0,00 INR

No products in the cart.

கவிதை!

-என்.கே.பாலசுப்ரமணியன்.

எப்போ வருவாரோ?

வாரப்பத்திரிகைகளில்
வண்ணப்படங்களுடன்
வகை,வகையாய்
தொடர்கதைகள்,
வித விதமாய்
சிறுகதைகள்
வெளிவந்த
காலங்களில் – அவைகளை
வணிகப் பத்திரிகைகள் என
மலினப்படுத்தி,
அவர்களை வணிக எழுத்தாளர்களென
வசைபாடி,
நாங்கள் தான் இலக்கியம்
படைக்கிறோமென மார் தட்டி மகிழ்ந்தனர்
சிற்றிதழாளர்கள்.

ஓவியம்; பிள்ளை

கால ஓட்டத்தில்
வாட்ஸ்அப் வருகையில்
வாசிப்பின் மீதே
நேசிப்பு குறைந்ததில்
கழுதை தேய்ந்து
கட்டெறும்பானது போல்
தொடர் முற்றி,
சிறுகதை வற்றி,
ஒரு பக்கக்கதையென
உருமாறி,
அதுவும் அதிகம் என
நிமிடக்கதையாகி,
ஒரு வரிக்கதையாகி
அடுத்து என்னவோ
அதிர்ச்சியில் திகைக்கையில்
ஏங்குது என் மனம்
‘எப்ப வருவாரோ கல்கி, சுஜாதா’ போல
ஒருவர் தன்னுடைய எழுத்தால்
தமிழனைக் கட்டிப்போட?`
நீங்கள் இலக்கியம் படைப்பது இருக்கட்டும்,
வாசகனைப் படிக்க வைக்கும்
இலக்கணம் புரியட்டும் முதற்கட்டம்!

4 COMMENTS

  1. நவீன காலத்தை நாே க்கி இலக்கியங்கள் படுவேகமாக பறக்கும் பாே து மாற்றங்கள்
    இயல்பே. கவிதை காலஓட்டத்தை க்
    காட்டும் கண்ணாடி பிம்பம் தான். வாழ்த்துகள்.
    து.சே ரன்
    ஆலங்குளம்

  2. உங்கள் கவிதையை ரசத்தேன் எழுத்தில் வலிமை இருந்தால் கதைகள் வெற்றி பெறும்
    திருவரங்க வெங்கடேசன்.பெங்களுரு

  3. கதைகள் என்றும் சாகாது . ஏதோ ஒரு உருவில் உருமாறி வந்து கொண்டுதான் இருக்கும். நாவலோ,தொடர் கதையோ,சிறுகதையோ ,பெட்டிக்கதையோ, ஒருவரி கதையோ ஆவலுடன் படிக்கும் நேயர்கள் இருக்கும் வரை கதைகள் வந்து கொண்டுதான் இருக்கும். அழிவு ஏற்படாது கவலை வேண்டாம்.

Stay Connected

261,037FansLike
1,932FollowersFollow
11,900SubscribersSubscribe

Other Articles

தாயே அனுமதி கொடு!

1
கவிதை! -ஜி.அர்ஜுனன், செங்கல்பட்டு இதுவரை உன்னை முந்திப்போக நினைத்ததில்லை! இப்போதெல்லாம் மூன்றுகால் போட்டியிலும் நீயேதான் முதலிடம் பிடிக்கிறாய்! எண்பது வயதிலும் எனக்கு எதுவும் தெரியாதென்றே நம்புகிறாய் நீ இல்லா விட்டால் எனக்கு வாழத் தெரியாது என்றும் புலம்புகிறாய். உண்மைதான்... நான் கட்டியிருக்கும் கந்தல் வேட்டியைக் கூட நீதான் கசக்கி பிழிகிறாய் நான் குடிக்கும் கஞ்சிக்கு கூட உப்பு போதுமா போதாதா என்று...

கவிதை!

0
-ச்ஜேஸூ, ஜெர்மனி செயற்கை உரம்! முடிச்சுக் கயிற்றின் முத்த உறவு விடுபட உற்சாகத் துள்ளலுடன் தாய்மடி மோதி பாலுண்ணுகிறது கன்றுக்குட்டி! இடையிடையே தாயின் நாவருடல் இதமான சுகம் தர மீண்டும் மடி கிறக்கம் தேடியோடுகிறது கன்று! சற்று நேரத்தில்- இளைத்த வயிறு ஊதிய பலூனாய் பெருக்கிறது யூரியா தின்று கொழுத்த பாலக்கீரை போலவே!

கர்ம வீரர் காமராஜர் பிறந்த தினம் – ஜூலை 15

0
கவிதை! (கறுப்பு காந்தி) - ஆர். மீனலதா, மும்பை படித்தவரில்லையெனினும் பண்பிலே உயர்ந்து நின்று பாமரர்களின் கல்விப் பசி, வயிற்றுப் பசியாற்றி பனைமரமென உயர்ந்த பச்சைத் தமிழர்! சிறைச்சாலையின் தீவிர சித்ர வதையிலும் சிரித்த முகத்துடன் சிந்தித்து தன் அறிவினை வளர்த்த சிந்தனைச் சிற்பி! அரசியல் எதிரிகளை அன்புடன் நடத்தி அனைத்து மக்களும் நலன்பெற அரசின்...

புகைப்படக் கவிதை!

- மங்கையர் மலர் வாசகீஸ் FB  பகிர்வு! பாடம் ..!  பயமறியா  பருவத்திலேயே பாசம், நேசமென போதித்தது இயற்கையா? இறைவனாயென இன்றளவும் யோசிக்கிறேன்...!! -பானு பெரியதம்பி, சேலம் பழைய தத்துவம் புதிய படத்திற்கு... நால்வரோடு சேர்ந்து ஐவரான உண்மை நண்பர்கள் ரசிக்கும் இயற்கை காட்சி -உஷாமுத்துராமன், திருநகர்   என்னப்பா  பார்க்கறீங்க நல்லா...

கவிதைத் தூறல்!

- பி.சி.ரகு, விழுப்புரம்   லஞ்சம் பல கோடி கொள்ளையடித்த அரசியல்வாதி கோயில் உண்டியலில் காணிக்கையாய் போட்டான் ஆயிரம் ரூபாய்! --------------------------------------------------- மன்னிப்பு மன்னிப்பது கடவுள் செயல் மன்னிப்பு கேட்பது மனித செயல் மனிதனாய் இருந்து கடவுளாய் வாழுங்கள்... ஒவ்வொருவருக்குள்ளும் ஒளிந்திருக்கிறார் கடவுள்! -------------------------------------------- மவுனம் அவளது கொலுசு கூட ஏதோ ஒன்று பேசிவிட்டுத்தான் போகிறது... அவள் மட்டும்தான் இன்னும் மவுனமாகவே இருக்கிறாள்! -------------------------------------------- ரகசியம் காற்று அப்படி என்னதான் சொல்லியது? தலையாட்டி சம்மதம் தெரிவிக்கிறதே மரம்! -------------------------------------------- வரதட்சனண ஆசையாய் கேட்ட பொம்மையை ஆசையாய் கேட்ட...