0,00 INR

No products in the cart.

முத்துக்கள் மூன்று

தொகுப்பு: பத்மினி பட்டாபிராமன்

ஆட்டோமொபைல் துறையில் சாதித்த சந்திரகலா

மிகவும் சவாலான ஆட்டோமொபைல் துறையில் கடந்த 26 வருடங்களாக சாதனைகள் செய்து வருகிறார் சந்திரகலா.

தூத்துக்குடியில் சாதாரண குடும்பத்தில் அதிகம் படிக்காத பெற்றோருக்கு மகளாகப் பிறந்தவர். பள்ளிப் படிப்பு தமிழ் மீடியம்தான். மெகானிகல் எஞ்சினீரிங் படிப்பில் டிப்ளமா, பிட்ஸ் (BITS) லிருந்து, பொறியியல் தொழில்நுட்பத்தில் பட்டப் படிப்பு, இன்டெர்நேஷனல் பிசினஸ் மேனேஜ்மென்ட் முதுகலை என்று படித்து, இன்று ஆட்டோமொபைல் துறையின் எல்லாப் பிரிவுகளிலும் உயர் பதவிகளை நிர்வகித்து வருபவர்.
திருச்சி பெல் நிறுவனத்தில், வெல்டர் பிரிவில் (Welding Research Institute) தேர்ச்சி பெற்ற முதல் பேட்ச் பெண்களில் ஒருவர். பொறியியல் கல்லூரிகளில் சிறப்பு விரிவுரையாளராக, குறிப்பாக பெண்கள் மெக்கானிகல் துறையில் முன்னேறும் வழிகளைப் பற்றி வகுப்பெடுத்து வருகிறார். இதனால் பல பெண்களுக்கு ரோல் மாடல் இவர்.
இந்தியாவில் புதிய கார்கள் அறிமுகம் செய்யும் நிகழ்வுகளில் கண்டிப்பாக இவரது பங்கு உண்டு. ஆட்டோமொபைல் சம்பந்தமாக பல துறைகளிலும் ஒர்க் ஷாப்களை ஏற்பாடு செய்து, பெரிய அளவில் திட்டமிட்டு செயல்பட உதவியாக இருந்திருக்கிறார்.

மோடிவேஷனல் ஸ்பீச் எனப்படும் ஊக்கம் தரும் உரைகள், கட்டுரைகள் என்று சமுதாயப் பணிகளிலும் உற்சாகமாக ஈடுபட்டு வருகிறார். ரயில்வேயில் பணி புரியும் தன் கணவர் தரும் ஊக்கம் தான் தன் வெற்றிக்குக் காரணம் என்கிறார்.

ஊருணி ஃபவுண்டேஷன் வழங்கிய 2020ம் ஆண்டிற்கான பெண் சாதனையாளர் விருது, பிராண்ட் ரிபப்ளிக் வழங்கிய, 2021ம் ஆண்டிற்கான தமிழ்ப் பெண் சாதனையாளர் விருது, என விருதுகள் பெற்றவர் சந்திரகலா.

50 வயதில் ஆடிட்டர் ஆக முடியுமா?

திருமதி. பத்மாவதி ஹரிஹரன் தான் அந்த பெருமைக்குரிய பெண்மணி. தனது 50 வது வயதில், சி.ஏ. (சார்டர்ட் அக்கவுண்டென்ட்) படித்து ஆடிட்டர் ஆக முடியும் என்று நிரூபித்திருக்கிறார். தற்சமயம் பத்மாவதி ஹரிஹரன் அவர்களுக்கு வயது 86. ஆடிட்டராக பணி புரிந்து ஓய்வு பெற்றவர்.

விடாமுயற்சி, அர்ப்பணிப்பு, இவற்றோடு உறுதியாக இருந்து இந்த சாதனையை செய்திருக்கிறார் இவர். சிறு வயதிலிருந்தே ஒரு பட்டதாரி ஆக வேண்டும் என்பது இவரது விருப்பமாக இருந்து வந்திருக்கிறது. ஆனால் இன்டர்மீடியட் படித்த உடன் திருமணம் செய்து விட்டார்கள்.
இருந்தாலும் பட்டம் வாங்க வேண்டும் என்ற ஆர்வத் துடிப்பினால், தன் 42 வது வயதில், மதுரை காமராஜர் பல்கலைக் கழகம் நடத்தும் தொலைதூரப் படிப்பு மூலம், பி.காம் பட்டதாரி ஆகியிருக்கிறார். படிப்பின் மீது இவருக்கு இருந்த தணியாத ஆர்வத்தைப் பார்த்த ஆடிட்டர் சி.வி.எஸ் மணியன், நீங்கள் சி.ஏ. சேர்ந்து படிக்கலாமே என்று ஊக்கம் தந்திருக்கிறார்.
மூன்று பிள்ளைகளுக்கு தாயாக, குடும்பத்தையும் முழுவதும் நிர்வகித்தபடி பல பிரச்சினைகளுக்கு நடுவே பரீட்சைகளுக்குப் படிப்பது பெரும் சவாலாகத்தான் இருந்தது என்று குறிப்பிடுகிறார். வீட்டு சுவர்களில் கணக்கு ஃபார்முலாக்களை எழுதி வைத்து, சமையல் செய்து கொண்டே அவற்றை மனப்பாடம் செய்வாராம்.
ஒரே நாளில், காலையில் எம்.காம், மதியம் சி.ஏ என்று இரண்டு பரீட்சைகள் இருக்கும். வீட்டுக் கதவைப் பூட்டிக் கொண்டு படித்த நாட்களும் உண்டு என்கிறார்.
கணவர் ஹரிஹரன், வருமானவரித்துறையில் உதவி ஆணையராக இருந்து ஓய்வு பெற்றவர். அவரது முழு ஆதரவும் தனக்கு இருந்ததாக பெருமிதப்படுகிறார்.

