ச்சி கொடுக்கும் தீர்வுகள்.

மேற்சொன்ன தீர்வுகளைத் தயாரித்து உபயோகிக்க நேரமில்லை என்பவர்கள் வாரத்தில் ஒரு நாள் கண்களுக்கு அடியில் வைக்கக்கூடிய collagen eyepad உபயோகிக்கலாம் அல்லது collagen சிகிச்சை எடுத்துக் கொள்ளலாம்.

மேற்சொன்ன எந்தத் தீர்வுக்கும் கட்டுப்படாமல் சிலருக்கு கருவளையங்களும், சுருக்கங்களும் மறையாமலே இருப்பதற்கு அவர்களின் குடும்ப மரபியல் காரணமாக இருக்கலாம். அவர்கள் சரும நிறத்திலேயே கிடைக்கும் concealer உபயோகித்து அவற்றை மறைக்கலாம்.

எல்லாவற்றுக்கும் மேலாக, நம் உணவில் மஞ்சள் மற்றும் ஆரஞ்சு நிற பழங்கள், காய் வகைகள், உதாரணமாக பப்பாளி, மாம்பழம், கேரட், மஞ்சள் பூசணிக்காய் மற்றும் கீரை வகைகளை அதிகம் சேர்க்க வேண்டும்.

வெளியில் செல்லும்போது குளிர்க் கண்ணாடி அணிவது கண்களைப் பாதுகாக்கும்.

வெது வெதுப்பான நீரில் சில சொட்டுக்கள் லாவண்டர் எண்ணெய் விட்டு மாலை நேரத்தில் குளித்தால், இரவில் நல்ல தூக்கம் வரும். இதுவும் கண்களை, கண்ணெனப் பாதுகாக்க ஒரு மிகச்சிறந்த வழி!
தொகுப்பு : மங்கை ஜெய்குமார்

1 COMMENT

  1. கண்களின் கருவளையத்தையும் கோடுகளையும் போக்க அருமையான டிப்ஸ்.
    சிறப்பாக தொகுத்திருக்கிறார் மங்கை ஜெய்குமார்.
    பாராட்டுக்கள்.

Stay Connected

261,311FansLike
1,909FollowersFollow
8,370SubscribersSubscribe

Other Articles

பறக்கும்  பாவைகள்!

0
‘எங்களாலும் பறக்க முடியும்’ -ஜி.எஸ்.எஸ். பகுதி - 7 ரஃபேல் போர் விமானத்தினை பிரான்ஸ் நாட்டைச் சேர்ந்த, ‘டஸால்ட் ஏவியேஷன்’ நிறுவனம் தயாரிக்கிறது. ஒரு முறை எரிபொருள் நிரப்பினால் 3,700 கிலோ மீட்டர் தூரத்திற்குச் செல்லக்...

பாட்டொன்று கேட்டேன்!

இது மங்கையர்மலரின் விவிதபாரதி... பகுதி -10 மங்கையர் மலர் விவித பாரதியில் இன்று நாம் கேட்க விரும்பும் பாடல்... 1964 ஆம் ஆண்டு வந்த தேவர் பிலிம்ஸின் "வேட்டைக்காரன் "படத்தில் கேவி மகாதேவன் இசையில் கவியரசு...

திருக்குறளும் பொன்னியின் செல்வனும்!

 பாகம் - 4   -சுசீலா மாணிக்கம்   திருக்குறளின் நான்காம் அதிகாரம் 'அறன் வலியுறுத்தல்' "அன்றறிவாம் என்னாது அறஞ்செய்க மற்றது  பொன்றுங்கால் பொன்றாத் துணை" பிறகு பார்த்துக்கொள்ளலாம் என்று நாள் கடத்தாமல் அறவழியை மேற்கொண்டால் அது ஒருவர் இறந்தபின் கூட அழியாப்...

இனியில்லை கடன்!

4
சென்ற வார தொடர்ச்சி... சிறுகதை: நாமக்கல் எம்.வேலு ஓவியம்: தமிழ் அதற்கப்புறம் ராமசாமியிடம் இருந்து எந்த செய்தியும் இல்லை.  எப்போது பணம் கொடுப்பாய் என்று எப்போவும் போல சோமசுந்தரமும் போன் போட்டு கேட்கவுமில்லை.  ஆபரேசன் நல்லபடியாய் நடந்ததா,...

குரு அருள் திரு அருள்!

பகுதி -2 -நளினி சம்பத்குமார் ஓவியம்; வேதா அனைத்தையும் அருளிடும் குருவின் பார்வை சமஸ்க்ருதத்தில் சுபாஷிதம் அதாவது நல்ல அர்த்தங்கள் பொருந்திய வாக்கியம் ஒன்று உண்டு. குருவின் பார்வை என்பது 1011 பார்வைக்குக் கூட ஈடாகாது, அதற்கும்...