0,00 INR

No products in the cart.

மார்கழி மகோத்ஸவம் – ‘தினம் தினம் வண்ணக்கோலம்’

மார்கழி மகோத்ஸவம்

அன்பு வாசகீஸ்,

மார்கழி மாதத்தை முன்னிட்டு, நாமும் விதவிதமான வண்ணக் கோலங்களைப் போட்டு மகிழலாமே!
உங்களுடைய அழகான கோலங்களை மங்கையர் மலருக்கு அனுப்புங்க.

மென்பேனா – https://kalkionline.com/menpena/

இமெயில் – [email protected]

முகநூல் – https://www.facebook.com/Mangayar-Malar-1941875779426990

அல்லது

தபால் மூலமாக தங்கள் புகைப்படத்தையும் இணைத்து அனுப்புங்க.

தேர்வாகும் கோலங்கள் www.kalkionline.com இணையதள முகப்புப் பக்கத்தில், ‘தினம் தினம் வண்ணக்கோலம்’ என்ற பகுதியில் உங்களுடைய புகைப்படத்துடன் இடம்பெறும்.
பிரசுரமாகும் கோலங்களுக்கு சிறப்புப் பரிசும் காத்திருக்கிறது. வெள்ளைத்தாளில் நிறுத்தி நிதானமாகக் கோலமிட்டு, வண்ணமிட்டு அனுப்புங்க.
தபாலில் அனுப்ப :
மங்கையர் மலர்
11/16, மாஞ்சோலை 3வது தெரு,
ஈக்காட்டுத்தாங்கல்,
சென்னை – 600 032.

…………………………

மார்கழி மகாராணி!

மற்ற மாதங்களுக்கு இல்லாத சிறப்புகள் மார்கழிக்கு உண்டு. எப்படி?
  • மார்கழி மாதத்தில்தான் தேவலோகத்தில் பகல் பொழுது ஆரம்பமாகிறது. மானுட உலகிற்கு ஒரு நாள் என்பது 24 மணி நேரமெனில், தேவர் உலகிற்கு ஒரு நாள் என்பது ஒரு வருடமாகும்.
  • தனுர் மாத பூஜை நடைபெறும் மாதம் மார்கழி. ஆண்டாள், தனது திருப்பாவையை ‘மார்கழித் திங்கள் மதிநிறைந்த நன்னாள்’ என்கிற பாடலுடன்தான் தொடங்கினாள். விரதமிருந்து கண்ணனை கணவனாக அடைந்தாள்.
  • ‘மார்கழி’ தட்சிணாயனம் என்கிற இரவின் முடிவில் வருவதால், பிரம்ம முகூர்த்தமெனப்படுகிறது. அந்த பிரம்ம முகூர்த்த அதிகாலைப் பொழுதில், வானவீதியிலே தெய்வங்கள் உலா வருவதாக ஐதீகம். ஆதலால்தான் அதிகாலையில் எழுந்து, வாசலில் கோலமிட்டு, அதன் நடுவே பூ வைத்து அலங்கரிக்கப்படுகிறது.
  • மார்கழி மாதம் முழுவதும் அதிகாலை நீராடி, திருப்பாவை, திருவெம்பாவை பாடல்களைப் பாடி இறைவனை வணங்குவது சிறப்பாகும்.
  • மார்கழியின் தட்ப – வெட்ப நிலை சுகமான தென்றல் காற்று போன்றதாகும்.

  • சைவ சமயத்தினர் சிவபெருமானை ஆருத்ரா தரிசனத்தன்றும், வைணவ சமயத்தினர் மகாவிஷ்ணுவை வைகுண்ட ஏகாதசியன்றும், கிறிஸ்துவர்கள் இயேசுநாதரை கிறிஸ்துமஸ் அன்றும், இஸ்லாமியர்கள் அல்லாவை ரம்ஜான் அன்றும் வணங்கிக் கொண்டாடுவது மார்கழியில்தான்.
  • மேலும், மார்கழியில்தான் உலகமெங்கும் கோலாகலமாகக் கொண்டாடப்படும், ‘ஆங்கிலப் புத்தாண்டு’ ஆரம்பமாகிறது.

  • பழையனவற்றை எரிக்கும், ‘போகிப் பண்டிகை’ வருவதும் மார்கழியில்தான்.
    இப்போது சொல்லுங்கள்… மார்கழி மகாராணிதானே!
    -ஆர்.மீனலதா, மும்பை

1 COMMENT

  1. மார்கழி மாதத்தின் சிறப்பு குறித்து வந்த கட்டுரை மிகவும் சிறப்பாக உள்ளது. பாராட்டுகள்.

Stay Connected

261,335FansLike
1,909FollowersFollow
8,130SubscribersSubscribe

Other Articles

ஏலேலோ ஏலகிரி எழில்மிகு ஐந்து இடங்கள்!

- மஞ்சுளா சுவாமிநாதன்  கொரோனா வந்தாலும் வந்தது, சுற்றுலா/ உல்லாசப் பயணம்/ விடுமுறை எல்லாம் தடைப்பட்டுப் போச்சு. கடந்த இரண்டு வருஷமா வீட்டுலயே  முடங்கிக் கிடந்த எங்களுக்கு சென்ற டிசம்பர் மாதம் ‘ஓமைக்ரான்' வருதே,...

முத்துக்கள் மூன்று!

தொகுப்பு: பத்மினி பட்டாபிராமன் சுதா ரகுநாதனுக்கு மத்திய அரசுப் பதவி மத்திய அரசின் கலாசாரத் துறை அமைச்சகம், பிரபல கர்னாடக இசைப் பாடகி சுதா ரகுநாதன் அவர்களை, கலாசாரத்திற்கான ஆலோசனைக் குழு (Central Advisory Board...

முத்துக்கள் மூன்று

தொகுப்பு: பத்மினி பட்டாபிராமன் ஆட்டோமொபைல் துறையில் சாதித்த சந்திரகலா மிகவும் சவாலான ஆட்டோமொபைல் துறையில் கடந்த 26 வருடங்களாக சாதனைகள் செய்து வருகிறார் சந்திரகலா. தூத்துக்குடியில் சாதாரண குடும்பத்தில் அதிகம் படிக்காத பெற்றோருக்கு மகளாகப் பிறந்தவர். பள்ளிப்...

எல்லாம் நாராயணன்!

0
தொகுப்பு: எஸ். சந்திர மௌலி படங்கள்: சேகர் இந்த ஆண்டு பகவான் ஸ்ரீராமகிருஷ்ணர் ஜெயந்தி தினம் மார்ச் 4ஆம் தேதி கொண்டாடப்படுகிறது. வாழ்க்கையின் பல தத்துவங்களையும், மிக எளிதில், அனைவருக்கும் புரியும் வகையில் குட்டிக் கதைகளாக...

முத்துக்கள் மூன்று!

தொகுப்பு: பத்மினி பட்டபிராமன் இந்திய மகளிர் கிரிக்கெட் அணி கேப்டன் மிதாலி ராஜ் சாதனை அண்மையில் நியூசிலாந்தில் இந்திய மகளிர் கிரிக்கெட் அணி, சுற்றுப் பயணம் செய்து நியூசிலாந்து மகளிர் அணியுடன் திறமையாக விளையாடினார்கள்....