தமிழக உள்ளாட்சித் தேர்தலில் சாதித்த பெண்கள்

அண்மையில் தமிழ்நாட்டில் நடைபெற்ற உள்ளாட்சித் தேர்தல்களில் பெருமளவு பெண் வேட்பாளர்கள் தேர்தலில் நின்றனர். பலரும் வெற்றி பெற்றுள்ளனர். அவர்களுள் மூவரைப் பார்ப்போம்.

உமா ஆனந்த்: சென்னை மாநகராட்சி தேர்தலில், மேற்கு மாம்பலத்தில் 134வது வார்டில் பாரதிய ஜனதா கட்சி சார்பில் போட்டியிட்ட உமா ஆனந்த், 2036 ஓட்டுக்கள் வித்தியாசத்தில் வெற்றி பெற்றுள்ளார்.
அந்தப் பகுதியில் வெள்ளம் வந்து நிறைய சேதங்களை ஏற்படுத்துவதால், வெள்ளத் தடுப்பு நிவாரணப் பணிகளில் அதிக கவனம் செலுத்தப் போவதாக உமா தெரிவித்திருக்கிறார். தவிர பிரதமர் மோடியின் நலத்திட்டங்களை செயல்படுத்துவதன் மூலம், அந்த வார்டை ஒரு மாடல் வார்டு ஆக்கப் போவதாகவும் உறுதியளித்திருக்கிறார்.

மாணவி சினேகா: திருச்சி மாவட்டம் துவாக்குடி நகராட்சியில் வார்டு 5ல் சுயேச்சையாக போட்டியிட்ட 22 வயது இளம் வேட்பாளர் சினேகா வெற்றி பெற்றுள்ளார். இவர் திருச்சி எம்.ஏ.எம். பொறியியல் கல்லூரியில், எலக்ட்ரானிக்ஸ் கம்யூனிகேஷன் படித்து வருகிறார். இவரது தந்தை செல்வராஜ் ஒரு சமூக சேவகர். அதனாலேயே இந்த தேர்தலில் தனக்கு ஆர்வம் ஏற்பட்டதாக சினேகா கூறுகிறார். கவுன்சிலர் பதவிக்கான பணிகளையும் செய்து கொண்டு, படிப்பிலும் தன்னால் கவனம் செலுத்த முடியும் என்று உறுதியாக நம்புகிறார்.

திருநங்கை கங்கா: வேலூர் முனிசிபல் கார்ப்பரேஷன் தேர்தலில் 37வது வார்டில் கங்கா என்ற திருநங்கை வெற்றி பெற்று வேலூர் நகராட்சியின் முதல் திருநங்கை கவுன்சிலர் ஆகியிருக்கிறார்.
இவர் திராவிட முன்னேற்றக் கழகம் சார்பில் போட்டியிட்டார். பெண்களுக்கு
சுத்தமான பொது கழிப்பறை கட்டவும்,
இளைஞர்களுக்கு விளையாட்டு மைதானம் உருவாக்கவும் திட்டமிட்டுள்ளதாக கூறும் இவர்,
நல்ல குடிநீர் வழங்கவும் உறுதி அளித்துள்ளார்.

 

பத்மினி பட்டாபிராமன்
பத்மினி பட்டாபிராமன் மூத்த எழுத்தாளர். பத்திரிகையாளர். குறுநாவல்களும் சிறுகதைகளும் பிரபல பத்திரிகைகளில் நிறைய எழுதி முதல் பரிசும் பெற்றவர். இவற்றின் தொகுப்பாக இதுவரை ஏழு புத்தகங்கள் வெளியிட்டிருக்கிறார். மருத்துவம், தோட்டக் கலை, புகைப்படக் கலை பற்றிய தொடர் கட்டுரைகள், கட்டுரைகள் மங்கையர் மலரிலும், கல்கியிலும், தினமணி நாளிதழிலும், வெளிவந்து கொண்டிருக்கின்றன உலக நாடுகளில் சுமார் 80 நாடுகளுக்கு மேல் சென்றிருப்பவர். தன் அனுபவங்களை பயணக் கட்டுரைகளாக, எழுதி வருபவர். சென்னை அண்ணா பல்கலைக் கழகத்தில் வருகைப் பேராசிரியராக (VISITING FACULTY) 14 வருடங்களுக்கு மேலாக கம்ப்யூட்டர் கிராஃபிக்ஸ், அனிமேஷன், வெப் டிசைனிங் வகுப்புக்கள் நட்த்திய அனுபவம். சென்னை தொலைக்காட்சியில் அறிவிப்பாளர், நிகழ்ச்சி தொகுப்பாளர், அகில இந்திய வானொலி எஃப். எம்மில் செய்தி வாசிப்பாளர், பிக்ஸல் மாயா அனிமேஷன் பயிற்சி நிலையத்தின் மந்தவெளிப் பிரிவு இயக்குனர். மாணவர்களுக்கு மல்டிமீடியா, அனிமேஷன் வகுப்புக்கள் எடுத்து வருகிறார். கைவினைப் பொருட்கள் செய்வதிலும் வீணை வாசிப்பதிலும் ஆர்வம் உடையவர். சமூக நலப் பணிகளில் ஈடுபட்டு வருபவர். “உரத்த சிந்தனை” அமைப்பின் தற்போதைய தலைவர்.

Stay Connected

261,699FansLike
1,912FollowersFollow
7,330SubscribersSubscribe

Other Articles

ஏலேலோ ஏலகிரி எழில்மிகு ஐந்து இடங்கள்!

- மஞ்சுளா சுவாமிநாதன்  கொரோனா வந்தாலும் வந்தது, சுற்றுலா/ உல்லாசப் பயணம்/ விடுமுறை எல்லாம் தடைப்பட்டுப் போச்சு. கடந்த இரண்டு வருஷமா வீட்டுலயே  முடங்கிக் கிடந்த எங்களுக்கு சென்ற டிசம்பர் மாதம் ‘ஓமைக்ரான்' வருதே,...

முத்துக்கள் மூன்று!

தொகுப்பு: பத்மினி பட்டாபிராமன் சுதா ரகுநாதனுக்கு மத்திய அரசுப் பதவி மத்திய அரசின் கலாசாரத் துறை அமைச்சகம், பிரபல கர்னாடக இசைப் பாடகி சுதா ரகுநாதன் அவர்களை, கலாசாரத்திற்கான ஆலோசனைக் குழு (Central Advisory Board...

மகளிர் தின சிறப்பு குறுக்கெழுத்துப் போட்டி!

5
-ஜி.எஸ்.எஸ். ஆயிரம் வகை புதிர்கள் இருந்தாலும், குறுக்கெழுத்துப் புதிர் போல குஷி தரும் புதிர் உண்டா? இதோ... உங்கள் பொது அறிவை சோதிக்க, குறுக்கெழுத்துப் புதிரைத் தந்துள்ளோம். குலுக்கல் முறையில் 10 பேருக்கு பரிசு வழங்கப்படும்....

கவிதைத் துறல்!

1
- பவானி, திருச்சி  சிறப்பு மெளன அஞ்சலி செலுத்த ஊரே திரண்டு வந்தால் இறப்பும் பெறுகிறது சிறப்பு. .........................................................  வாழ்க்கை இழப்பதற்கு ஒன்றும் இல்லை என்றான பிறகுதான் பலருக்குப் புரிகிறது வாழ்க்கையின் அர்த்தம். ......................................................... வீராப்பு பட்டுப் புடைவையோ பருத்தி ஆடையோ குறுக்கே எதை வைத்தாலும் வெட்டுவேன் வீராப்பு காட்டுகிறது கத்தரிக்கோல். ......................................................... வில்லன் பணம் கதாநாயகன் ஆகியதும் வில்லன் பாத்திரம் ஏற்கிறது குணம். ......................................................... குணம் ஆறுவது சினம் ஆறாதது மன ரணம் ஆறறிவு கொண்டு ஆராய்வது குணம்.

சினிமாவில் பெண்கள்! 

-ஜெஸிகா  நூறு வருட சினிமா வரலாற்றை அனைவரும் திரும்பிப் பார்த்துக்கொண்டிருக்கும் தருணம் இது. நூறு வருட தமிழ் சினிமாவில் பெண்களின் பங்களிப்பு குறித்தும், நடிகைகளுக்கு சினிமாவில் கிடைத்த இடம் குறித்தும் இந்த தருணத்திலாவது பேச...